Génesis 25:20 - Q'eqchi Bible

²⁰ Ka'k'aal chihab' wank re laj Isahak naq kixk'am lix Rebeka cho'q rixaqil, a'an xrab'in laj Betuel aj Aram re Padán-Aram, ut ranab' laj Labán.

Li Santil hu

²⁰ Caꞌcꞌa̱l (40) chihab cuan re laj Isaac nak quixcꞌam lix Rebeca chokꞌ rixakil. Lix Rebeca, aꞌan lix rabin laj Betuel aj arameo re li tenamit Padan-aram. Li ras lix Rebeca, aꞌan laj Labán.

Génesis 25:20 ပူးပေါင်းရင်းမြစ်များ

Génesis 24:29

Lix Rebeka wank jun ras, aj Labán xk'ab'a'. Ut a'an koho sa' aanil chirix li tenamit wan wi' li winq, chire li ha'.

Génesis 24:67

ut laj Isahak kiroksi lix Rebeka sa' xmuheb'aal lix Sara; kixk'am lix Rebeka cho'q rixaqil ut q'axal kixra. Ut rik'in a'an kik'ojlaak xch'ool laj Isahak chirix xkamik li xna'alq.

Génesis 22:23

Laj Betuel a'an xyuwa' lix Rebeka. Eb' li waqxaqib' a'in ralaleb' laj Najor, li riitz'in laj Abrahán, rik'in lix Milká.

Deuteronomio 26:5

Ut laa'at tat-ok chi aatinak, taaye a'in re li Qaawa' laaYos: «Linxe'toonil yuwa' a'an chaq jun aj Aram, aj b'eenihom rib'. Kikub'eek sa' li tenamit Ejiipt ut aran kiwank chi yal ink'a' k'iheb'; ab'anan ke'tamk, ke'xtaw xwankil ut ke'nimlatenamito'k.

Génesis 31:24

Ab'anan chiru li q'oqyink a'an li Yos kixk'utb'esi rib' chiru laj Labán sa' xmatk' ut kixye re: “K'e reetal, mat-aatinak sa' josq'il rik'in laj Jakob”.

Génesis 31:20

Laj Jakob ink'a' kixye resil re laj Labán aj Aram naq elk re,

San Lucas 4:27

Jo'kan ajwi' naab'aleb' li saqlep rix ke'wank Israel naq kiwank li propeet Eliseo; ab'an maajun reheb' a'an kik'iraak: ka'ajwi' laj Nahamán aj Siria.

Génesis 35:9

Naq kisutq'iik chaq laj Jakob Padán-Aram, li Yos kixk'utb'esi wi' chik rib' chiru ut kirosob'tesi:

Génesis 24:15

Toja' ajwi' traqe'q chi aatinak naq yo chi chalk lix Rebeka, paqpo chaq li xkuk sa' xb'een xtel. A'an xrab'in laj Betuel, xyum lix Milká, rixaqil laj Najor, riitz'in laj Abrahán.

Génesis 25:26

Moqon kiyo'laak li riitz'in, chapcho li xkux roq laj Esaú xb'aan, ut aj Jakob ke'xk'e cho'q xk'ab'a'. Oxk'aal (60) chihab' wank re laj Isahak naq ke'yo'laak eb' a'an.

Génesis 28:2

Xaqlin ut ayu Padán-Aram, sa' rochoch laj Betuel, li xyuwa' laana', ut aran taasik' laawixaqil, sa' xyanqeb' li xrab'in laj Labán, li ras laana'.

Génesis 28:7

ut laj Jakob koho aran Padán-Aram, jo' chanru yeeb'il re xb'aan li xna' xyuwa'.

Génesis 33:18

Naq ki'elk chaq Padán-Aram, laj Jakob kiwulak Sikem chi maak'a' kixk'ul, ut kihilank sa' xka'yab'aal li tenamit, sa' xteepal Kanahán.

Génesis 35:26

A'aneb' a'in li ralal li kiwank rik'in lix Silpá, aj k'anjel chiru lix Liiy: laj Gad ut laj Aser. A'aneb' a'in li ralal laj Jakob li ke'yo'laak chaq Padán-Aram.

Génesis 46:15

A'aneb' a'in li ralal laj Jakob rik'in lix Liiy li ke'yo'laak Padán-Aram; kiwank ajwi' jun xrab'in, xDina xk'ab'a'. Oxlaju xka'k'aaleb' chixjunileb' li ralal ut eb' li xrab'in.

Génesis 27:43

Jo'kan b'i', a wa', paab' li tinye aawe: Xaqlin ut elelin toj Harán wan wi' laj Labán li wiitz'in.