Génesis 2:8 - Q'eqchi Bible

⁸ Moqon li Qaawa' Yos kixyiib' jun xna'aj li awimq aran Edén, sa' releb'l saq'e, b'arwi' kixk'e li winq li toja' xyoob'tesi.

Li Santil hu

⁸ Li Ka̱cuaꞌ Dios quixqꞌue jun xnaꞌaj li acui̱mk saꞌ li naꞌajej Edén xcꞌabaꞌ saꞌ xjayal na-el cuiꞌ chak li sakꞌe. Ut aran quixqꞌue li cui̱nk li quixyi̱b.

Génesis 2:8 ပူးပေါင်းရင်းမြစ်များ

Ezequiel 28:13

Aran Edén, sa' li xna'aj rawimq li Yos, katwank. Uutz'u'ujinb'il laab'aatal rik'in k'iila paay chi pek, jo' li rubí, li topasio, li jaspe, li lemtz'il q'ol, li krisólito, li ónise, li safiro, li malakita ut li esmeralda. Yiib'anb'il laaka'xik ut li xsahob' ru laawaq' rik'in oor, k'uub'anb'il chalen chaq sa' xkutankil laayo'lajik.

Génesis 3:24

Ut naq ak xrisi li winq, kixk'eheb' li kerubín sa' releb'l saq'e, junpak'al li na'ajej Edén. Kixk'e ajwi' jun ch'iich' nareplotk xxamlel, re naq maajun taa'ok wan wi' li che' re li yu'am.

Génesis 13:10

Laj Lot kixtaqsi li rilob'aal ut kiril chixjunil li xtaq'ahil li nima' Jordán, wank ha' chisa' chi junelik. Naq toj maji'aq nasache'k Sodoom ut Gomoor xb'aan li Qaawa', chixjunil li na'ajej a'an toj Sohar, kama' li xna'aj rawimq li Qaawa', kama' li tenamit Ejiipt.

Joel 2:3

Chanchaneb' li xam li naxk'at chixjunil li k'aru wank chi uub'ej ut chi ixb'ej. Rub'elaj li xnumik jwal chaab'il li ch'och', ab'an naq ak xnume'k, junes joxk' ch'och' aj chik; tik maak'a' nakole'k chiru.

Isaías 51:3

Laa'in tink'ojob' xch'ool Sión ut twil xtoq'ob'aal ru li xpo'lemil; tinsutq'isi li chaqich'och' cho'q sahil na'ajej, ut li joxk' ch'och' tkanaaq cho'q xna'aj li Qaawa': k'ajo'aq li b'ichank ut sahil ch'oolej aran, taawanq li wajb'ak ut b'anyoxink sa' ink'ab'a'.

2 Reyes 19:12

Ma ke'kole'k tab'i' xb'aaneb' li xyos eb' li tenamit li ke'sache'k ru xb'aaneb' linxe'toonil yuwa': a' li tenamit Gosán, Harán, Résef ut eb' laj Eden li wankeb' sa' xteepal Telasar?

Génesis 4:16

Ki'elk laj Kaín chiru li Qaawa' ut kikanaak sa' li na'ajej Nod xk'ab'a', sa' releb'l saq'e, junpak'al Edén.

Ezequiel 31:16

Naq tint'an chiru ch'och' li yaw a'an ut tintaqla sa' xyanqeb' li xe'q'ajk xe'sutq'iik, k'ajo' naq te'xiwaq eb' li tenamit. Aran, sa' xchamal li ch'och', te'saho'q xch'ool eb' li che' li wankeb' sa' li xsahil na'aj li Yos, jo' ajwi' eb' li jwal kaweb' rib', t'aqresinb'leb' chi us ut ch'ina'us rilb'al sa' xteepal Líbano.

Ezequiel 31:18

Maajun reheb' li che' ke'wank sa' li xsahil na'aj li Yos kiruhank xjuntaq'eetankil wi' rik'in li xloq'al ut li xteram li yaw a'an. Ab'anan taakute'q ajwi' a'an sa' li xb'alb'a, rochb'eeneb' li che' ke'wank sa' li xsahil na'aj li Yos, ut taawanq sa' xyanqeb' li maawa'eb' aj paab'anel, rik'ineb' li ke'kamsiik sa' li raaxiik'. «Li che' a'in, a'an laj Parahón jo'wi' chixjunileb' li xpoyanamil», chan li Qaawa'”.

Ezequiel 27:23

Eb' laj Harán, eb' laj Kané, laj Edén ut laj yakoneleb' re Sabá, Asiria ut chixjunil xteepal Media

Génesis 3:23

Jo'kan naq li Qaawa' Yos kirisi li winq sa' li na'ajej Edén, re tixk'anjela li ch'och' li ki'elk wi' chaq.