Génesis 22:11 - Q'eqchi Bible

¹¹ A'ut li x'ánjel li Qaawa' kiraatina chaq toj sa' choxa: “Abrahán, Abrahán!”, chan re. Ut a'an kixye: “We'kin arin”.

Li Santil hu

¹¹ Tojoꞌnak jun lix ángel li Ka̱cuaꞌ Dios quia̱tinac chak saꞌ choxa ut quixye re laj Abraham: —¡Abraham! ¡Abraham!— Ut laj Abraham quichakꞌoc ut quixye re: —Arin cuanquin, chan.

Génesis 22:11 ပူးပေါင်းရင်းမြစ်များ

Éxodo 3:4

Naq li Qaawa' kiril laj Moisés naq yo chi nach'ok chi rilb'al, kixb'oq toj sa' xyi li k'ix ut kixye: “Moisés! Moisés!”. Kichaq'ok a'an: “We'kin”, chan.

Génesis 21:17

Kirab'i li Yos li xyaab' xkux li ch'ina'al ut li x'ánjel li Qaawa' kiraatina chaq lix Agar toj sa' choxa ut kixye re: “K'aru xak'ul, a Agar? Matxiwak, xb'aan naq li Yos xrab'i xyaab' xkux li ch'ina'al aran b'arwi' wank.

Hechos 26:14

Chiqajunilo koot'ane'k chiru ch'och' ut kiwab'i jun xyaab' kuxej yo chi xyeeb'al we sa' aatinob'aal hebreo: «At Saúl, at Saúl, k'a'ut naq xik' nikinaawil? Q'axal ch'a'aj cho'q aawe xlapb'al chawoq li topleb'».

Hechos 9:4

T'anaamil sa' ch'och', kirab'i jun xyaab' kuxej yo chi xyeeb'al: “At Saúl, at Saúl, k'a'ut naq xik' yookat chi wilb'al?”.

Génesis 16:7

Ab'an koxtawe'q xb'aan li x'ánjel li Qaawa' chire jun yo'leb'aal ha' sa' li chaqich'och', a' li wank sa' xb'ehil Sur:

1 Samuel 3:10

Chirix chik a'an kichalk li Qaawa', kixaqliik ut kib'oqok wi' chik jo'eb' li xb'ensut: “Samuel, Samuel!”, chan. Kichaq'ok laj Samuel ut kixye: “Aatinan, laj k'anjel chawu yo chawab'inkil”.

Génesis 22:16

ut kixye re: “Li Qaawa' xye chi jo'ka'in: «Xwil naq xab'aanu a'in ut ink'a' xaram chiwu laawalal li junaj chirib'il.

Génesis 22:12

Kixye li ánjel: “Maataqsi laawuq' sa' xb'een li ch'ina'al ut mik'a' aab'aanu re: anaqwan ninnaw naq nakaxiwa ru li Yos, xb'aan naq ink'a' xaram chiwu laawalal, li junaj chirib'il”.

Génesis 22:1

Chirix chik a'an li Yos kixyal xpaab'aal laj Abrahán ut kixye: “Abrahán, Abrahán!”. Kichaq'ok a'an: “We'kin”, chan.

Génesis 21:18

Xaqlin! Waklesi li ch'ina'al ut chap chi ruq' xb'aan naq tink'e cho'q xnimal ru tenamit”.

Génesis 22:10

Toja' naq laj Abrahán kixye' li ruq' ut kixchap li ch'iich' re xkamsinkil li ralal.

Génesis 24:7

Li Qaawa', li xYos li choxa, li ki'isink chaq we sa' rochoch linyuwa' ut sa' lintenamit, kinraatina ut kixye we rik'in jurament: «A'eb' laawalal tink'e wi' li na'ajej a'in». Ut a'an tixtaqla li x'ánjel k'amolb'ehaq chawu re naq aran taak'am chaq rixaqil li walal.

Génesis 31:11

Toja' naq xwab'i xyaab' xkux li x'ánjel li Yos sa' linmatk': «At Jakob!», chan we. Xinchaq'ok: «We'kin».

Génesis 46:2

Sa' ajwi' li q'oqyink a'an li Yos kixk'ut rib' chiru laj Israel sa' moy u ut kixye re: “Jakob, Jakob”, chan re. Kichaq'ok a'an: “We'kin”, chan.

Génesis 48:16

li ánjel li kikolok we chiru chixjunil li ink'a' us, chi'osob'tesinq taxaq reheb' li kok'al a'in. Che'xk'ab'a'in ta link'ab'a' ut li xk'ak'a'eb' linyuwa'ilq laj Abrahán ut laj Isahak: che'alanq ut che'k'ihanq sa' ruuchich'och'”.

Éxodo 3:2

Aran li x'ánjel li Qaawa' kixk'ut rib' chiru kama' raq'xam, sa' xyi jun toon chi k'ix: laj Moisés ki'ilok ut kixk'e reetal naq li k'ix yo xxamlel, ab'anan ink'a' na'oso'k.

Génesis 37:13

Toja' naq laj Jakob kixye re laj José: “Eb' laawas yookeb' chaq chi k'aak'alenk karneer aran Sikem. Kim, twaj tatintaqla rik'ineb'”. Kichaq'ok a'an: “We'kin”, chan.

Jueces 2:1

Naq li x'ánjel li Qaawa' ki'elk chaq Kilkal ut koho Betel, kixye reheb' laj Israel: “Laa'in kin'isink chaq eere Ejiipt ut kexwoksi sa' li ch'och' inyeechi'om reheb' leena' leeyuwa' naq kinye reheb': «Maajaruj tinq'et linSumwank eerik'in.

1 Samuel 3:4

li Qaawa' kixb'oq laj Samuel ut a'an kichaq'ok: “We'kin”, chan.

Isaías 6:8

Ut kiwab'i li Qaawa' yo chaq chi xyeeb'al: “Ani tintaqla? Ani taaxik sa' qak'ab'a' laa'o?”. Laa'in kinye: “Waaye'in arin, at Qaawa'. Taqlahin laa'in”.