Génesis 26:31 - Q'eqchi Bible

³¹ Naq kisaqewk, ke'wakliik ut ke'xk'e li jurament chirib'ileb' rib'. Chirix chik a'an laj Isahak kixchaq'rab'iheb' ut koheb' sa' tuqtuukilal.

Li Santil hu

³¹ Joꞌ cuulajak chic ekꞌela nak queꞌsake̱u, queꞌxba̱nu jun li contrato chi ribileb rib. Laj Isaac queꞌxchakꞌrabi rib saꞌ usilal. Ut eb aꞌan queꞌco̱eb.

Génesis 26:31 ပူးပေါင်းရင်းမြစ်များ

Hebreos 6:16

Xb'aan naq, jo'q'e na'uxmank jurament sa' xyanqeb' li winq, napatz'mank xk'ab'a' junaq li nim xwankil chiruheb', ut rik'in li jurament nak'ojlaak xch'ooleb' ut nach'olaak ru chixjunil li wech'ij ib'.

1 Samuel 30:15

Laj David kixye re: “Ma truuq tinaak'am rik'ineb' laj elq' a'an?”. Kixsume: “Ye laawaatin sa' xk'ab'a' li Qaawa' naq ink'a' tinaakamsi chi moko tinaaq'axtesi sa' ruq' laj eechal we, ut laa'in tatink'am wankeb' wi' li poyanam a'an”, chan.

Génesis 31:44

Kim b'i', ut qaxaqab'aq jun sumwank qakab'ichal li taach'olob'anq li yaal chiqix”.

Génesis 25:33

Kixye laj Jakob: “Ye we rik'in jurament anaqwan”. Ut a'an kixye rik'in jurament ut kixk'ayi li xb'eenil alalb'ejil re laj Jakob.

1 Samuel 20:3

Ab'an laj David kixye wi' chik: “Laayuwa' naxnaw chi us naq q'axal nikinaara. Jo'kan naq xye sa' xch'ool: «Ink'a' nawaj naq laj Jonatán tixnaw a'an, re naq ink'a' taaraho'q xch'ool», chan. Ab'anan, sa' xk'ab'a' li yo'yookil Yos ut sa' xk'ab'a' laayu'am ninye aawe naq kach'in chik maa ninkamk”.

1 Samuel 14:24

Q'axal ra wankeb' laj Israel sa' li kutan a'an, xb'aan naq laj Saúl kixb'aanu li jurament a'in: “Tz'eqtaananb'ilaq li ani taawa'aq hoon naq toj maji' na'ok li q'oqyink, wi toj maji' nink'eheb' li xik' neke'ilok we chi xtojb'aleb' li xmaakeb'”. Jo'kan naq maajun reheb' li tenamit kiwa'ak.

Génesis 31:55

Eq'la chi us laj Labán kixtz'ub' ruheb' li xkok'al ut eb' li xrab'in, kirosob'tesiheb' ut kisutq'iik sa' li xtenamit.

Génesis 22:3

Kiwakliik ut laj Abrahán toj hik'ho, kixyiib' rix li xb'uur, kixk'am chirix wiib' aj k'anjel chiru, rochb'een laj Isahak li ralal. Kixtz'ir xsi'ul li mayej ut koho sa' li na'ajej li kiyehe'k re xb'aan li Yos.

Génesis 21:23

Jo'kan b'i', arin ajwi' ye laawaatin sa' xk'ab'a' li Yos naq ink'a' tinaab'alaq'i, chi moko taab'alaq'iheb' li walal ink'ajol, chi moko eb' li wi inmam: jo' naq xinb'aanu usilal aawe, jo'kan ajwi' taab'aanu we ut re li tenamit li xatqak'ul wi' jo' tz'aqal qula'”.

Génesis 21:14

Kiwakliik laj Abrahán toj eq'la. Kixk'e chi xk'am xwa ut jun kuk xha' lix Agar; kixk'e chi xjelo li ch'ina'al ut kixchaq'rab'i. Ut a'an kixchap xb'e ut koho sa' li chaqich'och', sa' xteepal Berseba.

Génesis 19:2

ut kixye: “Ex qaawa', b'aanuhomaq usilal, okanqex sa' rochoch laj k'anjel a'in. Tuleenumsi li q'oqyink arin, teech'aj leeroq ut wulaj eq'la teechap wi' chik leeb'e”, chan reheb'. “Ink'a', tqanumsi li q'oqyink sa' li k'ayiil”, chankeb' li ula'.

Génesis 14:22

Ab'anan laj Abrán kixye re li awab'ej re Sodoom: “Xinye li waatin chiru Nimajwal Yos, aj yoob'tesinel re li choxach'och',

Génesis 21:27

Toja' naq laj Abrahán kixchapeb' xkarneer ut xwakax, kixk'eheb' re laj Abimélek ut ke'xk'ojob' jun sumwank.

Génesis 26:32

Sa' ajwi' li kutan a'an eb' laj k'anjel chiru laj Isahak ke'wulak rik'in ut ke'xye resil naq xe'xb'ek li ha': “Xqataw chaq li ha'”, chankeb' re.