Génesis 21:17 - Q'eqchi Bible

¹⁷ Kirab'i li Yos li xyaab' xkux li ch'ina'al ut li x'ánjel li Qaawa' kiraatina chaq lix Agar toj sa' choxa ut kixye re: “K'aru xak'ul, a Agar? Matxiwak, xb'aan naq li Yos xrab'i xyaab' xkux li ch'ina'al aran b'arwi' wank.

Li Santil hu

¹⁷ Li Dios quirabi nak yo̱ chi ya̱bac li al. Lix ángel li Dios quia̱tinac chak toj saꞌ choxa riqꞌuin lix Agar ut quixye re: —¿Cꞌaꞌut nak ra saꞌ a̱chꞌo̱l? Matxucuac. Li Dios ac xrabi xya̱b xcux la̱ yum li bar cuan cuiꞌ.

Génesis 21:17 ပူးပေါင်းရင်းမြစ်များ

Génesis 16:11

K'e reetal, wankat sa' yu'am; taawanq jun aak'uula'al, ut a'an aj Ismael taak'e cho'q xk'ab'a', xb'aan naq li Yos xatrab'i sa' laarahilal.

Salmos 50:15

Chayaab'a link'ab'a' sa' xkutankil laarahilal; laa'in tatinkol ut laa'at tinaaloq'oni”.

Éxodo 3:7

Ab'an li Qaawa' kixye: “Ak xwil chi us li xnimal xrahilal lintenamit aran Ejiipt; xwab'i li xkawil yaab'eb': k'ajo' naq neke'yaab'ak xmaakeb' laj rahob'tesinel reheb'. Ak ninnaw li xrahilaleb'.

Salmos 91:15

Naq tixyaab'a link'ab'a', laa'in tinsume. Wanqin chi xk'atq sa' xq'ehil li rahilal; laa'in tinkoloq re ut tink'e xloq'al.

San Marcos 5:36

Ab'anan li Jesus, naq kirab'i k'aru ke'xye, kixye re li xb'eenil li ch'utleb'aal kab'l: —Matxiwak, ka'ajwi' naq wanq aapaab'aal.

San Mateo 15:32

Li Jesus kixb'oqeb' li xtzolom ut kixye: —Nintoq'ob'a ruheb' li tenamit a'in, xb'aan naq ak oxib' kutan xchalikeb' wik'in ut maak'a'eb' xwa; ut ink'a' nawaj xchaq'rab'inkileb' chi maji' neke'wa'ak: mare anchal te'lub'q sa' b'e.

Isaías 41:10

Matxiwak, xb'aan naq wankin aawik'in; matk'oxlak xb'aan naq laa'in laaYos. Laa'in ninkawub'resink ut nintenq'ank aawe, kaw nakatinchap rik'in li wuq' li jwal kaw rib'.

Isaías 22:1

Resilal li rahilal chaalel sa' xb'een li xTaq'ahil li Moy u. K'aru xek'ul chejunilex anaqwan naq xextaqje'k sa' xb'eeneb' li ochoch,

Salmos 65:2

At qaYos, aak'ulub' li loq'oniik arin Sión, tento xk'eeb'al aawe li k'aru xqayeechi'i,

2 Reyes 13:23

Ab'an li Qaawa' kixtoq'ob'a ut kiruxtaana ruheb', kisutq'iik wi' chik rik'ineb' sa' xk'ab'a' li xsumwank rik'in laj Abrahán, laj Isahak ut laj Jakob, ut ink'a' kiraj xsachb'aleb' ru chi junajwa, chi moko kixtz'eqtaanaheb' chalen toj anaqwan.

2 Reyes 13:4

Ab'an laj Johakás kitijok chiru li Yos re taatenq'aaq, ut li Qaawa' kirab'i li xtz'aamahom xb'aan naq naril li xrahob'tesinkileb' laj Israel xb'aan li awab'ej re Aram.

1 Samuel 11:5

Sa' li honal a'an laj Saúl yo chaq chi sutq'iik sa' k'aleb'aal chirixeb' li xb'ooyx, ut kixpatz': “K'aru xe'xk'ul li tenamit naq yookeb' chi yaab'ak?”, chan. Ut ke'xye re li raatineb' laj Yabés.

Jueces 18:23

ut ke'xjap re chirixeb'. Eb' a'an ke'xsutq'isi chaq rib' ut ke'xye re laj Mikaías: “K'aru nakak'ul naq japjo aawe chi jo'kan?”, chankeb'.

Éxodo 22:27

xb'aan naq chiru a'an naxtz'ap rib', a'an li xb'aatal: k'aru taawarq wi'? Wi tixyaab'a link'ab'a', laa'in twab'i xb'aan naq aj uxtaanin.

Éxodo 22:23

Wi taarahob'tesi, ch'olch'o naq tinxyaab'a, ut laa'in twab'i li xq'oq.

Éxodo 14:13

Kichaq'ok laj Moisés ut kixye reheb' li tenamit: “Mexxiwak, kawaq eech'ool ut teeril li kolb'a ib' tixk'e eere li Qaawa' sa' li kutan a'in. Xb'aan naq eb' laj Ejiipt li yookex chi rilb'al anaqwan, maajun wa chik teerileb' ru.

Génesis 46:3

Toja' naq li Yos kixye re: “Laa'in li Yos, xYos laayuwa'. Matxiwak chi xik Ejiipt, xb'aan naq aran twisi aawik'in jun xnimal ru tenamit.

Génesis 16:9

Ut li x'ánjel li Qaawa' kixye re: “Sutq'in wi' chik rik'in laj eechal aawe ut paab'an chiru”.

Génesis 15:1

Naq ak xk'ulmank chixjunil a'in, ki'aatinaak laj Abrán xb'aan li Qaawa' sa' moy u chi jo'ka'in: “Matxiwak, Abrán: laa'in laj kolol aawe. Q'axal nimaq laaq'ajkamunkil”, chan li Yos.

Génesis 16:7

Ab'an koxtawe'q xb'aan li x'ánjel li Qaawa' chire jun yo'leb'aal ha' sa' li chaqich'och', a' li wank sa' xb'ehil Sur:

Génesis 22:11

A'ut li x'ánjel li Qaawa' kiraatina chaq toj sa' choxa: “Abrahán, Abrahán!”, chan re. Ut a'an kixye: “We'kin arin”.

Génesis 24:7

Li Qaawa', li xYos li choxa, li ki'isink chaq we sa' rochoch linyuwa' ut sa' lintenamit, kinraatina ut kixye we rik'in jurament: «A'eb' laawalal tink'e wi' li na'ajej a'in». Ut a'an tixtaqla li x'ánjel k'amolb'ehaq chawu re naq aran taak'am chaq rixaqil li walal.

Génesis 26:24

Sa' ajwi' li q'oqyink a'an li Qaawa' kixk'ut rib' chiru ut kixye re: “Laa'in li xYos laj Abrahán laayuwa'. Matxiwak xb'aan naq laa'in wankin aawik'in. Tatwosob'tesi ut tink'ihob'resi eb' laawalal aak'ajol sa' xk'ab'a' laj Abrahán, laj k'anjel chiwu”.

Éxodo 3:2

Aran li x'ánjel li Qaawa' kixk'ut rib' chiru kama' raq'xam, sa' xyi jun toon chi k'ix: laj Moisés ki'ilok ut kixk'e reetal naq li k'ix yo xxamlel, ab'anan ink'a' na'oso'k.

Deuteronomio 26:7

Toja' naq laa'o kiqapatz' xk'ab'a' li Qaawa', li xYos eb' li qana' qayuwa', ut li Qaawa' kirab'i li xyaab' qakux; kiril xtoq'ob'aal qu ut kixk'e reetal li qarahob'tesinkil ut li qatawasinkil.

Salmos 6:8

Xe'sipo'je'k li rix wu xb'aan xmay linch'ool, ink'a' chik nin'ilok xb'aaneb' li xik' neke'ilok we.

Génesis 16:8

“Agar, aj k'anjelat chiru lix Saray, b'ar xatchalk chaq ut b'ar xik aawe?”, chu'uxk re xb'aan li ánjel. Kichaq'ok a'an ut kixye: “Yookin chi elelik chiru lix Saray laj eechal we”.

Salmos 10:14

Laa'at aawilom chik li xmaa'usilal ut li xq'etq'etil; nakawil re xk'eeb'al sa' tojb'amaak. Li q'axal xtoq'ob'aal ru naxq'axtesi rib' rub'el laawoq rub'el laawuq', laa'at nakattenq'ank re li neb'a'yox.