Génesis 24:7 - Q'eqchi Bible

⁷ Li Qaawa', li xYos li choxa, li ki'isink chaq we sa' rochoch linyuwa' ut sa' lintenamit, kinraatina ut kixye we rik'in jurament: «A'eb' laawalal tink'e wi' li na'ajej a'in». Ut a'an tixtaqla li x'ánjel k'amolb'ehaq chawu re naq aran taak'am chaq rixaqil li walal.

Li Santil hu

⁷ Li Ka̱cuaꞌ Dios li cuan saꞌ choxa, aꞌan qui-isin chak cue saꞌ rochoch lin yucuaꞌ. Aꞌan qui-isin chak cue saꞌ xya̱nkeb lin comon saꞌ li naꞌajej li quinyoꞌla cuiꞌ chak. Aꞌan quia̱tinac cuiqꞌuin ut quixye cue, “La̱in tinqꞌue li chꞌochꞌ aꞌin a̱cue ut reheb ajcuiꞌ la̱ cualal a̱cꞌajol,” chan. Li Ka̱cuaꞌ Dios tixtakla chak lix ángel ut aꞌan ta̱cꞌamok be cha̱cuu nak tatxic chixsicꞌbal rixakil li cualal. Matcꞌoxlac. Aran ta̱cꞌam chak li rixakil li cualal.

Génesis 24:7 ပူးပေါင်းရင်းမြစ်များ

Hebreos 1:14

Ma ink'a' tab'i' musiq'ejeb' chixjunileb' a'in, aj k'anjeleb', taqlanb'ileb' chaq chi xtenq'ankileb' li te'eechaninq re li kolb'a ib'?

Salmos 34:7

Naq li neb'a' naxyaab'a li xk'ab'a', na'ab'iik xb'aan; li Qaawa' nakolok re chiru chixjunil li xrahilal.

Éxodo 33:2

Laa'in tintaqla cheru jun li ánjel; twisiheb' laj Kanahán, laj Amor, laj Hit, laj Perés, laj Jib ut laj Jebús,

Génesis 13:15

Chixjunil li ch'och' li yookat chi rilb'al tink'e aawe ut reheb' laawalal aak'ajol chi junajwa.

Salmos 73:24

xinaab'eres rik'in xnimal laak'a'uxl, ut sa' roso'jik tinaak'ul aawik'in sa' laaloq'al.

Salmos 32:8

“Tatintzol, tink'ut chawu li b'e li tento taak'am, chan li Qaawa'; junelik yooqin chawilb'al naq tatinb'eres.

Éxodo 32:13

Jultikaq aawe laj Abrahán, laj Isahak ut laj Israel, aj k'anjeleb' chawu, li kayeheb' wi' li jurament a'in: «Tink'e chi k'ihank leeralal eek'ajol jo' xk'ihaleb' li chahim sa' choxa. Chixjunil li ch'och' a'in li xinyeechi'i eere, tink'e reheb' leeralal eek'ajol, ut eb' a'an te'eechaninq re chi junajwa»”.

Génesis 15:18

Sa' li kutan a'an li Qaawa' kixk'ojob' jun Sumwank rik'in laj Abrán: “Xink'e li ch'och' a'in reheb' laawalal aak'ajol chalen chaq sa' li nima' re Ejiipt toj sa' li nimla nima', a' li Éwfrates.

Apocalipsis 11:13

Sa' ajwi' li honal a'an kiwank jun li nimla hiik: li xlaje jachal li tenamit ki'uq'e'k, ut ke'kamk wuqub' mil chi winq xb'aan li hiik; ut eb' li ink'a' ke'kamk, ke'xnima xloq'al li Yos wank sa' choxa chi k'ajo'eb' xxiw.

Hebreos 11:9

Sa' xk'ab'a' li xpaab'aal kiq'axonk sa' li ch'och' yeechi'inb'il chaq ut kib'eek jo' aj numel sa' ab'l aj ch'och'; kiwank sa'atqeb' li muheb'aal, jo' ajwi' ke'wank laj Isahak ut laj Jakob, a'aneb' te'reechani ajwi' li xyeechi'om li Yos.

Hechos 7:5

ab'an maak'a' kixk'e chireechani arin, chi moko jun k'utub'aq li ch'och', kixyeechi'i b'an xk'eeb'al li ch'och' a'an toj moqon chik cho'q xna'aj, ut chirix chik a'an cho'q xna'ajeb' li ralal xk'ajol, us ta toj maak'a'eb' xkok'al.

Daniel 2:44

“Chiru li xyu'amileb' li awab'ej a'an, li xYos li choxa tixwaklesi chaq jun awab'ejihom li maajun wa taajuk'manq, chi moko taakanaaq rub'el xwankil jalan chik tenamit. Tixjuk'i ut tixputz'iheb' li awab'ejihom junch'ol, ut a'an wanq xwankil chi junelik.

Salmos 103:20

Chenima ru li Qaawa' chejunilex li x'ánjel, laa'ex li kaw eerib' chi xpaab'ankil li rajom ut yo'oon wankex chi xk'anjelankil li raatin.

Josué 1:6

Kaw xaqxooqat sa' laak'anjel ut matxiwak, xb'aan naq laa'at tatjek'oq re li ch'och' cho'q re li tenamit a'in, a' li ch'och' kinyeechi'i sa' jurament reheb' li xxe'toonil yuwa'eb'.

Deuteronomio 34:4

Ut li Qaawa' kixye re laj Moisés: “A'an a'in li ch'och' li kinyeechi'i sa' jurament re laj Abrahán, laj Isahak ut laj Jakob, naq kinye: A'eb' laawalal aak'ajol tink'e wi'. Xink'e chawil rik'in aawu, ab'anan ink'a' tat-ok chisa'”, chan li Yos.

Deuteronomio 1:8

Ilomaq: laa'in xinq'axtesi li ch'och' a'an sa' eeruq'. Ayuqex ut eechaniiq li na'ajej li kixyeechi'i li Qaawa' sa' jurament reheb' leexe'toonil yuwa' laj Abrahán, laj Isahak ut laj Jakob, jo'wi' reheb' li ralal xk'ajoleb'», chan li Qaawa'.

Números 32:11

Eb' li winq li ke'elk chaq Ejiipt, chalen aj junqmay chihab', maajoq'e te'ok sa' li na'ajej inyeechi'om chi anchal linch'ool re laj Abrahán, laj Isahak ut laj Jakob, xb'aan naq ink'a' k'ojk'ookeb' xch'ool chiwix.

Números 14:30

Relik chi yaal naq maajun taa'ok sa' li na'ajej li kinyeechi'i eere sa' jurament. Ka'ajeb' wi' laj Kaleb, ralal laj Jefuné, ut laj Josué, ralal laj Nun.

Números 14:16

«Li Qaawa' ink'a' xruuk roksinkil li tenamit a'in sa' li ch'och' kixyeechi'i reheb' sa' jurament. Jo'kan naq xkamsiheb' sa' li chaqich'och'», cha'qeb'.

Éxodo 13:5

Ut naq li Qaawa' toxatroksi sa' li xch'och'eb' laj Kanahán, laj Hit, laj Amor, laj Jib ut laj Jebús, a' li xq'emal ch'och' kixyeechi'i chaq rik'in jurament reheb' laana' laayuwa', jo'ka'in naq taaninq'ehi sa' li po a'in.

Génesis 26:24

Sa' ajwi' li q'oqyink a'an li Qaawa' kixk'ut rib' chiru ut kixye re: “Laa'in li xYos laj Abrahán laayuwa'. Matxiwak xb'aan naq laa'in wankin aawik'in. Tatwosob'tesi ut tink'ihob'resi eb' laawalal aak'ajol sa' xk'ab'a' laj Abrahán, laj k'anjel chiwu”.

Génesis 17:8

Tink'e aawe ut reheb' laawalal aak'ajol li ch'och' a'in li wankat wi' jo' aj numel; chixjunil Kanahán tink'e chi reechaniheb' chi junajwa, ut laa'inaq xYoseb'”.

Jonás 1:9

Kichaq'ok laj Jonás ut kixye: “Laa'in aj Hebreo, ut ninloq'oni ru li Qaawa', li xYos li choxa, laj Yoob'tesihom re li palaw ut li ruuchich'och'”, chan.

Isaías 63:9

chiru chixjunil li rahilal. Maawa' junaq xtaql chi moko junaq ánjel li kikolok reheb', a' aj b'an wi' li Qaawa' kikolok. Xb'aan li xrahom ut li ruxtaan kixkoleb', kixwaklesiheb' ut kixk'ameb' chaq chi q'unq'u chalen chaq junxil.

Esdras 1:2

“Jo'ka'in xye laj Siro, awab'ej re Persia: Li Qaawa', li xYos li choxa, xk'e rub'el linwankil chixjunileb' li tenamit sa' ruuchich'och'. Ut a'an xchaq'rab'ink we naq tinkab'la jun rochoch aran Jerusalén, sa' xteepal Judá.

Jueces 2:1

Naq li x'ánjel li Qaawa' ki'elk chaq Kilkal ut koho Betel, kixye reheb' laj Israel: “Laa'in kin'isink chaq eere Ejiipt ut kexwoksi sa' li ch'och' inyeechi'om reheb' leena' leeyuwa' naq kinye reheb': «Maajaruj tinq'et linSumwank eerik'in.

Génesis 16:7

Ab'an koxtawe'q xb'aan li x'ánjel li Qaawa' chire jun yo'leb'aal ha' sa' li chaqich'och', a' li wank sa' xb'ehil Sur:

Génesis 21:17

Kirab'i li Yos li xyaab' xkux li ch'ina'al ut li x'ánjel li Qaawa' kiraatina chaq lix Agar toj sa' choxa ut kixye re: “K'aru xak'ul, a Agar? Matxiwak, xb'aan naq li Yos xrab'i xyaab' xkux li ch'ina'al aran b'arwi' wank.

Génesis 22:11

A'ut li x'ánjel li Qaawa' kiraatina chaq toj sa' choxa: “Abrahán, Abrahán!”, chan re. Ut a'an kixye: “We'kin arin”.

Génesis 24:3

Nawaj taaye rik'in jurament sa' xk'ab'a' li Qaawa', li xYos li choxa, naq ink'a' taasik' junaq ixq cho'q rixaqil li walal sa' xyanqeb' li xrab'in aj Kanahán, li tenamit wankin wi';

Génesis 24:40

Toja' naq a'an kixye we: «Li Qaawa', li junelik xink'e inch'ool chi xpaab'ankil, tixtaqla li x'ánjel chawochb'eeninkil ut a'an tatxtenq'a sa' laab'eenik re naq us tat-elq. Chi jo'kan taataw rixaqil li walal sa' xyanqeb' linkomon, sa' rochoch linyuwa'.

Números 11:12

Ma laa'in tab'i' xinsiyank re chixjunil li tenamit a'in? Ma laa'in tab'i' xin'alank reheb', re naq taaye we: «K'ameb' aawik'in jo' naq laj ilol k'uula'al naxq'alu li k'uula'al toj natu'uk; k'ameb' aawik'in toj sa' li ch'och' kinyeechi'i sa' jurament reheb' li xna' xyuwa'eb'?».

Josué 24:3

Chire li nima' Éwfrates kinchap laj Abrahán leeyuwa' ut kink'e chi xb'eeninkil chixjunil li na'ajej Kanahán. Kinnaab'alob'resi eb' li ralal xk'ajol rik'in xk'eeb'al xb'enwa laj Isahak cho'q ralal.

Salmos 136:26

Chexyoxinq chiru li Qaawa', li xYos li choxa, li xnimal xrahom wank chi junelik!