Génesis 2:25 - Q'eqchi Bible

²⁵ T'ust'uukeb' chaq chi xkab'ichaleb' li winq ut li rixaqil, ab'an ink'a' neke'xxutaana rib'eb'.

Li Santil hu

²⁵ Laj Adán ut li rixakil tꞌustꞌu̱queb nak cuanqueb. Ut incꞌaꞌ nequeꞌxuta̱nac.

Génesis 2:25 ပူးပေါင်းရင်းမြစ်များ

Génesis 3:7

Toja' naq ke'tehonk xsa' li ruheb' chi xkab'ichaleb' ut ke'xk'e reetal naq t'ust'uukeb': jo'kan naq ke'xb'oj xxaq li xche'el li iig ut ke'xtz'ap rib' chiru.

Romanos 10:11

Naxye li Santil Hu: “Yalaq ani taapaab'anq re, ink'a' taakaqo'q xb'aan xxutaan”.

Joel 2:26

Textzekanq toj reetal taak'ojlaaq leech'ool ut teek'e xloq'al li Qaawa' leeYos, xb'aan naq xinb'aanu xninqal sachb'ach'oolej cho'q eere. Maajoq'e chik taak'ehe'q chi se'eek lintenamit.

Jeremías 17:13

At Qaawa', laa'at tz'aqal li royb'enihom laj Israel. Chixjunileb' li te'tz'eqtaananq aawe, xutaanal te'kanaaq. Eb' li te'najto'q aawik'in, taasachmanq li xk'ab'a'eb' jo' tawi' tz'iib'anb'il sa' pojtz', xb'aan naq xe'xkanab' li Qaawa', a'an li yu'amha'.

Isaías 47:3

Tatkanaaq chi t'ust'u re xk'utb'al aaxutaan. Tink'e reeqaj li xab'aanu we ut maajun taaramoq chiwu”.

San Lucas 9:26

Xb'aan naq ani taaxutaanaq sa' ink'ab'a' ut xb'aaneb' li waatin, taaxutaanaq ajwi' li K'ajolb'ej xb'aan a'an, naq tol'elq sa' li xnimal xloq'al jo'wi' sa' xnimal xloq'al li xYuwa' ut eb' li xsantil ánjel.

Ezequiel 16:61

Toja' naq taajultiko'q aawe laamaa'usilal ut tatxutaanaq xb'aan, naq taak'uleb' aawik'in laachaq'na' ut laawiitz'in, ut tink'eheb' aawe jo'eb' aako', us ta a'an moko sa' xk'ab'a' ta linsumwank.

Isaías 54:4

Matxiwak, moko tatkanaaq sa' xutaan; matxutaanak xb'aan naq maak'a'aq chik k'aru tatkaqo'q wi'. Tz'eq chirix laach'ool li k'aru xak'ul sa' laasaajilal ut maak'oxla chik laamalka'anil.

Salmos 25:3

Maak'a' xk'utb'al xxutaan li kaw xch'ool aawik'in, ka' aj b'an wi' cho'q re li nab'alaq'ink chi maak'a' xyaalal.

Éxodo 32:25

Kiril laj Moisés naq ink'a' chik ch'olch'o xna'leb'eb' li tenamit (xb'aan naq laj Aharón kixkanab'eb' chi xloq'oninkil li yiib'anb'il yos, sa' xyanqeb' li xik' neke'ilok reheb');

San Marcos 8:38

Xb'aan naq ani taaxutaanaq sa' ink'ab'a' ut xb'aaneb' li waatin chiru li tenamit a'in aj muxunel ut aj maak, taaxutaanaq ajwi' li K'ajolb'ej xb'aan a'an, naq tol'elq sa' li xnimal xloq'al li xYuwa' rochb'eenaqeb' chaq li santil ánjel.

Jeremías 6:15

Tento raj xe'xutaanak b'ayaq chi xb'aanunkil li jo'maajo'il na'leb', ab'anan maak'a' xxutaaneb' chi moko xe'kaqo'k kach'inaq xb'aaneb' li xb'aanuhom. Jo'kan naq te'tichk'oq ut te't'ane'q jo'eb' li junch'ol chik, naq taawulaq xkutankil li xrahob'tesinkileb'”, chan li Qaawa' Yos.

Isaías 44:9

Chixjunileb' laj yiib'ahom xjalam u jalanil yos maak'a' neke'ok wi'; maak'a' rajb'al li xb'aanuhomeb' us ta jwal raaro xb'aaneb'. Eb' li neke'loq'onink reheb' maak'a' neke'ril ut maak'a' neke'xnaw; jo'kan naq te'kanaaq sa' xutaan.

Salmos 31:17

Chak'ut taxaq xsahil aawu re laj k'anjel chawu ut chinaakol taxaq sa' xk'ab'a' laarahom!