Génesis 24:42 - Q'eqchi Bible

⁴² “Us b'i', sa' li kutan a'in xink'ulunk chire li ha' ut xinye sa' inch'ool: «At Qaawa', xYosat laj Abrahán laj eechal we, wi taawaj rusilankil linb'eenik,

Li Santil hu

⁴² Nak xincꞌulun cuan cuiꞌ li becbil haꞌ, xin-oc chi tijoc chiru li Ka̱cuaꞌ Dios, li naxlokꞌoni laj Abraham. La̱in xinye re, “China̱tenkꞌa taxak re nak tintau lin taklanquil li xinchal chixba̱nunquil arin.

Génesis 24:42 ပူးပေါင်းရင်းမြစ်များ

Nehemías 1:11

Nintz'aama chawu, at Qaawa', chawab'i taxaq lintz'aamahom ut li xtijeb' laj k'anjel chawu li neke'raj xnimankil laak'ab'a'. Chak'e taxaq naq us tin'elq ut usilal toxintaw rik'in li awab'ej”. Sa'eb' li kutan a'an laa'in aj k'ehol ruk'a' li awab'ej naq kinwank.

Romanos 1:10

Junelik nintz'aama sa' lintij naq sa' junaq kutan chixk'e taxaq rib' chiwu xik eerik'in, wi jo'kan naraj li Yos.

Salmos 90:17

A' taxaq li rusilal li Qaawa' li qaYos chiwanq qik'in! Chawosob'tesi li qak'anjel! Chak'e naq us too'elq rik'in li k'aru nalajqab'aanu!

Salmos 37:5

Chaq'axtesi aawib' rub'el roq rub'el ruq' li Qaawa', k'ojk'ooq aach'ool rik'in, ut A'an taatenq'anq aawe;

Esdras 8:21

Aran chire li nima' Ahabá kinxaqab' jun li ayuun re xkub'sinkil qib' chiru li qaYos jo' ajwi' re xpatz'b'al naq maak'a' tqak'ul sa' li qab'eenik laa'o, eb' li qalal qak'ajol ut li k'aru wank qe.

Hechos 10:22

Ke'chaq'ok eb' a'an, ut ke'xye: —Laj Kornelio, laj jolominel, a'an jun li winq tiik xch'ool ut naxpaab' li Yos, jo' neke'xye chixjunileb' laj Judiiy. A'an xk'ulum jun li esil rik'in jun santil ánjel, naq tento tatxb'oq sa' li rochoch re rab'inkil laawaatin.

Génesis 39:3

A'in kixk'e reetal naq li Qaawa' wank rik'in laj José ut natenq'ank re, re naq us taa'elq rik'in chixjunil li naxb'aanu.

Génesis 24:31

Ut kixye re: “Kim, at rosob'tesihom li Qaawa'. K'a'ut naq xaqxookat chirix li tenamit? Laa'in ak xinyamtesi xsa' li kab'l ut xinyiib' xna'ajeb' laakameey”, chan.

Génesis 24:11

Ak yo chi ewuuk naq laj k'anjel kixk'e chi tunlaak eb' li kameey chire li tenamit, wan wi' jun b'ekb'il ha'. A'an xhonalil neke'elk wi' eb' laj xokol ha'.

Génesis 24:27

Kixye: “Usilaatinanb'il taxaq li Qaawa', li xYos laj Abrahán laj eechal we, xb'aan naq chaab'il xch'ool ut junelik narusila laj eechal we. A'an xk'amok chaq we chi hilank sa' rochocheb' li rech'alal laj eechal we”.

1 Samuel 1:13

Lix Ana xjunes rib' yo chi aatinak: nach'emch'otk, na'eek'ank li xtz'uumal re, ab'an ink'a' na'ab'iik li xyaab' xkux. Jo'kan naq sa' xch'ool laj Elí naq taakalaaq:

1 Samuel 9:6

Kisumeek: “Sa' li tenamit a'in wank jun propeet, nawno ru chi us, xb'aan naq chixjunil li k'aru naxye natz'aqlok ru. Yo'o b'i' aran. Mare chan naq tixye qe b'ar wank li naqasik'”, chan li xmoos laj Saúl.