Génesis 25:8 - Q'eqchi Bible

⁸ Ki'elk xch'ool laj Abrahán ut kikamk chi ak tiix chi us ut ak xikenaq xhab', ut koxjunaji rib' rik'ineb' li xxe'toon.

Li Santil hu

⁸ Nak ac ti̱x chic chi us laj Abraham quicam ut co̱ chixtaubaleb lix xeꞌto̱nil yucuaꞌ li ac camenakeb.

Génesis 25:8 ပူးပေါင်းရင်းမြစ်များ

Génesis 49:33

Naq kiraqe'k laj Jakob chi xchaq'rab'inkileb' li ralal, kixk'olob' li roq chiru li xch'aat, ki'elk xch'ool ut koxjunaji rib' rik'ineb' li xxe'toonil yuwa'.

1 Crónicas 29:28

Kikamk chi ak tiix chi us ut ak xikenaq xhab', wank xb'ihomal ut xwankilal chi yo'oon. Ut a' chik laj Salomón li ralal ki'ok cho'q awab'ej.

Génesis 15:15

Ut naq tiixaqat chi us, tatq'ajq tatsutq'iiq sa' tuqtuukilal rik'ineb' laana' laayuwa' ut tatmuqe'q.

Li xHu LAJ JOB 42:17

Ak tiix chik chi us laj Job naq kiq'ajk kisutq'iik.

Génesis 25:17

Chixjunil li xyu'am laj Ismael a'an wuqlaju xwuqk'aal (137) chihab'. Chirix chik a'an ki'elk xch'ool ut kikamk, koxjunaji rib' rik'ineb' li xxe'toon.

Hechos 13:36

Chek'e reetal, laj David chiru li xyu'am kik'anjelak jo' chanru li xnimal rajom li Yos, ab'an moqon kikamk, koxjunaji rib' rik'in li xna' xyuwa' ut kiq'aak li xch'och'el xsululel.

Proverbios 20:29

Li xloq'aleb' li saaj poyanam a'an li xkawilaleb'; li xkorooneb' li ak cheekeb' a'an li xchaab'il yu'ameb'.

Li xHu LAJ JOB 5:26

Toj kawaq aawib' naq tattixq, jo' jun joob' chi triiw tz'aqal xcheekal.

Jueces 8:32

Laj Jedehón, ralal laj Johás, ak tiix chik chi us naq kikamk. Ut kimuqe'k sa' li na'ajej kimuqe'k wi' laj Johás li xyuwa', aran Ofrá re Abiéser.

Génesis 25:7

Chixjunil li xyu'am laj Abrahán a'an o'laju xb'eleek'aal (175) chihab'.

Hechos 5:10

Tikto kit'ane'k lix Safira chi roq laj Pedro ut ki'elk xch'ool. Naq ke'ok eb' li saaj al, kamenaq chik naq koxe'xtaw; ke'risi ut koxe'xmuq chaq chi xk'atq li xb'eelom.

Génesis 49:29

Chirix chik a'an laj Jakob kixchaq'rab'iheb' li ralal chi jo'ka'in: “Xik we. Tinq'ajq tinsutq'iiq rik'ineb' linkomon. Chineemuqaq wankeb' wi' linxe'toonil yuwa', sa' li ochoch pek li wank sa' xch'och' laj Efrón aj Hit,

Hechos 12:23

Ab'anan chi junpaat li x'ánjel li Qaawa' kixrahob'tesi laj Herodes, xb'aan naq kixmaq' cho'q re li xloq'al li Yos. Ut kikamk li awab'ej, chi lowb'il xb'aaneb' motzo'.

Hechos 5:5

Naq kirab'i li aatin a'in, laj Ananías kit'ane'k ut ki'elk xch'ool. Ut k'ajo' naq ke'chalk xxiweb' li ke'ab'ink re.

Jeremías 6:11

K'ajo' linjosq'il xb'aaneb', at Qaawa', jo' laajosq'il laa'at. Ink'a' chik ninkuy”. Li Qaawa' kixye we: “Isi laajosq'il sa' xb'eeneb' li kok'al wankeb' sa' b'e ut sa' xb'eeneb' li junq ch'uut chi saaj al. Te'chape'q li b'eelomej, eb' li ixaqilb'ej jo'wi' eb' li poyanam xikenaqeb' xchihab'.

Jueces 2:10

Ke'kamk ajwi' chixjunileb' li rech yu'amileb' laj Josué; ke'q'ajk ke'sutq'iik rik'ineb' li xxe'xtooneb', ut jalaneb' chik ke'yo'laak chirixeb' a'an: ink'a' neke'xnaw ru li Qaawa' chi moko xnawomeb' li kilajxb'aanu sa' xk'ab'a'eb' laj Israel.

Números 27:13

Naq ak xawil a'an, tatq'ajq tatsutq'iiq rik'ineb' laana' laayuwa', jo' xb'aanu laj Aharón laawas.

Números 20:24

“Laj Aharón taakamq: toxtaweb' li xna' xyuwa' ut ink'a' taa'ok sa' li ch'och' li xink'e reheb' laj Israel, xb'aan naq ink'a' kepaab' li waatin chire li ha' Meribá.

Génesis 35:18

Ut sa' relik xch'ool, naq kamk re, lix Rakel kixk'e aj Ben-Oní cho'q xk'ab'a' li k'uula'al; ab'an li xyuwa' aj Benjamín kixk'e cho'q xk'ab'a'.

Génesis 37:35

Chixjunileb' li ralal ut eb' li xrab'in ke'wulak chi xk'ojob'ankil xch'ool, a'ut a'an ink'a' kiraj k'ojob'aak xch'ool ut naxyehatq: “Tinwanq chi ra sa' inch'ool toj reetal tinxik rik'in li walal sa' xna'ajeb' li kamenaq”. K'ajo' naq kiyaab'ak laj Jakob chirix li ralal.

Deuteronomio 32:50

Aran, sa' xb'een li tzuul tattaqe'q wi', aran tatkamq, tatq'ajq ut tatsutq'iiq rik'ineb' laakomon. Jo'kan ajwi' kixk'ul laj Aharón laawas li kikamk sa' xb'een li tzuul Hor ut kiq'ajk kisutq'iik rik'ineb' li xkomon.

Génesis 50:13

ke'xk'am li xyuwa'ilqeb' aran Kanahán ut koxe'xmuq sa' li ochoch pek li wank sa' li na'ajej Makpelá xk'ab'a', a' li ch'och' kixloq' laj Abrahán cho'q xmuqleb'aal rik'in laj Efrón aj Hit, sa' xjayal Mambré.

1 Crónicas 23:1

Ak xtixk chik laj David ut ak xikenaq xchihab' chi us, kixxaqab' laj Salomón li ralal cho'q awab'ej re Israel.

2 Crónicas 24:15

Ab'anan kitixk laj Johadá, ut naq ak xikenaq xhab', kiq'ajk kisutq'iik. Lajeeb' xwuqk'aal (130) chihab' wank re, naq kikamk.

Li xHu LAJ JOB 41:32

Saqsaq ru li xwoqx li ha' naxkanab' ut nalemtz'unk b'arwi' nanume'k.