Génesis 26:24 - Q'eqchi Bible

²⁴ Sa' ajwi' li q'oqyink a'an li Qaawa' kixk'ut rib' chiru ut kixye re: “Laa'in li xYos laj Abrahán laayuwa'. Matxiwak xb'aan naq laa'in wankin aawik'in. Tatwosob'tesi ut tink'ihob'resi eb' laawalal aak'ajol sa' xk'ab'a' laj Abrahán, laj k'anjel chiwu”.

Li Santil hu

²⁴ Saꞌ li kꞌojyi̱n aꞌan li Ka̱cuaꞌ Dios quixcꞌutbesi rib chiru laj Isaac ut quixye re: —La̱in li Ka̱cuaꞌ Dios li quinixlokꞌoni chak laj Abraham la̱ yucuaꞌ. Matxucuac. La̱in junelic tin-ilok a̱cue ut tatincuosobtesi. Ut tebinqꞌue ajcuiꞌ chi qꞌuia̱nc la̱ cualal a̱cꞌajol. Tinba̱nu aꞌin a̱cuiqꞌuin xban nak joꞌcaꞌin quinyechiꞌi chak re laj Abraham junxil, chan li Dios.

Génesis 26:24 ပူးပေါင်းရင်းမြစ်များ

Éxodo 3:6

Kixye ajwi': “Laa'in li xYos laayuwa'; laa'in li xYos laj Abrahán, laj Isahak ut laj Jakob”. Toja' naq laj Moisés kixmuq li ru xb'aan naq kixxiwa rilb'al li Yos.

Génesis 17:7

Tink'ojob' chi junajwa linSumwank aawik'in, jo' ajwi' rik'ineb' laawalal aak'ajol li te'wanq moqon. Laa'inaq laaYos ut xYoseb' ajwi' laawalal aak'ajol chi junelik.

Génesis 15:1

Naq ak xk'ulmank chixjunil a'in, ki'aatinaak laj Abrán xb'aan li Qaawa' sa' moy u chi jo'ka'in: “Matxiwak, Abrán: laa'in laj kolol aawe. Q'axal nimaq laaq'ajkamunkil”, chan li Yos.

Hechos 7:32

«Laa'in li xYos eb' laana' laayuwa'; laa'in xYos laj Abrahán, laj Isahak ut laj Jakob», chan. Nasiksotk laj Moisés ut kixxiwa rilb'al.

Génesis 24:12

Ut kitijok chi jo'ka'in: “At Qaawa', laa'at li xYos laj Abrahán laj eechal we! Chak'e taxaq naq us tin'elq chiru li kutan a'in ut chawusila ru laj eechal we.

Apocalipsis 1:17

Naq kiwil a'an, kint'ane'k chi hupu chi roq, chanchanin kamenaq kinkanaak, ut a'an kixk'e li xnim uq' sa' inb'een, yo chi xyeeb'al we: “Matxiwak. Laa'in li xb'een ut li rosob'l,

Génesis 28:13

Kiril ajwi' li Qaawa' wan chaq sa' xb'een li taqleb'aal ut kirab'i li aatin a'in: “Laa'in li Qaawa', xYos laj Abrahán laayuwa' ut xYos laj Isahak. Li ch'och' sotsookat wi' tink'e aawe ut reheb' laawalal aak'ajol.

Génesis 13:16

Tink'eheb' chi k'ihank laawalal aak'ajol jo' li xpojtz'il li ch'och'. Wi ta junaq taaruuq rajlankil li xpojtz'il li ch'och', truuq raj ajwi' rajlankileb' laawalal aak'ajol.

Hebreos 13:6

Jo'kan naq naru tqaye chi anchal qach'ool: “Li Qaawa' a'an aj tenq'ahom we; ink'a' tinxiwaq. K'aru truuq xb'aanunkil we junaq yal winq?”.

San Lucas 12:32

“Mexxiwak li jun ch'ina ch'uutex linkarneer, xb'aan naq xwulak chiru leeYuwa' xk'eeb'al eere li xnimajwal awab'ejihom.

San Mateo 22:32

«Laa'in li xYos laj Abrahán, li xYos laj Isahak ut li xYos laj Jakob»? Maawa' xYos li kamenaqeb', xYos b'an li yo'yookeb'.

Isaías 44:2

Laa'in li Qaawa' laj yoob'tesihom aawe, li kinsiyank chaq aawe ut toj yookin chatenq'ankil. Matxiwak, a Jakob, aj k'anjelat chiwu, at Yesurún, lintenamit sik'b'il ru inb'aan.

Isaías 41:10

Matxiwak, xb'aan naq wankin aawik'in; matk'oxlak xb'aan naq laa'in laaYos. Laa'in ninkawub'resink ut nintenq'ank aawe, kaw nakatinchap rik'in li wuq' li jwal kaw rib'.

Isaías 12:2

A' li Yos nakolok we; k'ojk'o li waanm rik'in ut maak'a' ninxiwa. Li Qaawa' a'an linkawilal ut linmetz'ew, a'an laj kolol we”.

Génesis 31:5

ut kixye reheb': “Xink'e reetal naq leeyuwa' ink'a' chik sa nikinril; ab'anan li xYos linyuwa' wank wik'in.

Isaías 51:12

“Laa'in nink'ehok xkawub' laach'ool -chan li Qaawa'-. Anihat laa'at chi xxiwankil ru li winq li yal kaamel, li taa'oso'q jo' li k'im?

Isaías 51:7

Ab'ihomaqin, laa'ex li nekenaw k'aru li tiikil ch'oolej, ex tenamit li kaw eech'ool chirix linchaq'rab'. Meexiwa ruheb' li poyanam neke'majewank chi moko chich'inanq eech'ool naq neke'hob'ok.

Génesis 22:19

Kisutq'iik laj Abrahán wankeb' wi' laj k'anjel chiru, ut wotz ke'xchap xb'e re xik Berseba. Ut aran kikanaak laj Abrahán.

Hebreos 11:16

Ab'an yookeb' chaq chi xsik'b'al jun li tenamit q'axal chaab'il, a' li wank sa' choxa. Jo'kan naq li Yos ink'a' naxutaanak xb'aaneb', ink'a' naxutaanak naq naxk'ab'a'in “xYoseb' a'an”, xb'aan naq ak kixkawresi jun li tenamit cho'q reheb'.

Génesis 17:8

Tink'e aawe ut reheb' laawalal aak'ajol li ch'och' a'in li wankat wi' jo' aj numel; chixjunil Kanahán tink'e chi reechaniheb' chi junajwa, ut laa'inaq xYoseb'”.

Génesis 21:17

Kirab'i li Yos li xyaab' xkux li ch'ina'al ut li x'ánjel li Qaawa' kiraatina chaq lix Agar toj sa' choxa ut kixye re: “K'aru xak'ul, a Agar? Matxiwak, xb'aan naq li Yos xrab'i xyaab' xkux li ch'ina'al aran b'arwi' wank.

Génesis 22:17

Jo'kan naq xinye li waatin chi tz'aqal yaal naq q'axal tatwosob'tesi ut tink'ihob'resi chi yo'oon eb' laawalal aak'ajol, jo'aqeb' xk'ihal li chahim sa' choxa ut li samahib' chire li palaw. Eb' laawalal te'eechaninq re li xtenamiteb' li xik' neke'ilok reheb'.

Génesis 28:3

A' taxaq li Nimajwal Yos chi'osob'tesinq aawe, chixk'e taxaq aawalal aak'ajol, ut chatk'ihanq re naq laa'ataq xnimal xteepaleb' tenamit.

Génesis 28:15

K'e reetal, laa'in wankin aawik'in. Tatinkol yalaq b'ar tatxik, ut tatinsutq'isi chaq sa' li na'ajej a'in. Ink'a' tatinkanab' toj reetal tinb'aanu li xinyeechi'i aawe”.

Génesis 30:27

Laj Labán kixye: “Usilal xintaw aawik'in. Kanaaqat. Q'axal xtoq'ob'aal wu naq xinwank; ab'anan, b'anyox aawe laa'at, li Qaawa' xinxrosob'tesi”.

Génesis 46:1

Laj Israel ki'elk aran ut kixk'am chirix chixjunil li k'aru wank re. Naq kiwulak Berseba, kimayejak chiru li xYos laj Isahak li xyuwa'.

Deuteronomio 13:17

“Maak'a' k'a'aq re ru li ak q'axtesinb'il re sache'k taakanaaq aawik'in, re naq taanume'q xjosq'il li Qaawa' ut a'anaq taxaq aj uxtaan aawik'in ut chiril taxaq xtoq'ob'aal aawu jo'wi' tatxtamb'resi taxaq, jo' xyeechi'om reheb' laana' laayuwa'.

Génesis 39:2

Li Qaawa' kixtenq'a laj José, ut a'in us ki'elk rik'in chixjunil naq wank sa' rochoch laj eechal re aj Ejiipt.

Génesis 39:3

A'in kixk'e reetal naq li Qaawa' wank rik'in laj José ut natenq'ank re, re naq us taa'elq rik'in chixjunil li naxb'aanu.

Éxodo 14:13

Kichaq'ok laj Moisés ut kixye reheb' li tenamit: “Mexxiwak, kawaq eech'ool ut teeril li kolb'a ib' tixk'e eere li Qaawa' sa' li kutan a'in. Xb'aan naq eb' laj Ejiipt li yookex chi rilb'al anaqwan, maajun wa chik teerileb' ru.

Levítico 26:42

Laa'in taajultiko'q we li Sumwank kinb'aanu rik'in laj Jakob, laj Isahak ut laj Abrahán, ut taajultiko'q we li ch'och'.

Levítico 26:45

Taajultiko'q we li Sumwank kinb'aanu rik'ineb' li xxe'toonil yuwa'eb' naq ke'wisiheb' chaq Ejiipt chiruheb' li xninqal ru tenamit, re naq laa'inaq li xYoseb'. Laa'in li Qaawa'”.

Deuteronomio 31:6

Kawaq eerib' ut chiwanq xkawub' eech'ool! Mexxiwak ut mexsiksotk chiruheb', xb'aan naq a' li Qaawa' laaYos nab'eresink eere ut ink'a' texxkanab' eejunes”, chan laj Moisés.

Li xHu LIX RUT 3:11

Ut anaqwan matxiwak, at inrab'in. Chixjunileb' li wech tenamitul neke'xnaw naq laa'at jun li ixq q'axal chaab'il laach'ool. Jo'kan naq laa'in tinb'aanu li taapatz' we.

1 Reyes 17:13

Kichaq'ok laj Elías ut kixye: “Matk'oxlak. Okan ut b'aanu jo' xaye, ab'an xb'enwa yiib' junaq inch'ina k'uluj ut taak'am chaq. Moqon chik taayiib' cho'q aawe ut cho'q re laayum.

Lamentaciones 3:57

Xinyaab'a laak'ab'a', ut xatjilok chink'atq: “Matxiwak!”, chankat we.