Génesis 23:9 - Q'eqchi Bible

⁹ re naq tixk'e we li ochoch pek wank Makpelá, sa' xnub'ajlil li xch'och', xb'aan naq re li na'ajej a'an. Chixk'ayihaq we jo'nimal xtz'aq taaraj, ut chi jo'kan taawanq sa' eeyanq jun na'ajej tinmuqeb' wi' linkamenaq”, chan.

Li Santil hu

⁹ Te̱tzꞌa̱ma chiru nak tixcꞌayi chokꞌ cue li ochoch pec, Macpela xcꞌabaꞌ, li cuan saꞌ xnuba̱l lix chꞌochꞌ. Tintoj chi tzꞌakal li joꞌ nimal naraj chirix lix chꞌochꞌ. Aꞌan tixkꞌaxtesi cue li chꞌochꞌ che̱ru la̱ex. Chi joꞌcan ta̱cua̱nk li naꞌajej re xmukbaleb lin camenak, chan laj Abraham.

Génesis 23:9 ပူးပေါင်းရင်းမြစ်များ

Romanos 13:8

Maak'a'aq eek'as rik'in anihaq, ka'ajaq wi' li xraab'al eerib' cherib'il eerib'. Xb'aan naq ani naxra li ras riitz'in naxb'aanu chi tz'aqal li naxye li Chaq'rab'.

Romanos 12:17

Maa'ani chereeqajun wi' li raaxiik' rik'in raaxiik'; chek'ehaq eech'ool chi xb'aanunkil li us chiruheb' chixjunil.

Génesis 23:4

“Laa'in chalenaqin chaq sa' jalan tenamit ut yal aj numelin sa' eeyanq. K'ayimaq we junaq muqleb'aal sa' eeyanq re naq toxinxok linkamenaq ut tinmuq aran”, chan.

Génesis 23:8

ut kiraatinaheb' chi jo'ka'in: “Wi naxk'ul eech'ool naq laa'in tinxok ut tinmuq linkamenaq, chineerab'ihaq ut chex'aatinaq chiwix rik'in laj Efrón, ralal laj Sójar,

Génesis 23:10

K'ojk'o laj Efrón sa' xyanqeb' laj Hit. Jo'kan naq kichaq'ok ut kixye re laj Abrahán chiruheb' laj Hit ut chiru chixjunileb' li yookatqeb' chi ok sa' li tenamit:

Génesis 25:10

Sa' li ch'och' li kixloq' rik'ineb' laj Hit kimuqe'k laj Abrahán rochb'een lix Sara li rixaqil.

Génesis 49:29

Chirix chik a'an laj Jakob kixchaq'rab'iheb' li ralal chi jo'ka'in: “Xik we. Tinq'ajq tinsutq'iiq rik'ineb' linkomon. Chineemuqaq wankeb' wi' linxe'toonil yuwa', sa' li ochoch pek li wank sa' xch'och' laj Efrón aj Hit,

Génesis 50:13

ke'xk'am li xyuwa'ilqeb' aran Kanahán ut koxe'xmuq sa' li ochoch pek li wank sa' li na'ajej Makpelá xk'ab'a', a' li ch'och' kixloq' laj Abrahán cho'q xmuqleb'aal rik'in laj Efrón aj Hit, sa' xjayal Mambré.

1 Crónicas 21:22

Kixye laj David re laj Ornán: “K'e we laach'oxleb'aal re xxaqab'ankil aran jun x'artal li Qaawa'. K'ayi cho'q we chi tz'aqalaq xtz'aq, re naq taa'elq li rahilal sa' li tenamit”.

1 Crónicas 21:24

Ab'an li awab'ej David kixsume: “Ninb'anyoxi aawe, ab'an twaj tinloq' chixjunil chi tz'aqal xtz'aq. Ink'a' nawaj xyeechi'inkil re li Qaawa' li k'aru aawe, chi moko tinmayeja li ink'a' ta tintoj”.