Génesis 2:7 - Q'eqchi Bible

⁷ Toja' naq li Qaawa' Yos kixyoob'tesi li winq rik'in xpojtz'il li ch'och'. Chi apunb'il kiroksi li xmusiq' sa' ru'uj, ut chi jo'kan li winq kiwank xyu'am.

Li Santil hu

⁷ Li Ka̱cuaꞌ Dios quixyi̱b li cui̱nk. Quixpacꞌ riqꞌuin chꞌochꞌ ut quirapu saꞌ li ruꞌuj re nak tixqꞌue lix musikꞌ. Ut cuan chic xyuꞌam li cui̱nk.

Génesis 2:7 ပူးပေါင်းရင်းမြစ်များ

1 Corintios 15:45

Jo'ka'in tz'iib'anb'il sa' li Santil Hu: “Laj Adán, li xb'een winq, kiwinqob'resiik chi wank xyu'am”; ut li xkab' Adán, li kichalk sa' roso'jik, a'an musiq'ej aj k'ehol yu'am.

Li xHu LAJ JOB 33:4

Li Nimajwal Yos xyoob'tesink we, ut A'an ajwi' xk'ehok inyu'am.

Eclesiastés 12:7

Naq taachalq li kutan a'an, pojtz' tatsutq'iiq wi', xb'aan naq pojtz' okenaqat; ut laamusiq' taasutq'iiq wi' chik rik'in li Yos xb'aan naq A'an kik'ehok aawe.

Isaías 64:8

At Qaawa', laa'at li qana' qayuwa', laa'o chanchano li seb' ut laa'at laj pak'ol qe; chiqajunilo laa'o xyiib'ahomo laawuq'.

Hechos 17:25

chi moko nak'anjelaak ru rik'in ruq'eb' li winq chanchan tawi' junaq li wank sa' rajb'al ru: a'an b'an li nak'ehok re li qayu'am chiqajunilo, li qamusiq' ut chixjunil li k'a'aq re ru.

1 Corintios 15:47

Li xb'een winq ch'och' okenaq, a'an ruuchich'och'il winq; ut li xkab' toj sa' choxa chalenaq chaq.

Génesis 3:19

Rik'in xtiqob' laapeekem tatwa'aq, toj reetal tatsutq'iiq sa' li ch'och' xat-elk wi' chaq. Xb'aan naq pojtz' okenaqat chaq ut pojtz' tatsutq'iiq wi' chik”.

Li xHu LAJ JOB 27:3

ninye li waatin naq jo' najtil tinyo'yooq ut tixk'e linyu'am li Qaawa' Yos

Génesis 7:22

Kilaje'kamk chixjunileb' li neke'musiq'an ut chixjunil li wank sa' ruuchich'och'.

Zacarías 12:1

A'an a'in li raatin li Yos chirix li tenamit Israel. Li Qaawa', li kihelok re li choxa ut kik'ojob'ank re li ruuchich'och' sa' xna'aj, li kik'ehok xyu'am li winq ut li ixq, a'an kixye chi jo'ka'in:

Salmos 103:14

Xb'aan naq naxnaw k'aru okenaqo wi' ut wank sa' xch'ool naq yal pojtz' okenaqo.

Salmos 100:3

Chenawaq naq li Qaawa' a'an Yos, a'an kiyoob'tesink qe ut reho ajwi', laa'o li xtenamit, laa'o xkarneer k'aak'alenb'ilo xb'aan.

Romanos 9:20

At winq, k'a' aawu laa'at re xwech'b'al rix li Yos? Ma tixye tab'i' li pak'b'il sek' re laj pak'ol re: “K'a' naq xinaapak' chi jo'ka'in?”.

Isaías 2:22

Jo'kan naq meek'ojob' chik eech'ool chirix li winq li yal jun k'amok ajwi' li xmusiq': k'aru na'ok wi' a'an?

Génesis 3:23

Jo'kan naq li Qaawa' Yos kirisi li winq sa' li na'ajej Edén, re tixk'anjela li ch'och' li ki'elk wi' chaq.

Hebreos 12:9

Jun chik. Eb' li qana' qayuwa' ke'wank chaq cho'q aj tijol qe sa' ruuchich'och', ut laa'o kiqoxloq'iheb' chaq. Ma toja' ta chik ink'a' tqapaab' li qachoxahil Yuwa', re naq yo'yooqo?

Números 16:22

A'ut eb' a'an ke'xhupub' rib' chiru ch'och' ut ke'tijok chi kama'in: “At Qaawa' Yos, laa'at nakatk'ehok xyu'am li junjunq. Jun ajwi' li xmaakob'k: k'a'ut naq laa'at nakatjosq'o'k rik'in chixjunil li komonil?”, chankeb'.

Proverbios 20:27

Li musiq'ej li wank qik'in, a'an xsaqenk li Qaawa', li naxsik'i jo'ch'inal jo'nimal wank sa' qach'ool.

Li xHu LAJ JOB 33:6

Laa'at ut laa'in juntaq'eeto chiru li Qaawa'; laa'in ajwi' pak'b'ilin chaq rik'in ch'och'.

2 Corintios 5:1

Naqanaw naq li muheb'aal a'in li nokoohilank wi' sa' ruuchich'och', taa'oso'q; ab'an wank jun li qochoch nachalk rik'in li Yos: a'an li muheb'aal ink'a' uxb'il rik'in uq'ej, ut wank sa' choxa chi junelik.

2 Corintios 4:7

Ab'an li xnimal ru qamaatan a'in wank qik'in sa' pak'b'il sek', re naq chik'utunq naq li xnimal ru wankilal a'in nachalk rik'in li Yos, moko qik'in ta laa'o.

San Juan 20:22

Ut naq kixye a'in, ki'apunk sa' xb'eeneb' ut kixye reheb': —K'ulumaq li Santil Musiq'ej.

Li xHu LAJ JOB 4:19

Ma toja' ta chik tixk'ojob' xch'ool chirixeb' li poyanam? Pak'b'ilo rik'in ch'och' ut maak'a' qametz'ew jo' junaq xmaxel li che'.

Números 27:16

“At Qaawa' Yos, laa'at li nakatk'ehok xyu'am chixjunileb', xaqab' junaq winq re tixk'am xb'eheb' li komonil a'in

Eclesiastés 3:7

Wank xq'ehil li q'ichok, ut wank xq'ehil li b'ojok. Wank xq'ehil li ch'anaak, ut wank xq'ehil li aatinak.

1 Timoteo 2:13

Xb'aan naq xb'enwa kiyoob'tesiik laj Adán ut moqon chik lix Eva.

Génesis 2:6

Ka'ajwi' nab'ulb'utk jun yo'leb'aal ha' li nat'aqresink re chixjunil li ch'och'.

Lamentaciones 4:20

Xe'xchap li na'awab'ejink qe, li k'ojk'o wi' qach'ool, li sik'b'il ru xb'aan li Yos. Sa' qach'ool laa'o naq rub'el xwankil toomuhenq sa' xyanqeb' li tenamit.

Ezequiel 37:5

Li Yos xye eere chi jo'ka'in: Tin'apunq sa' eeb'een re naq wanq eemusiq' ut yo'yooqex.

Génesis 1:27

Ut li Yos kixyoob'tesi li poyanam jo' xjalam u. Jo' xjalam u li Yos naq kixyoob'tesi; teelom ut ixq naq kixyoob'tesiheb'.

Ezequiel 37:6

Tink'e eerich'mul, texinnujob'resi chi tib'elej, texinlan sa' leetz'uumal ut tink'e wi' chik leemusiq' re naq wanq eeyu'am. Ut aran teenaw naq laa'in li Qaawa'»”.