Génesis 26:4 - Q'eqchi Bible

⁴ Tink'ihob'resi eb' laawalal aak'ajol, kama'aqeb' li chahim sa' choxa, ut tink'e chixjunil li ch'och' a'in reheb' laawi aamam, ut sa' xk'ab'a'eb' a'an osob'tesinb'ilaqeb' chixjunil li tenamit sa' ruuchich'och',

Li Santil hu

⁴ Teꞌnabalokꞌ la̱ cualal a̱cꞌajol joꞌ xqꞌuial li chahim chiru choxa. Chixjunil li chꞌochꞌ aꞌin tinqꞌue chokꞌ reheb la̱ cualal a̱cꞌajol. Chixjunileb li tenamit li teꞌcua̱nk saꞌ ruchichꞌochꞌ teꞌosobtesi̱k saꞌ xcꞌabaꞌeb la̱ cualal a̱cꞌajol, chan.

Génesis 26:4 ပူးပေါင်းရင်းမြစ်များ

Hechos 3:25

Laa'ex li ralal xk'ajol li propeet, laa'ex li ralal xk'ajol li Sumwank li kixk'ojob' li Yos rik'in leena' leeyuwa' naq kixye re laj Abrahán: «Sa' xk'ab'a'eb' laawalal aak'ajol osob'tesinb'ilaqeb' chixjunil li tenamit sa' ruuchich'och'».

Gálatas 3:8

Najter q'e kutan li Santil Hu ak naxnaw naq li Yos tixtiikob'resi xch'ooleb' li maawa'eb' aj Judiiy sa' xk'ab'a' li paab'aal. Jo'kan naq junxilaj kixye li chaab'il esil a'in re laj Abrahán: “Sa' aak'ab'a' osob'tesinb'ilaqeb' chixjunil li tenamit”.

Génesis 15:5

Ut kirisi laj Abrán chirix kab'l ut kixye re: “Il li choxa ut ajla li chahim, wi tatruuq rajlankileb'. Jo'kanaq xk'ihal eb' laawalal aak'ajol”.

Éxodo 32:13

Jultikaq aawe laj Abrahán, laj Isahak ut laj Israel, aj k'anjeleb' chawu, li kayeheb' wi' li jurament a'in: «Tink'e chi k'ihank leeralal eek'ajol jo' xk'ihaleb' li chahim sa' choxa. Chixjunil li ch'och' a'in li xinyeechi'i eere, tink'e reheb' leeralal eek'ajol, ut eb' a'an te'eechaninq re chi junajwa»”.

Génesis 13:16

Tink'eheb' chi k'ihank laawalal aak'ajol jo' li xpojtz'il li ch'och'. Wi ta junaq taaruuq rajlankil li xpojtz'il li ch'och', truuq raj ajwi' rajlankileb' laawalal aak'ajol.

Gálatas 3:16

Jo'kan utan, a' laj Abrahán kiyehe'k wi' li yeechi'om a'in ut re ajwi' li riyajil. Ink'a' naxye: “ut reheb' laawalal aak'ajol” chanchan tawi' li naab'aleb', yo b'an chi aatinak chirix jun ajwi': “ut re laawiyajil”, naraj naxye, a' li Kriist.

Salmos 72:17

Usilaatinanb'il taxaq xk'ab'a' chi junajwa ut wanqaq chi junelik kama' li saq'e! Osob'tesinb'ileb' taxaq chixjunileb' li tenamit sa' xk'ab'a' a'an. “Us xaq re”, cha'qeb' taxaq chixjunil li ruuchich'och'.

Hebreos 11:2

Sa' xk'ab'a' a'an xsaho'k xch'ool li Yos chirixeb' li qaxe' qatoon.

Génesis 18:18

Laj Abrahán a'anaq jun xnimal ru tenamit q'axal kawaq rib'. Sa' xk'ab'a' a'an osob'tesinb'ilaqeb' chixjunil li tenamit sa' ruuchich'och'.

Génesis 15:18

Sa' li kutan a'an li Qaawa' kixk'ojob' jun Sumwank rik'in laj Abrán: “Xink'e li ch'och' a'in reheb' laawalal aak'ajol chalen chaq sa' li nima' re Ejiipt toj sa' li nimla nima', a' li Éwfrates.

Génesis 26:24

Sa' ajwi' li q'oqyink a'an li Qaawa' kixk'ut rib' chiru ut kixye re: “Laa'in li xYos laj Abrahán laayuwa'. Matxiwak xb'aan naq laa'in wankin aawik'in. Tatwosob'tesi ut tink'ihob'resi eb' laawalal aak'ajol sa' xk'ab'a' laj Abrahán, laj k'anjel chiwu”.

Génesis 28:3

A' taxaq li Nimajwal Yos chi'osob'tesinq aawe, chixk'e taxaq aawalal aak'ajol, ut chatk'ihanq re naq laa'ataq xnimal xteepaleb' tenamit.

Génesis 28:14

Li xk'ihaleb' laawalal aak'ajol jo'aq li xpojtz'il li ch'och'; ut laa'at tatpukanq chalen sa' releb'l saq'e toj sa' rokeb'l; chalen sa' releb'l li iq' toj sa' rokeb'l. Sa' aak'ab'a' ut sa' xk'ab'a'eb' laawalal aak'ajol osob'tesinb'ilaqeb' chixjunil li tenamit sa' xb'een li ruuchich'och'.

Génesis 35:12

Li ch'och' li xink'e re laj Abrahán ut re laj Isahak tinq'axtesi aawe jo' ajwi' reheb' laawalal aak'ajol chirix laakamik”.

Génesis 47:27

Eb' laj Israel ke'kanaak sa' li na'ajej Gosen, sa' xteepal Ejiipt; ke'na'ajunk aran, ke'wank ralal xk'ajol ut k'ajo' naq ke'k'ihank.

Éxodo 6:4

Xink'ojob' ajwi' jun Sumwank rik'ineb' ut xinye li waatin naq tink'e reheb' li tenamit Kanahán, a' li ch'och' ke'xb'eeni chaq jo' aj numeleb'.

Deuteronomio 9:5

Moko xb'aan ta naq aak'ulub', chi moko xb'aan xtiikilal laach'ool toxaaweechani li xch'och'eb'. Li Qaawa' taa'isinq reheb' chawu, xb'aan naq moko us ta li xb'aanuhomeb' li tenamit a'an. Chi jo'kan tixpaab' li aatin xyehom reheb' laaxe'toonil yuwa', a' laj Abrahán, laj Isahak ut laj Jakob.

Deuteronomio 13:17

“Maak'a' k'a'aq re ru li ak q'axtesinb'il re sache'k taakanaaq aawik'in, re naq taanume'q xjosq'il li Qaawa' ut a'anaq taxaq aj uxtaan aawik'in ut chiril taxaq xtoq'ob'aal aawu jo'wi' tatxtamb'resi taxaq, jo' xyeechi'om reheb' laana' laayuwa'.

1 Crónicas 27:23

Laj David ink'a' kirajlaheb' li toj maji' neke'tz'aqlok junmay chihab', xb'aan naq li Qaawa' ak xyehom naq tixnaab'alob'resiheb' laj Israel jo'eb' li chahim chiru choxa.