Génesis 22:9 - Q'eqchi Bible

⁹ Naq ke'wulak sa' li na'ajej kixye li Yos, laj Abrahán kixyiib' jun li artal ut kixtus li si' sa' xb'een; chirix a'an kixb'ak' laj Isahak li ralal ut kixk'e sa' xb'een li artal, sa' xb'een li si'.

Li Santil hu

⁹ Queꞌcuulac saꞌ li naꞌajej li quiyeheꞌ re xban li Dios. Ut laj Abraham quixyi̱b jun lix artal riqꞌuin li tusbil pec ut quixtus lix siꞌ saꞌ xbe̱n. Ut quixbacꞌ li ralal ut quixyocob saꞌ xbe̱n li siꞌ.

Génesis 22:9 ပူးပေါင်းရင်းမြစ်များ

Santiago 2:21

Ma ink'a' kixtaw xtiikilal xch'ool laj Abrahán, li qayuwa', rik'in li xb'aanuhom naq kixk'e laj Isahak, li ralal, cho'q xmayej sa' xb'een li artal?

1 Pedro 2:24

A'an ajwi' li kik'amok re li qamaak sa' xjunxaqalil chiru li krus re naq kamenaqaqo chiru li maak ut yo'yooqo cho'q re li tiikilal: rik'in li xtiq'ilal xexk'irtasiik laa'ex.

Hebreos 9:28

Jo'kan ajwi' li Kriist: jun sut ajwi' kixmayeja rib' re riiqaninkil xmaakeb' li tenamit. Moqon tixk'utb'esi wi' chik rib', maawa' chik re kuyuk sachok maak, re b'an xkolb'aleb' li neke'oyb'enink re.

Efesios 5:2

ut chexwanq sa' li rahok kama' naq kexra li Kriist ut kixq'axtesi rib' sa' qak'ab'a' jo' chaab'il mayej ut loq'laj yeechi'om, sununk xb'ook chiru li Yos.

Gálatas 3:13

Li Kriist koorach'ab' chiru xmaa'usilahom li Chaq'rab' xb'aan naq kixk'e rib' chi maa'usilaak sa' qak'ab'a' laa'o, jo' naxye li Santil Hu: “Maa'usilanb'ilaq chixjunil li t'uyt'u chiru che'”.

Hechos 8:32

Li xraqalil li Santil Hu li yo chi rilb'al a'an a'in: “Kik'ame'k chi kamsiik jo' junaq karneer. Jo' junaq ch'ina karneer, mem chiru laj b'esol re li rix, jo'kan ajwi' a'an ink'a' kixte li xtz'uumal re.

San Marcos 15:1

Naq kisaqewk, eb' li xb'eenil aj tij rochb'eeneb' li cheekel winq, jo'wi' eb' laj tz'iib' ut chixjunileb' li xninqaleb' ru aj raqol aatin, junpaat ke'xk'uub' xch'utameb'; ke'xk'am li Jesus chi b'ak'b'o ut ke'xq'axtesi sa' ruq' laj Pilaat.

San Mateo 27:2

Ut naq ke'xb'ak', ke'xk'am ut koxe'xq'axtesi sa' ruq' laj Pilaat, ruuchil li awab'ej.

Salmos 118:27

Li Qaawa' a'an Yos, a'an nakutanob'resink qe. Choojiloq chi tzol toj sa' xxuk li artal, chi wanq qutz'u'uj sa' quq', ut chooninq'ehiq.

Génesis 12:7

Aran li Qaawa' kixk'ut rib' chiru laj Abrán ut kixye re: “A'eb' laawalal aak'ajol tink'eheb' wi' li ch'och' a'in”. Toja' naq laj Abrán kixyiib' jun li artal re li Qaawa', xb'aan naq aran kixk'ut rib' chiru.

Génesis 8:20

Chirix a'an laj Noé kixyiib' jun li artal re li Qaawa', kixchapeb' li chaab'ileb' xul li neke'b'eek jo' ajwi' li neke'rupupik, ut kixyeechi'i jo' k'atb'il mayej sa' xb'een li artal.

Génesis 12:8

Moqon ki'elk aran ut kiq'axonk sa' li tzuul chi xk'atq Betel, sa' xjayal releb'l li saq'e, ut kixk'ojob' li xmuheb'aal sa' xyanq Betel, li wank sa' rokeb'l saq'e, rik'in Ay sa' xjayal releb'l saq'e. Aran kixyiib' jun li artal re li Qaawa' ut kixyaab'a xk'ab'a'.

Génesis 13:18

Toja' naq laj Abrán kixjal xna'aj li xmuheb'aal ut koxkanaaq wan wi' li ji re Mambré, aran Hebrón; ut aran kixyiib' jun li artal re li Qaawa'.

Génesis 22:8

Kixye laj Abrahán: “Matk'oxlak, at walal. Li Yos taanawoq re li karneer re li mayej”. Wotz yookeb' chi xik.

Génesis 22:10

Toja' naq laj Abrahán kixye' li ruq' ut kixchap li ch'iich' re xkamsinkil li ralal.

1 Reyes 18:33

Kixtus li si', kixkamsi li saaj wakax ut kixk'uub' sa' xb'een li si'.