Génesis 25:21 - Q'eqchi Bible

²¹ Laj Isahak kitijok chiru li Qaawa' chirix li rixaqil xb'aan naq xma'al ixq; li Qaawa' kirab'i li xtij, ut lix Rebeka li rixaqil kikanaak sa' yu'am.

Li Santil hu

²¹ Laj Isaac quitijoc chiru li Ka̱cuaꞌ Dios. Quitijoc chirix li rixakil xban nak ma̱ jun lix cocꞌal nequeꞌcuan. Li Ka̱cuaꞌ Dios quirabi xtij laj Isaac. Ut lix Rebeca quicana chi yaj aj ixk.

Génesis 25:21 ပူးပေါင်းရင်းမြစ်များ

Esdras 8:23

Koo'ayuunik ut kiqatz'aama qatenq'ankil chiru li qaYos, ut A'an koorab'i.

San Lucas 1:13

Ab'an li ánjel kixye re: —Sakarías, matxiwak xb'aan naq x'ab'imank laatij. Lix Isabel laawixaqil taarala jun aak'uula'a,l ut Jwan taak'e cho'q xk'ab'a'.

Isaías 58:9

Chi jo'kan, wi taayaab'a link'ab'a', laa'in tatinsume; wi tinaab'oq, tinye aawe: «We'kin!». Wi ink'a' chik nakatrahob'tesink, wi ink'a' nakathob'ok chi moko nakatq'ab'ank,

2 Crónicas 33:13

Kitz'aamank ut ki'elajink chiru li Qaawa', ut A'an kirab'i li xtij, kixk'am chaq wi' chik laj Manasés Jerusalén ut kixk'e wi' chik sa' xwankil. Toj aran kixnaw laj Manasés naq li Qaawa', a'an li tz'aqal Yos.

1 Crónicas 5:20

ab'an ke'xyaab'a xk'ab'a' li Yos sa' li yalok, k'ojk'o xch'ooleb' rik'in li Qaawa', ut A'in kitenq'ank reheb'. Jo'kan naq eb' laj Agarén rochb'eeneb' li neke'okenk chirixeb' ke't'ane'k sa' ruq'eb'.

1 Samuel 1:27

Xintz'aama naq tixk'e we li k'uula'al a'in, ut li Qaawa' xk'e we li xintz'aama chiru.

San Lucas 1:7

Maak'a'eb' ralal xk'ajol, xb'aan naq lix Isabel ink'a' na'alank chaq ut ak tiixeb' aj chik chi xkab'ichaleb'.

Isaías 45:11

Jo'ka'in kixye li Qaawa', li xSant laj Israel, laj Yoob'tesihom re: “Ma teewech' wix xb'aaneb' li walal ink'ajol? Ma teewech' rix li k'aru ninb'aanu laa'in?

Proverbios 10:24

Li ink'a' us xch'ool naxk'ul li naxxiwa ru; a'ut li chaab'il xch'ool naxtaw li naxrahi ru.

Salmos 91:15

Naq tixyaab'a link'ab'a', laa'in tinsume. Wanqin chi xk'atq sa' xq'ehil li rahilal; laa'in tinkoloq re ut tink'e xloq'al.

Génesis 11:30

Lix Saray maak'a' ralal xb'aan naq xma'al ixq.

Salmos 145:19

A'an naxb'aanu li k'aru neke'raj eb' li neke'paab'ank re; narab'i li xyaab' xkuxeb' ut naxkoleb'.

Salmos 127:3

Li qakok'al a'aneb' li rosob'tesihom li Qaawa', eb' li qalal qak'ajol a'aneb' li qaq'ajkamunkil.

Salmos 65:2

At qaYos, aak'ulub' li loq'oniik arin Sión, tento xk'eeb'al aawe li k'aru xqayeechi'i,

Isaías 65:24

Naq toj maji' neke'xpatz' link'ab'a', laa'in akaq xinsumeheb' chaq; toj maji' ajwi' neke'aatinak, laa'in akaq xwab'iheb'.

Salmos 50:15

Chayaab'a link'ab'a' sa' xkutankil laarahilal; laa'in tatinkol ut laa'at tinaaloq'oni”.

1 Samuel 1:11

ut kixye re li Qaawa': “At Nimajwal Yos, chawil taxaq xtoq'ob'aal ru laamoos ut chinjultiko'q taxaq we! Wi taak'e junaq ink'uula'al teelom, laa'in tinq'axtesi aawe chiru chixjunil li xyu'am ut ink'a' taab'esmanq li rismal”, chan.

1 Samuel 1:2

Laj Elkaná kiwank wiib' rixaqil: jun x'Ana xk'ab'a', ut li jun chik xPeniná. A'in wan chaq xkok'al, ab'an lix Ana maak'a' re.

Génesis 16:2

Kixye ut lix Saray re laj Abrán: “Laa'at nakanaw naq li Qaawa' xinxkanab' cho'q xma'al ixq. Nintz'aama b'i' chawu naq tatwanq rik'in lix Agar, laj k'anjel chiwu: mare anchal tinmaatani jun k'uula'al rik'in”, chan. Laj Abrán kixpaab' li kiyehe'k re xb'aan lix Saray.

1 Samuel 1:17

Kichaq'ok laj Elí ut kixye: “Ayu sa' tuqtuukil usilal ut li xYos laj Israel chik'ehoq ta aawe li k'aru xapatz'”.

Génesis 30:22

Toja' naq li Yos kixtoq'ob'a ru lix Rakel, kirab'i li xtij ut kixk'e chi alank.