Génesis 21:22 - Q'eqchi Bible

²² Sa'eb' li kutan a'an laj Abimélek rochb'een laj Pikol, xjolomileb' laj puub', kixye re laj Abrahán: “Li Qaawa' Yos wank aawik'in rik'in chixjunil li nalajaab'aanu.

Li Santil hu

²² Saꞌ eb li cutan aꞌan laj Abimelec rochben laj Ficol co̱eb chi a̱tinac riqꞌuin laj Abraham. Laj Ficol aꞌan li nataklan saꞌ xbe̱neb lix soldados laj Abimelec. Laj Abimelec quixye re laj Abraham: —La̱o yo̱co chixqꞌuebal retal nak nacatxtenkꞌa li Dios riqꞌuin chixjunil li cꞌaꞌak re ru nacaba̱nu.

Génesis 21:22 ပူးပေါင်းရင်းမြစ်များ

Génesis 26:26

Toja' naq laj Abimélek koho wan wi' laj Isahak. Toj Kerar ki'elk chaq rochb'een laj Ajusat, a'an jun ramiiw, rochb'een ajwi' laj Pikol, li najolomink reheb' laj puub'.

Josué 3:7

Toja' naq li Qaawa' kixye re laj Josué: “Chalen anaqwan tinnimob'resi laawankil chiruheb' chixjunil laj Israel. Chi jo'kan te'xnaw naq wankin aawik'in jo' naq kinwank rik'in laj Moisés.

Génesis 26:28

Ke'chaq'ok eb' a'an ut ke'xye: “Xqak'e reetal naq li Qaawa' wank aawik'in. Jo'kan naq xqaye: «Chiwanq junaq jurament sa' qayanq ut choowanq sa' sum'aatin chiqib'il qib'».

Génesis 20:2

Aran laj Abrahán naxye naq lix Sara, li rixaqil, a'an ranab'. Jo'kan naq li awab'ej re Kerar, aj Abimélek xk'ab'a', kixtaqla xk'amb'al lix Sara.

Hebreos 13:5

Mexrahink li b'ihomal, k'ojk'ooq b'an eech'ool rik'in li k'aru wank eere, xb'aan naq li Yos kixye: “Ink'a' tatinkanab' chi moko tatintz'eq chirix inch'ool”.

1 Corintios 14:25

Taakutanob'resimanq li muqmu sa' xch'ool; toja' naq toxhupub' rib' chi xloq'oninkil ru li Yos ut tixch'olob' naq relik chi yaal li Yos wank sa' eeyanq.

Romanos 8:31

K'aru tqaye chirix a'an? Wi li Yos na'okenk chiqix, ani truuq twanq sa' xiik'ilal qik'in?

Isaías 8:10

Us ta teek'uub' chi us li k'aru teeb'aanu, ab'anan maak'a' aj e. Us ta teeye li k'aru teeraj, moko taatz'aqloq ta ru. Xb'aan naq li Qaawa' wank qik'in.

Apocalipsis 3:9

K'e reetal, wank xkomoneb' li xch'utleb'aal ochoch laj tza li ok we chi xq'axtesinkileb' sa' laawuq', eb' li neke'xye rib' naq a'aneb' aj Judiiy ut maawa'eb', tik'ti' b'an li neke'xye. Laa'in teb'ink'e chi xik chi wiq'laak rub'el laawoq, re naq te'xnaw naq laa'in nakatinra.

San Mateo 1:23

“K'ehomaq reetal, li tuq'ixq taawanq sa' yu'am, taarala jun li k'uula'al, ut Emmanuel te'xk'e cho'q xk'ab'a'” (chi jalb'il ru naraj naxye: “Li Yos qik'in”).

Zacarías 8:23

“Jo'ka'in naxye li Nimajwal Yos: Chiruheb' li kutan a'an lajeeb' chi winq li jalan jalanq raatinob'aal ut xtenamiteb', te'xchap chi raq' junaq aj Judá ut te'xye re: «Naqaj xik cherix, xb'aan naq xqab'i resil naq li Yos wank eerik'in», cha'qeb'”.

Isaías 45:14

Jo'ka'in kixye li Qaawa' re laj Israel: “Eb' laj k'anjel re Ejiipt, eb' laj yakonel re Etiopía ut eb' laj Sebá li jwal najteb' xteram te'chalq aawik'in ut laa'at taaweechaniheb'. B'ak'b'ooqeb' chi kareen naq te'xik chawix, te'xwiq'ib' rib' chawu ut te'xtz'aama usilal aawe: «Relik chi yaal naq li Yos wank aawik'in, ut maak'a' chik junaq yos chiru A'an», cha'qeb'”.

2 Crónicas 1:1

Laj Salomón, ralal laj David, kixaqab'aak xwankil cho'q awab'ej ut q'axal chik kinimank xloq'al, xb'aan naq li Qaawa' li xYos wank rik'in.

Génesis 30:27

Laj Labán kixye: “Usilal xintaw aawik'in. Kanaaqat. Q'axal xtoq'ob'aal wu naq xinwank; ab'anan, b'anyox aawe laa'at, li Qaawa' xinxrosob'tesi”.

Génesis 20:17

Toja' naq laj Abrahán kitz'aamank chiru li Yos, ut li Yos kixk'irtasi laj Abimélek, li rixaqil ut chixjunileb' li ixq aj k'anjel chiru, re naq te'alanq wi' chik:

Génesis 28:15

K'e reetal, laa'in wankin aawik'in. Tatinkol yalaq b'ar tatxik, ut tatinsutq'isi chaq sa' li na'ajej a'in. Ink'a' tatinkanab' toj reetal tinb'aanu li xinyeechi'i aawe”.

Génesis 20:14

Toja' naq laj Abimélek kixchap xkarneer, xwakax, winq ut ixq aj k'anjeleb' chiru, ut kixk'eheb' re laj Abrahán; kixq'ajsi ajwi' lix Sara, li rixaqil.

Génesis 31:5

ut kixye reheb': “Xink'e reetal naq leeyuwa' ink'a' chik sa nikinril; ab'anan li xYos linyuwa' wank wik'in.

1 Samuel 3:19

Laj Samuel kinimank, ut li Qaawa' wank rik'in. Jo'ch'inal jo'nimal kiyeemank xb'aan laj Samuel, kitz'aqlok ru.

2 Samuel 24:7

Moqon chik ke'wulak sa' li kawub'resinb'il na'ajej re Tiro ut sa' chixjunileb' li tenamit reheb' laj Jib ut reheb' laj Kanahán, toj reetal ke'elk aran ut koheb' sa' xjayal Berseba, xteepal Nejeb re Judá.

1 Samuel 24:22

Ut laj David kixye li raatin chiru laj Saúl naq ink'a' tixkamsi eb' li ralal xk'ajol chi moko tixsach li xk'ab'a'. Chirix chik a'an laj Saúl koho sa' rochoch, ut laj David rochb'eeneb' laj puub' koheb' wi' chik chi xmuqb'al rib'eb'.