Génesis 23:4 - Q'eqchi Bible

⁴ “Laa'in chalenaqin chaq sa' jalan tenamit ut yal aj numelin sa' eeyanq. K'ayimaq we junaq muqleb'aal sa' eeyanq re naq toxinxok linkamenaq ut tinmuq aran”, chan.

Li Santil hu

⁴ Quixye reheb: —La̱in chalenakin chak saꞌ jalan tenamit. Te̱ba̱nu usilal cꞌayihomak caꞌchꞌinak li naꞌajej re tinmuk lin camenak, chan.

Génesis 23:4 ပူးပေါင်းရင်းမြစ်များ

Hebreos 11:9

Sa' xk'ab'a' li xpaab'aal kiq'axonk sa' li ch'och' yeechi'inb'il chaq ut kib'eek jo' aj numel sa' ab'l aj ch'och'; kiwank sa'atqeb' li muheb'aal, jo' ajwi' ke'wank laj Isahak ut laj Jakob, a'aneb' te'reechani ajwi' li xyeechi'om li Yos.

1 Crónicas 29:15

Xb'aan naq chawu laa'at chanchano li jalaneb' xtenamit ut yal aj numelo, kama'eb' chixjunil li qaxe'toon. Li qayu'am arin sa' ruuchich'och' chanchan jun li mu, li maak'a' royb'enihom.

Génesis 17:8

Tink'e aawe ut reheb' laawalal aak'ajol li ch'och' a'in li wankat wi' jo' aj numel; chixjunil Kanahán tink'e chi reechaniheb' chi junajwa, ut laa'inaq xYoseb'”.

Salmos 119:19

Yal aj numelin arin sa' ruuchich'och'; maamuq chiwu laataqlahom.

Hechos 7:5

ab'an maak'a' kixk'e chireechani arin, chi moko jun k'utub'aq li ch'och', kixyeechi'i b'an xk'eeb'al li ch'och' a'an toj moqon chik cho'q xna'aj, ut chirix chik a'an cho'q xna'ajeb' li ralal xk'ajol, us ta toj maak'a'eb' xkok'al.

Salmos 39:12

Naq nakak'ajtesi ru li winq xb'aan li xmaak, nakatij ut nakachaab'ilob'resi li xna'leb'. Chanchan naxb'aanu li xmaxel li che' naq nakaq'aares li k'aru nawulak chiru. Li xyu'am li winq yal jun apunk ajwi'.

Levítico 25:23

“Li ch'och' ink'a' naru xk'ayinkil chi junajwa: li ch'och' a'an we laa'in ut laa'ex yal aj numelex chisa', chanchanex wula'.

Génesis 49:30

sa' li ochoch pek li wank sa' li na'ajej Makpelá xk'ab'a', sa' xjayal Mambré, sa' xteepal Kanahán, a' li ch'och' kixloq' laj Abrahán rik'in laj Efrón aj Hit cho'q xmuqleb'aal.

1 Pedro 2:11

Ex inrahom, laa'ex maawa'ex aj arin, yal b'an aj numelex. Nintz'aama cheru naq mex'okenk chi xb'aanunkil li naxrahi li tz'ejwalej, li xik' naril li aanmej.

Eclesiastés 12:7

Naq taachalq li kutan a'an, pojtz' tatsutq'iiq wi', xb'aan naq pojtz' okenaqat; ut laamusiq' taasutq'iiq wi' chik rik'in li Yos xb'aan naq A'an kik'ehok aawe.

Eclesiastés 12:5

Ut laa'at tatxiwaq chi wank sa' jun li na'ajej najt xteram, ut yooq aaxiw naq tatb'eeq. Naq taachalq li kutan a'an, taa'atz'umaq li almeendr, laj saak tixkelo rib' xb'aan xcheekal, ut maak'a' chik xk'anjel li sahil q'een. Xb'aan naq yookat chi xik sa' li na'ajej tatkanaaq wi' chi junelik. K'e reetal, sa' li b'e ak yo chi ab'iik xyaab'eb' li neke'huyhutk chi yaab'ak xb'aan laakamik.

Eclesiastés 6:3

Wi junaq najt roq li xyu'am ut o'k'aal ralal taawanq, ab'anan wi ink'a' naxyal xsahil li k'aru wank re chi moko namuqe'k sa' xyaalal, laa'in ninye naq q'axal chik us junaq k'uula'al li xyo'laak chi kamenaq chiru li winq a'an.

Li xHu LAJ JOB 30:23

Ninnaw naq laa'at taawaj tinkamq re tinxik sa' li na'ajej toxe'kanaaq wi' chixjunileb' li yo'yookeb'.

Génesis 50:13

ke'xk'am li xyuwa'ilqeb' aran Kanahán ut koxe'xmuq sa' li ochoch pek li wank sa' li na'ajej Makpelá xk'ab'a', a' li ch'och' kixloq' laj Abrahán cho'q xmuqleb'aal rik'in laj Efrón aj Hit, sa' xjayal Mambré.

Génesis 47:9

Kichaq'ok laj Jakob ut kixye: “Lajeeb' xwuqk'aal (130) chihab' li wokik chi b'eek laa'in yalaq b'ar. Naab'al rahilal xink'ul sa' linyu'am ut ink'a' k'iheb' linchihab' jo' li xchihab'eb' linxe'toonil yuwa' naq ke'wank sa' ruuchich'och'”.

Génesis 3:19

Rik'in xtiqob' laapeekem tatwa'aq, toj reetal tatsutq'iiq sa' li ch'och' xat-elk wi' chaq. Xb'aan naq pojtz' okenaqat chaq ut pojtz' tatsutq'iiq wi' chik”.

Hechos 7:16

ut ke'k'ame'k Sikem ut ke'muqe'k sa' li muqleb'aal kixloq' laj Abrahán chi plaatil rik'ineb' li ralal laj Jamor aran Sikem.

Génesis 23:5

Ke'chaq'ok eb' laj Hit ut ke'xye re laj Abrahán:

Éxodo 2:22

Ut a'in kiwank jun xk'uula'al, aj Kersón kik'ehe'k cho'q xk'ab'a', xb'aan naq kixye laj Moisés: “Jalan intenamit; wankin sa' ab'l aj ch'och'”, chan.