Génesis 24:1 - Q'eqchi Bible

¹ Ak xikenaq xhab' laj Abrahán, tiix aj chik ut ak osob'tesinb'il xb'aan li Qaawa' rik'in chixjunil.

Li Santil hu

¹ Laj Abraham ac ti̱x chic. Qꞌuila chihab cuan re. Laj Abraham qui-osobtesi̱c xban li Dios. Numtajenak li usilal li quiqꞌueheꞌ re.

Génesis 24:1 ပူးပေါင်းရင်းမြစ်များ

Gálatas 3:9

Chi jo'kan osob'tesinb'ileb' laj paab'anel, rochb'een laj Abrahán, laj paab'anel.

San Mateo 6:33

Sik'omaq xb'enwa li xnimajwal awab'ejihom li Yos ut li tiikilal li nachalk rik'in, ut chixjunil li nekeraj taak'eemanq chaq eere cho'q xtz'aqob'.

Proverbios 10:22

Li rosob'tesihom li Qaawa' nab'ihomob'resink ut ink'a' naxk'am chaq rahil ch'oolej.

Génesis 13:2

Q'axal b'ihom laj Abrán: wank xketomq, x'oor ut xplaat.

Génesis 18:11

Laj Abrahán ut lix Sara ak tiixeb' chik, ak xikenaq xhab'eb', ut lix Sara ak raqenaq xpuch'unik.

Efesios 1:3

Usilaatinanb'il taxaq li Yos, xYuwa' li Qaawa' Jesukriist, li ki'osob'tesink qe sa' xk'ab'a' li Kriist rik'in chixjunil rosob'tesihom li Musiq'ej toj sa' choxa.

Génesis 12:2

Aawik'in twisi jun xnimal ru tenamit. Tatwosob'tesi ut tinnimob'resi laak'ab'a'. Laa'at tatkanaaq cho'q xyo'leb'aal li usilal.

1 Timoteo 4:8

Li tzolokb'atz'unk kach'in ajwi' xk'anjel; ab'an li xraab'al li Yos nak'anjelak cho'q re chixjunil xb'aan naq naxyeechi'i li yu'am anaqwan ut sa'eb' li kutan chalk re chiqu.

Isaías 51:2

K'ehomaq reetal laj Abrahán, leeyuwa', ut lix Sara, li ki'alank eere. Naq laa'in kinb'oq chaq laj Abrahán, a'an jun chirib'il rib'; ab'anan kiwosob'tesi ut kink'ihob'resi.

San Lucas 1:7

Maak'a'eb' ralal xk'ajol, xb'aan naq lix Isabel ink'a' na'alank chaq ut ak tiixeb' aj chik chi xkab'ichaleb'.

1 Reyes 1:1

Ak tiix chik li awab'ej David ut xikenaq xchihab' chi us. Us ta neke'xk'e naab'al li isb' sa' xb'een, ab'an ink'a' naq'ixno'k.

Génesis 49:25

sa' xk'ab'a' li xYos laayuwa', xb'aan naq a'an taatenq'anq aawe; sa' xk'ab'a' li Nimajwal Yos, xb'aan naq a'an taa'osob'tesinq aawe rik'in rosob'tesinkil li choxa toj taqe'q, rik'in rosob'tesinkil li xchamal li palaw ut rosob'tesinkileb' li ixq li neke'alank ut neke'tu'resink.

Génesis 25:20

Ka'k'aal chihab' wank re laj Isahak naq kixk'am lix Rebeka cho'q rixaqil, a'an xrab'in laj Betuel aj Aram re Padán-Aram, ut ranab' laj Labán.

Génesis 24:35

Li Qaawa' xrosob'tesi chi yo'oon laj eechal we, ut a'an xb'ihomo'k chi us, xb'aan naq xmaatani xkarneer, xwakax, xplaat ut x'oor, winq ut ixq li neke'k'anjelak chiru, xkameey ut xb'uur.

Génesis 21:5

O'k'aal (100) chihab' wank re laj Abrahán naq kiyo'laak laj Isahak li ralal.

Génesis 26:12

Sa' li chihab' a'an laj Isahak ki'awk sa' li na'ajej a'an ut kixxok o'taqk'aal sa' xb'een li junjunq, xb'aan naq ki'osob'tesiik xb'aan li Qaawa'.