Génesis 24:3 - Q'eqchi Bible

³ Nawaj taaye rik'in jurament sa' xk'ab'a' li Qaawa', li xYos li choxa, naq ink'a' taasik' junaq ixq cho'q rixaqil li walal sa' xyanqeb' li xrab'in aj Kanahán, li tenamit wankin wi';

Li Santil hu

³ Saꞌ xcꞌabaꞌ li Ka̱cuaꞌ Dios ta̱ye cue nak incꞌaꞌ ta̱sicꞌ rixakil li cualal saꞌ li tenamit Canaán li cuanquin cuiꞌ anakcuan. Ta̱ye cue chiru li tzꞌakal Dios li cuan saꞌ choxa re nak tinpa̱b la̱ cua̱tin nak incꞌaꞌ ta̱sicꞌ xcomoneb aj Canaán chokꞌ rixakil.

Génesis 24:3 ပူးပေါင်းရင်းမြစ်များ

1 Corintios 7:39

Li ixq, b'ak'b'o rik'in li xb'eelom a' yaal jo' najtil tyo'yooq li winq; ut wi taakamq li winq, ach'ab'anb'il chik li ixq chi sumlaak rik'in jalan chik li tixk'ul wi' xch'ool, ab'an ka'ajwi' jo' naraj li Qaawa'.

Nehemías 13:25

Jo'kan naq keb'inq'us chi kaw ut kinmajewaheb'. Wank sa' xyanqeb' kink'eheb' chi rape'k ut chi mich'ek li rismaleb'. Chirix chik a'an kink'eheb' chi xyeeb'al sa' xk'ab'a' li Yos naq ink'a' te'xk'e li ralal xk'ajoleb' chi sumlaak rik'ineb' li jalan xtenamiteb'.

Génesis 28:8

Jo'kan naq laj Esaú kixtaw ru naq eb' li ixq aj Kanahán ink'a' sa ilb'ileb' xb'aan laj Isahak li xyuwa'.

Jeremías 10:11

Jo'ka'in teeye reheb' li tenamit maak'a' xpaab'aaleb', ex ralal xk'ajol laj Israel: “Eb' li yos, li ink'a' ke'yiib'ank re li choxach'och', te'oso'q junsut junrub'el choxa”, cha'qex.

2 Reyes 19:15

ut kitijok chi jo'ka'in: “At Qaawa', xYosat laj Israel, li wank laak'ojarib'aal sa' xb'eeneb' li kerubín, ka'ajwi' laa'at li xYos chixjunileb' li awab'ejihom sa' ruuchich'och'! Laa'at katk'uub'ank re li choxach'och'!

Éxodo 34:16

Jo'kan ajwi', mare anchal taak'e li xrab'ineb' cho'q rixaqileb' laawalal ut, naq te'xmux rib' li ixaqilb'ej chi xloq'oninkil li xyoseb', te'xk'am ajwi' eb' laawalal chi xb'aanunkil maa'usilal chirix li xyoseb'.

Nehemías 9:6

Toja' naq laj Esdras kixye: “At Qaawa', ka'jat wi' li Yos! Laa'at katyiib'ank re li xnimal li choxa ut chixjunileb' li chahim. Laa'at aj Winqob'resihom re li choxach'och' ut chixjunil li wank chisa'; laa'at katyiib'ank re li palaw ut jo'ch'inal jo'nimal yo'yo sa' xchamal. Laa'at xyo'leb'aal li yu'am; jo'kan naq nakate'xloq'on eb' li chahim sa' choxa.

2 Crónicas 2:12

Ut kixye ajwi' sa' li hu: “Usilaatinanb'il taxaq li Qaawa', xYos laj Israel, aj Winqob'resihom re li choxach'och', xb'aan naq kixk'e re li awab'ej David jun ralal tiik xch'ool, wank xna'leb' ut seeb' xk'a'uxl, li tixyiib' rochoch li Qaawa' ut jun xna'aj li awab'ej!

Josué 2:12

Jo'kan utan, yehomaq we anaqwan sa' jurament sa' xk'ab'a' li Qaawa' naq teeb'aanu usilal re linjunkab'al, jo' naq laa'in xinb'aanu usilal eere. K'ehomaq we junaq eetalil li tinnaw wi'

Deuteronomio 10:20

“A' li Qaawa' laaYos taawoxloq'i ut ka'ajwi' chiru A'an tatk'anjelaq; wanqat rik'in A'an chi junelik ut ka'ajwi' sa' xk'ab'a' A'an taab'aanu jurament.

Deuteronomio 6:13

A' li Qaawa' laaYos taaxiwa ru, ut chiru A'an tatk'anjelaq. Ka'ajwi' sa' xk'ab'a' A'an taaye jurament.

Números 5:21

(laj tij tixye li jurament a'in sa' xb'een li ixq) majewanb'ilaqat xb'aan li Qaawa' sa' xyanqeb' laatenamit; ink'a' chik truuq tatk'iiresinq ut chisipooq laasa'.

Éxodo 23:13

“Chepaab' chixjunil li xinye eere. Maayaab'asi xk'ab'a' eb' li jalanil yos, chi moko teepatz' xk'ab'a'eb'.

Éxodo 20:7

“Maapatz' xk'ab'a' li Qaawa' laaYos sa' tik'ti', xb'aan naq li Qaawa' ink'a' tixkanab' chi ink'a' ta tixtoj xmaak li ani taapatz'oq xk'ab'a' sa' tik'ti'.

Génesis 50:25

Toja' naq laj José kixk'eheb' li ralal laj Israel chi xyeeb'al rik'in jurament: “Ch'olch'o naq li Yos tulexrula'ani; toja' naq teexok linb'aqel arin ut teek'am cherix”.

Génesis 27:46

Chirix chik a'an lix Rebeka kixye re laj Isahak: “Xintitz'k chi wank sa' xyanqeb' li xrab'ineb' laj Hit. Wi laj Jakob tixk'am cho'q rixaqil junaq xrab'ineb' laj Hit kama' li wankeb' arin, k'a' chik aj e naq yo'yooqin?”, chan.

Génesis 21:23

Jo'kan b'i', arin ajwi' ye laawaatin sa' xk'ab'a' li Yos naq ink'a' tinaab'alaq'i, chi moko taab'alaq'iheb' li walal ink'ajol, chi moko eb' li wi inmam: jo' naq xinb'aanu usilal aawe, jo'kan ajwi' taab'aanu we ut re li tenamit li xatqak'ul wi' jo' tz'aqal qula'”.

Génesis 14:19

Kirosob'tesi laj Abrán ut kixye chi jo'ka'in: “Osob'tesinb'ilaq taxaq laj Abrán xb'aan li Nimajwal Yos, aj yoob'tesinel re li choxach'och'.

Génesis 6:4

Sa'eb' li kutan a'an, ut moqon ajwi', ke'wank winq ninqeb' roq sa' ruuchich'och', naq eb' li ralal li Yos neke'wank rik'in li xrab'ineb' li winq ut eb' a'in neke'wank xkok'aleb': a'aneb' li winq q'axal kaweb' rib' ut nawno ruheb' najter q'e kutan.

Génesis 6:2

Eb' li ralal xk'ajol li Yos ke'ril naq q'axal ch'ina'useb' li xrab'ineb' li winq ut ke'xk'ameb' cho'q rixaqil, jo'k'ihaleb' ke'wulak chiruheb'.

Hebreos 6:16

Xb'aan naq, jo'q'e na'uxmank jurament sa' xyanqeb' li winq, napatz'mank xk'ab'a' junaq li nim xwankil chiruheb', ut rik'in li jurament nak'ojlaak xch'ooleb' ut nach'olaak ru chixjunil li wech'ij ib'.

Sofonías 1:5

Tinsach ruheb' li neke'taqe'k sa' xb'een li kab'l chi xloq'oninkileb' ru li chahim, eb' li neke'xwiq'ib' rib' chiwu laa'in ut neke'xpatz' ajwi' xk'ab'a' laj Milkón li xyoseb';

Jeremías 12:16

Relik chi yaal naq a'aneb' xe'tzolok re lintenamit chi yehok jurament sa' xk'ab'a' laj Bahal, ab'an anaqwan naru te'wanq sa' xyanqeb' lintenamit wi relik chi yaal naq neke'xtzol li xpaab'aaleb' laj Israel ut neke'yehok jurament sa' ink'ab'a', sa' xk'ab'a' li yo'yookil Yos.

Jeremías 4:2

wi taaye aajurament sa' xk'ab'a' li Qaawa' rik'in li yaal, li tiikilal ut tiikil ch'oolej, sa' xk'ab'a' a'an osob'tesinb'ilaqeb' chixjunil li tenamit ut te'nimaaq xloq'al chi junelik”.

Isaías 65:16

Jo'k'ihaleb' li te'raj osob'tesiik sa' li tenamit, te'xpatz' rosob'tesinkileb' sa' xk'ab'a' li Qaawa', li Yos q'axal paab'ajel; ut li ani tixye xjurament sa' li tenamit, tixb'aanu sa' ink'ab'a' laa'in, li ninb'aanu li k'aru xinyeechi'i. Relik chi yaal naq li rahilal li kik'ulmank junxil taasachq sa' inch'ool ut ink'a' chik tink'e sa' li waanm.

Isaías 48:1

“Ab'ihomaq a'in, ex ralal xk'ajol laj Jakob, li nekek'ab'a'in ajwi' Israel, laa'ex li xexyo'laak sa' riyajil laj Judá. Nekeye eejurament sa' xk'ab'a' li Qaawa' ut nekepatz' xk'ab'a' li xYos laj Israel, ab'an ink'a' nekeb'aanu sa' xyaalal chi moko rik'in xtiikilal eech'ool.

Isaías 45:23

Sa' xk'ab'a' linloq'al xinye injurament, sa' we x'elk li tz'aqal yaal, jun li aatin xaqxooq xwankil chi junelik: «Chixjunileb' te'xwiq'ib' rib' chiwu, chixjunileb' te'yehoq jurament

Salmos 115:15

Osob'tesinb'ilaqex taxaq laa'ex xb'aan li Qaawa': a'an laj winqob'resihom re choxach'och'!

1 Samuel 20:17

Jun sut chik laj Jonatán kixb'aanu li jurament, xb'aan naq k'ajo' naxra laj David: naxra kama' naq naxra rib' a'an.

Levítico 19:12

“Meeye eejurament sa' ink'ab'a' chi yal tik'ti', xb'aan naq chi jo'kan taatz'eqtaana li xk'ab'a' laaYos. Laa'in li Qaawa'.

Éxodo 22:11

toja' naq taaraqmanq aatin rik'in jurament sa' xk'ab'a' li Qaawa': li ani kikanab'aak wi' li xul, tixye sa' jurament naq ink'a' xch'e' li ab'i e. Laj eechal re tixk'am li toj wanq, ut li jun chik maak'a' tixtoj.

Génesis 14:22

Ab'anan laj Abrán kixye re li awab'ej re Sodoom: “Xinye li waatin chiru Nimajwal Yos, aj yoob'tesinel re li choxach'och',

Génesis 24:7

Li Qaawa', li xYos li choxa, li ki'isink chaq we sa' rochoch linyuwa' ut sa' lintenamit, kinraatina ut kixye we rik'in jurament: «A'eb' laawalal tink'e wi' li na'ajej a'in». Ut a'an tixtaqla li x'ánjel k'amolb'ehaq chawu re naq aran taak'am chaq rixaqil li walal.

Génesis 28:1

Toja' naq laj Isahak kixb'oq laj Jakob, kirosob'tesi ut kixchaq'rab'i chi jo'ka'in: “Maasik' aawixaqil sa' xyanqeb' li ixq aj Kanahán.

Génesis 47:31

Kixye laj Israel: “Ye rik'in jurament”. Laj José kixye li xjurament. Toja' naq laj Israel kixxulub' li xjolom sa' xb'een xjolomil li xch'aat.

Jueces 14:3

Ab'anan li xna' xyuwa' ke'xye re: “K'a' naq xkohat chi xsik'b'al laawixaqil sa' xyanqeb' laj Filistea li ink'a' neke'xpaab' li Yos? Ma maak'a' tab'i' ixq sa' qayanq laa'o malaj sa' xyanqeb' chixjunileb' laj Israel?”. Ab'an laj Sansón kixsume li xyuwa': “K'am chaq a'an cho'q wixaqil, xb'aan naq a'an li nawulak chiwu”, chan.

Salmos 136:26

Chexyoxinq chiru li Qaawa', li xYos li choxa, li xnimal xrahom wank chi junelik!

Génesis 34:9

K'ehomaq leerab'in qe ut k'amomaqeb' li qe cho'q eere, ut qech'alalaq qib'.

Génesis 38:2

Aran laj Judá kiril li xrab'in laj Súa aj Kanahán, kixk'am ut kiwank rik'in.

1 Samuel 30:15

Laj David kixye re: “Ma truuq tinaak'am rik'ineb' laj elq' a'an?”. Kixsume: “Ye laawaatin sa' xk'ab'a' li Qaawa' naq ink'a' tinaakamsi chi moko tinaaq'axtesi sa' ruq' laj eechal we, ut laa'in tatink'am wankeb' wi' li poyanam a'an”, chan.

Esdras 5:11

“A'an a'in li xoohe'xsume wi': «Laa'o aj k'anjelo chiru li xYos li choxa. Yooko chi xkab'lankil wi' chik li loq'laj ochoch li kiyiib'aak junxil xb'aan jun xnimal ru awab'ej re Israel.

Jeremías 29:6

sumlaaqex ut chiwanq eeralal eek'ajol. K'ehomaq rixaqileb' leeralal ut sik'omaq xb'eelomeb' leerab'in, re naq te'k'ihanq. Chepuka eerib' aran ut chexk'ihanq.