Génesis 19:24 - Q'eqchi Bible

²⁴ Toja' naq li Qaawa' kixtaqla chaq asuupr ut xam sa' xb'een Sodoom ut Gomoor

Li Santil hu

²⁴ Li Ka̱cuaꞌ Dios toj saꞌ choxa quixtakla chak li xam ut li azufre saꞌ xbe̱neb li tenamit Sodoma ut Gomorra.

Génesis 19:24 ပူးပေါင်းရင်းမြစ်များ

Deuteronomio 29:23

«Junes asuupr ut atz'am wank chik aran, ut li ch'och' k'atalkaq aj chik ru: a'an a'in chixjunil leena'aj. Ink'a' chik taaruuq awk arin, maak'a' taamoq chiru, chi moko li pim taak'iiq sa' li na'ajej a'in, kama' li rahilal kixk'ul Sodoom ut Gomoor, Admá ut Seboín naq ke'sache'k ru xb'aan xnimal xjosq'il li Qaawa'», cha'qeb'.

Isaías 13:19

Ut Babilonia, li ch'ina'us sa' xyanqeb' li tenamit, li xloq'al eb' laj Kaldeha ut li tenamit neke'xnimob'resi wi' rib', taakanaaq jo' Sodoom ut Gomoor li kinsacheb' ru.

San Judas 1:7

Jo'kan ajwi' Sodoom, Gomoor ut eb' li tenamit li ke'wank chi xk'atq, ke'kanaak cho'q xnimal eetalil cho'q qe laa'o: anaqwan neke'xkuy li xtojb'al rix li xmaakeb' sa' li xam chi junelik xb'aan naq, kama'eb' li ánjel, ke'xmux rib' ut ke'xq'axtesi rib' chi xb'aanunkil li jo'maajo'il na'leb'.

2 Pedro 2:6

Ut kixteneb' li kamk sa' xb'eeneb' li tenamit Sodoom ut Gomoor, naq kixkanab'eb' chi chahil, jo' jun eetalil chiruheb' li ink'a' te'xpaab' li Yos sa'eb' li kutan chalkeb' re.

Amós 4:11

“Xexinsach rik'in nimla rahilal jo' kinb'aanu reheb' laj Sodoom ut eb' laj Gomoor, ut chanchanex aj chik li ru'uj si' na'elk sa' li xam naq xexkanaak. Ab'anan laa'ex ink'a' xexsutq'iik chaq wik'in”, chan li Qaawa'.

Jeremías 50:40

Taak'ulmanq jo' naq laa'in kinsacheb' ru Sodoom ut Gomoor, jo'wi' eb' li tenamit wankeb' chi xsutam, naq maajun chik poyanam kikanaak aran chi moko ke'tenamito'k chik”, chan li Qaawa' Yos.

Sofonías 2:9

Jo'kan naq Laa'in, li Nimajwal Yos ut xYos laj Israel, ninye li waatin naq Mohab taakanaaq jo' Sodoom, ut Amón taa'oso'q jo' Gomoor. Junes k'ix ut atz'am taa'elq chiru; nakirirnak chi junajwa taakanaaq. Jo'k'ihaleb' chik lintenamit xe'kole'k, te'xxok chixjunil ut eb' a'an te'eechaninq re li na'ajej a'an”.

Lamentaciones 4:6

Li xmaak lintenamit naxq'ax ru li xmaa'usilal li tenamit Sodoom, li kisache'k ru chi junpaat chi maajun junaq kitenq'ank re.

Jeremías 20:16

Li winq a'an chisache'q taxaq ru jo'eb' li tenamit li ke'sache'k xb'aan li Qaawa' chi ink'a' kiril xtoq'ob'aaleb' ru. Chirab'i ta li japok e xb'aan li rahilal eq'la ut li b'oqok chi yalok sa' li wa'leb',

Li xHu LAJ JOB 18:15

Te'xk'e asuupr sa' li rochoch ut taak'atmanq li xmuheb'aal.

Oseas 11:8

“Chanru naq tatinkanab', a Efraín? Chanru naq tatintz'eqtaana, a Israel? Ma tatinsach tab'i' jo' xinb'aanu re li tenamit Admá malaj tinb'aanu ta aawe jo' xinb'aanu reheb' laj Seboín xb'aan li xmaa'usilaleb'? Q'axal nayot'e'k li waanm ut namayok linch'ool chawix.

Jeremías 49:18

Juntaq'eetaq rik'in Sodoom ut Gomoor, naq ke'sache'k ru rochb'eeneb' li tenamit wankeb' chi xsutam: maajun chik taanume'q chi moko taawanq sa' li na'ajej a'an -chan li Qaawa'-.

Isaías 1:9

Wi ta li Nimajwal Yos ink'a' xooxkol wiib' oxib'aq, xookanaak raj kama' Sodoom, chanchano raj li tenamit Gomoor.

Salmos 11:6

Tixtaqla chaq xam ut asuupr sa' xb'eeneb' li wankeb' xmaak, ut tixq'ajkamuheb' rik'in kaqsut-iq' li tixk'at chixjunil.

San Lucas 10:12

Ninye eere naq sa' li kutan a'an kotzkooq b'ayaq li rahilal tixk'ul Sodoom chiru li tixk'ul li tenamit a'an.

Apocalipsis 14:10

taachalq tojb'amaak sa' xb'een. Tento taaruk' xb'iinul xjosq'il li Yos, li ak k'eeb'il, chi maak'a' xyu, sa' li xsek'ul li xjosq'il. Ut taarahob'tesiiq rik'in xam ut asuupr, chiruheb' li santil ánjel ut chiru li Karneer.

Génesis 13:10

Laj Lot kixtaqsi li rilob'aal ut kiril chixjunil li xtaq'ahil li nima' Jordán, wank ha' chisa' chi junelik. Naq toj maji'aq nasache'k Sodoom ut Gomoor xb'aan li Qaawa', chixjunil li na'ajej a'an toj Sohar, kama' li xna'aj rawimq li Qaawa', kama' li tenamit Ejiipt.

Génesis 13:12

Laj Abrán kikanaak Kanahán ut laj Lot sa'eb' li tenamit wankeb' taq'a; aran kixxaqab'eb' li xmuheb'aal toj kiwulak Sodoom.

Génesis 18:17

Toja' naq li Qaawa' kixye: “Ink'a' truuq tinmuq chiru laj Abrahán li k'aru ok we chi xb'aanunkil.

Génesis 19:23

Ak yo chi elk li saq'e naq laj Lot kiwulak Sohar.

Éxodo 9:23

Laj Moisés kixye' li xxuq' sa' xjayal li choxa, ut li Qaawa' kixtaqla chaq kaaq ut saqb'ach; ke't'ane'k raq'kaaq sa' xb'een li ruuchich'och'. Li Qaawa' kixtaqla chaq saqb'ach sa' xb'een li tenamit Ejiipt:

Li xHu LAJ JOB 1:16

Toj yo ajwi' chi aatinak li winq a'an, naq kiwulak jun chik ut kixye re laj Job: —Xxerok li kaaq ut xkamsiheb' li karneer ut eb' laj ilol reheb'. Ka'ajin wi' xinruuk chaq chi elelik re xyeeb'al resil aawe.

Isaías 30:33

Xb'aan naq li na'ajej Tófet ak kawresinb'il chaq najter cho'q re Asiria jo'wi' cho'q re li x'awab'ej. Li na'ajej a'an q'axal nim ru ut jwal cham, k'ajo' li xsi'ul. Naq taamusiq'aq li Yos, tixloch xxamlel; chanchan roq nima' nujenaq chi asuupr naq taachalq li xjosq'il li Qaawa' sa' xb'een.

Deuteronomio 28:24

Li Qaawa' tixhoy chaq pojtz' ut samahib' sa' xb'een laach'och' cho'q reeqaj li hab'; ut te'chalq sa' aab'een toj reetal tat-oso'q.

Deuteronomio 29:22

Eb' li toj te'yo'laaq, a'eb' leeralal eek'ajol li te'chalq cherix laa'ex, jo' ajwi' eb' li jalan xtenamiteb' chalenaqeb' chaq chi najt, naq te'ril li xninqal rahilal ut yajel taarahob'tesiiq wi' li na'ajej a'in xb'aan li Qaawa', te'xjap re chi xyeeb'al:

Jeremías 23:14

Xwil ajwi' li k'aru neke'xb'aanu eb' li propeet aj Jerusalén: q'axal yib' wi' chik ru li xb'aanuhomeb'. Neke'muxuk sumlaak ut neke'b'alaq'ik; neke'xk'e xkawil xch'ooleb' li ink'a' useb' xna'leb' re naq maajun tixkanab' xb'aanunkil li maa'usilal. Eb' a'an jo'wi' eb' li wankeb' Jerusalén chanchaneb' laj Sodoom ut eb' laj Gomoor!