Génesis 22:12 - Q'eqchi Bible

¹² Kixye li ánjel: “Maataqsi laawuq' sa' xb'een li ch'ina'al ut mik'a' aab'aanu re: anaqwan ninnaw naq nakaxiwa ru li Yos, xb'aan naq ink'a' xaram chiwu laawalal, li junaj chirib'il”.

Li Santil hu

¹² Lix ángel li Ka̱cuaꞌ Dios quixye re: —Ma̱camsi la̱ cualal. Ma̱cꞌaꞌ ta̱ba̱nu re. Ninnau nak nacapa̱b chi tzꞌakal li Dios. La̱ cualal jun ajcuiꞌ ut aꞌan xaqꞌue raj chokꞌ re la̱ mayej chiru li Dios, chan.

Génesis 22:12 ပူးပေါင်းရင်းမြစ်များ

Santiago 2:18

Jo'wi' anchal junaq taayehoq: “Laa'at wank aapaab'aal, a'ut laa'in wank inb'aanuhom. K'ut chiwu laapaab'aal li maak'a' xb'aanuhom, ut laa'in tink'ut chawu linpaab'aal rik'in linb'aanuhom”.

1 Samuel 15:22

Toja' naq kixye laj Samuel: “Ma rik'in tab'i' k'atb'il mayej ut eeyeechi'om nak'ojlaak xch'ool li Qaawa'? Malaj a' li xpaab'ankil li raatin a'an li q'axal nawulak chiru? Jwal us paab'ank chiru mayejak, jwal loq' ab'ink chiru li xxeeb'ul li karneer.

Romanos 8:32

Li Yos ink'a' kiril xtoq'ob'aal ru li Ralal, kixq'axtesi b'an sa' qak'ab'a' chiqajunilo. Jo'kan wi kixk'e li Ralal, k'a' ta naq ink'a' tixsi ajwi' qe chixjunil?

1 Corintios 10:13

Maji' nachalk sa' eeb'een junaq aaleek q'axal nim chiru li neke'xk'ul chixjunileb'. Li Yos naxb'aanu li xyeechi'i, ut ink'a' texxkanab' chi aaleek jo' ink'a' truuq teekuy. Rik'in li aaleek, li Yos tixk'e ajwi' eere chanru teekuy re naq us tex'elq.

San Mateo 19:29

Ut yalaq ani xkanab' rochoch, riitz'in, ranab', xna' xyuwa', ralal xk'ajol malaj ut xch'och' sa' ink'ab'a', tixk'ul o'taqk'aal reeqaj sa' xb'een li junjunq ut taareechani li junelik yu'am.

Eclesiastés 12:13

Tz'aqalaq li aatin. Ak xinye chixjunil. Chawoxloq'i li Yos ut paab' li xchaq'rab', xb'aan naq a'in naxk'ul wi' rib' chixjunil laatzolb'al.

Génesis 26:5

xb'aan naq laj Abrahán xinxpaab' ut xk'uula sa' xch'ool eb' li waatin, linchaq'rab', lintaqlahom ut chixjunil li xink'ut chiru”.

Génesis 22:2

Kixye li Yos: “K'am laawalal, li junaj chirib'il, a' laj Isahak li raaro aab'aan. Ayu sa' li tenamit Moria ut toxaayeechi'i aran cho'q k'atb'il mayej sa' xb'een li tzuul li tink'ut chawu”.

San Juan 3:16

“Xb'aan naq li Yos k'ajo' naq kixra li ruuchich'och': kixk'e chaq li Ralal jun chirib'il re naq chixjunil li taapaab'anq re, ink'a' taasachq, wanq b'an xyu'am chi junelik.

Salmos 147:11

naxraheb' b'an li neke'paab'ank re, eb' li k'ojk'ookeb' xch'ool rik'in li xrahom.

Salmos 25:12

Ma wank junaq napaab'ank re li Qaawa'? A' ajwi' li Yos taak'utuq chiru li b'e tento tixk'am.

Romanos 5:8

A'ut li Yos naxk'ut qaraab'al rik'in naq li Kriist kikamk sa' qak'ab'a' naq toj wanko chaq sa' li qamaak.

2 Corintios 8:12

Xb'aan naq wi wank k'aru na'alaak sa' xch'ool anihaq, a'an k'ulb'il chi chaab'il xb'aan li Yos sa' xk'ab'a' li jo'ch'inal jo'nimal wank re; ink'a' napatz'mank li maak'a' wank re.

Hechos 9:31

Sa'eb' li kutan a'an li Iklees wank sa' tuqtuukilal sa' chixjunil Judea, Galilea ut Samaria; yo chi kawuuk jo'wi' chi k'iik rik'in xpaab'ankil li Qaawa'. K'ajo' naq yookeb' chi tamk laj paab'anel rik'in li xk'ojob'ankil xch'ooleb' xb'aan li Santil Musiq'ej.

Proverbios 1:7

Li roxloq'inkil li Qaawa' a'an xtiklajik li chaab'il k'a'uxl; eb' li jip neke'xtz'eqtaana li tije'k ut li q'use'k.

Salmos 25:14

Li Qaawa' a'an ramiiw eb' li neke'paab'ank re, jo'wi' naxk'e chi xnaweb' li xloq'laj sumwank.

Éxodo 20:20

Kichaq'ok laj Moisés ut kixye reheb' li tenamit: “Mexxiwak! Li Yos xk'ulunk chi xyalb'al eerix. A'an naraj naq junelik teek'e eech'ool chi roxloq'inkil, re naq mexmaakob'k”.

San Mateo 16:24

Toja' naq li Jesus kixye reheb' li xtzolom: —Wi ani naraj intaaqenkil, mixra rib', chixchapaq li xkrus ut chinxtaaqehaq.

Jeremías 19:5

Xe'xyiib'atq li tijob'aal cho'q re laj Bahal re xk'atb'aleb' li ralal xk'ajoleb' cho'q mayej sa' xk'ab'a' laj Bahal, ut laa'in ink'a' xintaqlaheb' xb'aanunkil li na'leb' a'in, ink'a' inyehom reheb' chi moko ink'oxlahom kach'inaq.

Li xHu LAJ JOB 28:28

Ut kixye reheb' li poyanam: “Wi laa'ex nikineepaab' ut neketz'eqtaana li maa'usilal, naraj naxye naq eetawom chik li choxahil na'leb'”.

Nehemías 5:15

Ab'anan eb' laj taqlanel li ke'wank xb'een chiwu laa'in, ke'numtaak chi taqlank sa' xb'een li tenamit: rajlal kutan neke'xpatz' reheb' ka'k'aal chi tumin plaat jo' xkub'siil cho'q re li xwa ruk'a'eb'. Jo'kan ajwi' ke'xb'aanu eb' laj k'anjel chiruheb'. A'ut laa'in maajun wa kinb'aanu a'an xb'aan naq ninxiwa ru li Yos.

Génesis 20:11

Kixye laj Abrahán: “Xinye sa' inch'ool: Mare sa' li tenamit a'in ink'a' neke'xxiwa ru li Yos; ut tine'xkamsi xb'aan li wixaqil -chankin sa' inch'ool-.

Hebreos 12:28

Jo'kan utan, laa'o li yooko chi xmaataninkil li xnimajwal awab'ejihom li Yos li ink'a' naru reek'asinkil, chooyoxinq chiru ut qaloq'oniiq ru rik'in paab'ank ut qaxiw, jo' nawulak chiru,

San Mateo 5:16

Jo'ka'in naq chilemtz'unq leesaqenkil chiruheb' li tenamit, re naq te'ril leechaab'il b'aanuhom ut te'xnima xloq'al leechoxahil Yuwa'.

Malaquías 4:2

A'ut laa'ex li nekex'oxloq'ink re link'ab'a', taalemtz'uno'q sa' eeb'een li xtiikilal linch'ool, ut sa' li xsaqenkil teetaw leekawilal. Toja' naq texpisk'oq xb'aan xsahil leech'ool jo'kaqex li saaj wakax naq neke'elk sa' li xna'ajeb'.

Jeremías 32:40

Tink'ojob' jun Sumwank rik'ineb', li wanq xwankil chi junelik: laa'in ninye li waatin naq junelik twusila ruheb', ut tink'e sa' xch'ooleb' naq te'roxloq'i wu ut ink'a' chik te'xnajtob'resi rib' wik'in.

Salmos 111:10

Li xtiklajik li choxahil na'leb' a'an roxloq'inkil li Qaawa'; q'axal wankeb' xna'leb' li neke'k'anjelank re a'an. Li Qaawa' a'an xk'ulub' naq taanimaaq ru chi junelik.

Salmos 2:11

Chexk'anjelaq chiru li Qaawa' chi wanq eexiw,

Salmos 1:6

Xb'aan naq li Qaawa' naxk'aak'ale xb'eheb' li tiikeb' ru xyu'am, a'ut li xb'eheb' li ink'a' useb' taasachq chi junwaakaj.

Li xHu LAJ JOB 5:19

Jun sut ka' sut tatxkol chiru li rahilal, ut tixram chawu chixjunil li ch'a'ajkilal.

Hebreos 11:19

Kixk'oxla naq li Yos wank ajwi' xwankil chi xwaklesinkileb' chi yo'yo eb' li kamenaq. Jo'kan naq kixk'ul wi' chik laj Isahak sa' ruq' li Yos jo' jun eetalil.

Génesis 42:18

Sa' rox li kutan laj José kixye reheb': “Laa'in ajwi' ninxiwa ru li Yos. B'aanuhomaq li tinye ut texkole'q.

Apocalipsis 19:5

Ut ki'elk jun xyaab' kuxej sa' li nimajwal k'ojarib'aal, kixye: “Chenima ru li qaYos chejunilex laj k'anjel chiru, jo'k'ihal li nekexpaab'ank re, jo' kok' jo' ninq”.

Génesis 22:13

Toja' naq laj Abrahán kixtaqsi li rilob'aal ut kiril jun karneer t'ilt'o chaq li xxukub' sa' li k'ix. Koho, kixchap chaq li karneer ut kixkamsi cho'q xmayej, reeqaj li ralal.

Génesis 22:16

ut kixye re: “Li Qaawa' xye chi jo'ka'in: «Xwil naq xab'aanu a'in ut ink'a' xaram chiwu laawalal li junaj chirib'il.

Li xHu LAJ JOB 1:1

Sa' li tenamit Us kiwank jun li winq aj Job xk'ab'a', tiik xch'ool ut chaab'il xk'a'uxl: naroxloq'i li Yos ut naxtz'eqtaana li ink'a' us.