Génesis 19:25 - Q'eqchi Bible

²⁵ ut kixsacheb' li tenamit a'an; kixsach ajwi' li ru taq'a, chixjunileb' li wankeb' sa' li tenamit ut chixjunil li che'k'aam.

Li Santil hu

²⁵ Ut queꞌsacheꞌ chixjunil li tenamit. Queꞌosoꞌ chi junaj cua li cristian li cuanqueb aran ut chixjunil li acui̱mk. Queꞌosoꞌ chi junaj cua chixjunil li cuan saꞌ li ru takꞌa aꞌan.

Génesis 19:25 ပူးပေါင်းရင်းမြစ်များ

Salmos 107:34

Naxkanab' li chaab'il ch'och' cho'q pek atz'am, xb'aan li xmaa'usilaleb' xch'ool li winq wankeb' aran.

Génesis 14:3

Chixjunileb' a'in ke'xjunaji rib' sa' xtaq'ahil Sidim, b'arwi' wank li Atz'aminb'il Palaw.

Génesis 13:10

Laj Lot kixtaqsi li rilob'aal ut kiril chixjunil li xtaq'ahil li nima' Jordán, wank ha' chisa' chi junelik. Naq toj maji'aq nasache'k Sodoom ut Gomoor xb'aan li Qaawa', chixjunil li na'ajej a'an toj Sohar, kama' li xna'aj rawimq li Qaawa', kama' li tenamit Ejiipt.

2 Pedro 2:6

Ut kixteneb' li kamk sa' xb'eeneb' li tenamit Sodoom ut Gomoor, naq kixkanab'eb' chi chahil, jo' jun eetalil chiruheb' li ink'a' te'xpaab' li Yos sa'eb' li kutan chalkeb' re.

Génesis 13:12

Laj Abrán kikanaak Kanahán ut laj Lot sa'eb' li tenamit wankeb' taq'a; aran kixxaqab'eb' li xmuheb'aal toj kiwulak Sodoom.

Deuteronomio 29:23

«Junes asuupr ut atz'am wank chik aran, ut li ch'och' k'atalkaq aj chik ru: a'an a'in chixjunil leena'aj. Ink'a' chik taaruuq awk arin, maak'a' taamoq chiru, chi moko li pim taak'iiq sa' li na'ajej a'in, kama' li rahilal kixk'ul Sodoom ut Gomoor, Admá ut Seboín naq ke'sache'k ru xb'aan xnimal xjosq'il li Qaawa'», cha'qeb'.

Isaías 13:19

Ut Babilonia, li ch'ina'us sa' xyanqeb' li tenamit, li xloq'al eb' laj Kaldeha ut li tenamit neke'xnimob'resi wi' rib', taakanaaq jo' Sodoom ut Gomoor li kinsacheb' ru.

Jeremías 20:16

Li winq a'an chisache'q taxaq ru jo'eb' li tenamit li ke'sache'k xb'aan li Qaawa' chi ink'a' kiril xtoq'ob'aaleb' ru. Chirab'i ta li japok e xb'aan li rahilal eq'la ut li b'oqok chi yalok sa' li wa'leb',

Jeremías 49:18

Juntaq'eetaq rik'in Sodoom ut Gomoor, naq ke'sache'k ru rochb'eeneb' li tenamit wankeb' chi xsutam: maajun chik taanume'q chi moko taawanq sa' li na'ajej a'an -chan li Qaawa'-.

Jeremías 50:40

Taak'ulmanq jo' naq laa'in kinsacheb' ru Sodoom ut Gomoor, jo'wi' eb' li tenamit wankeb' chi xsutam, naq maajun chik poyanam kikanaak aran chi moko ke'tenamito'k chik”, chan li Qaawa' Yos.

Lamentaciones 4:6

Li xmaak lintenamit naxq'ax ru li xmaa'usilal li tenamit Sodoom, li kisache'k ru chi junpaat chi maajun junaq kitenq'ank re.

Ezequiel 16:50

Ke'xnimob'resi rib' ut ke'xb'aanu li maa'usilal li ink'a' nawulak chiwu. Jo'kan naq kinsach ruheb', jo' xak'e reetal rik'ineb' laawu.

Amós 4:11

“Xexinsach rik'in nimla rahilal jo' kinb'aanu reheb' laj Sodoom ut eb' laj Gomoor, ut chanchanex aj chik li ru'uj si' na'elk sa' li xam naq xexkanaak. Ab'anan laa'ex ink'a' xexsutq'iik chaq wik'in”, chan li Qaawa'.

Jeremías 23:14

Xwil ajwi' li k'aru neke'xb'aanu eb' li propeet aj Jerusalén: q'axal yib' wi' chik ru li xb'aanuhomeb'. Neke'muxuk sumlaak ut neke'b'alaq'ik; neke'xk'e xkawil xch'ooleb' li ink'a' useb' xna'leb' re naq maajun tixkanab' xb'aanunkil li maa'usilal. Eb' a'an jo'wi' eb' li wankeb' Jerusalén chanchaneb' laj Sodoom ut eb' laj Gomoor!

Sofonías 2:9

Jo'kan naq Laa'in, li Nimajwal Yos ut xYos laj Israel, ninye li waatin naq Mohab taakanaaq jo' Sodoom, ut Amón taa'oso'q jo' Gomoor. Junes k'ix ut atz'am taa'elq chiru; nakirirnak chi junajwa taakanaaq. Jo'k'ihaleb' chik lintenamit xe'kole'k, te'xxok chixjunil ut eb' a'an te'eechaninq re li na'ajej a'an”.