Génesis 19:16 - Q'eqchi Bible

¹⁶ A'ut laj Lot toj yo chi xk'oxlankil. Jo'kan naq li wiib' chi winq xb'aan xnimal ruxtaan li Qaawa' ke'xchap chi ruq'; ke'xchap ajwi' li rixaqil ut xkab'ichaleb' li xrab'in, ut chixjunileb' ke'isiik chirix li tenamit.

Li Santil hu

¹⁶ Ut laj Lot toj quibay chi e̱lc. Li Ka̱cuaꞌ Dios quiril xtokꞌoba̱l ru laj Lot, joꞌ ajcuiꞌ lix comoneb. Ut eb li cuib chi cui̱nk queꞌxchap chi rukꞌ laj Lot, joꞌ eb ajcuiꞌ lix rabin ut li rixakil. Queꞌisi̱c saꞌ junpa̱t saꞌ li tenamit xbaneb lix takl li Dios.

Génesis 19:16 ပူးပေါင်းရင်းမြစ်များ

2 Pedro 2:9

Jo'kan utan, chixjunil a'in a'an reetalil naq li Yos naxnaw xkolb'aleb' laj paab'anel chiru li aaleek; a'ut eb' li ink'a' neke'paab'ank, naxk'uulaheb' cho'q re xkutankil li raqb'a aatin naq te'rahob'tesiiq:

Tito 3:5

a'an kooxkol maawa' xb'aan ta xtiikilal li k'anjel uxb'il qab'aan, sa' xk'ab'a' b'an li xnimal ruxtaan, rik'in li kub'iha' li naxyoob'tesi ut narak'ob'resi li qayu'am, rik'in li Santil Musiq'ej

2 Corintios 1:3

Usilaatinanb'ilaq taxaq li Yos ut xYuwa' li Qaawa' Jesukriist, xb'aan naq a'an li Yuwa'b'ej aj uxtaan ut li Yos q'axal aj k'ojob'anel ch'oolej.

San Juan 6:44

Maa'ani naru nachalk wik'in, wi ink'a' k'amb'il chaq xb'aan li Yuwa'b'ej li kitaqlank chaq we; ut laa'in tinwaklesi chi yo'yo sa' roso'jikeb' li kutan.

San Lucas 18:13

“Ut laj titz'ol toj najt kixk'e chaq rib'; chi moko kiraj xtaqsinkil li rilob'aal sa' choxa, naxtenyan li re xch'ool: «At inYos, laa'in aj maak. Chawuxtaana taxaq wu!», chan.

Lamentaciones 3:22

ninnaw naq li xrahom li Qaawa' maak'a' roso'jik, ut li ruxtaan ink'a' nalajk.

Isaías 63:9

chiru chixjunil li rahilal. Maawa' junaq xtaql chi moko junaq ánjel li kikolok reheb', a' aj b'an wi' li Qaawa' kikolok. Xb'aan li xrahom ut li ruxtaan kixkoleb', kixwaklesiheb' ut kixk'ameb' chaq chi q'unq'u chalen chaq junxil.

Salmos 136:1

Chexyoxinq chiru li Qaawa' xb'aan naq chaab'il, ut li xnimal xrahom wank chi junelik!

Salmos 119:60

Chi anchal linch'ool ut chi ink'a' ninb'ay wib', nink'anjela li naxye laachaq'rab'.

Salmos 118:1

Chexyoxinq chiru li Qaawa' xb'aan naq chaab'il, li xnimal xrahom wank chi junelik!

Salmos 111:4

Kixb'aanu sachb'ach'oolej li tento xjultikankil. Li Qaawa' a'an aj uxtaan ut natoq'ob'ank u.

Salmos 107:1

Chexyoxinq chiru li Qaawa' xb'aan naq chaab'il, li xrahom wank chi junelik!

Salmos 106:8

Ab'an li Yos kixkoleb' sa' xk'ab'a' li xloq'al re xk'eeb'al chi nawe'k li xwankilal.

Salmos 106:1

Aleluya! Chexyoxinq chiru li Qaawa' xb'aan naq chaab'il, li xrahom wank chi junelik!

Salmos 103:13

Jo' junaq yuwa'b'ej naxraheb' li ralal xk'ajol, jo'kan ajwi' li Qaawa' naxtoq'ob'a ruheb' li neke'paab'ank re.

Salmos 86:15

Ab'an laa'at, at Qaawa', laa'at jun Yos aj uxtaan ut chaab'ilat, ink'a' nakatjosq'o'k sa' junpaat, numtajenaq b'an laarahom ut li xtiikilal laach'ool:

Salmos 86:5

Q'axal chaab'ilat, at Qaawa', ut aj kuyulat maak; makach'in xnimal laawuxtaan sa' xb'eeneb' li neke'tijok chawu.

Salmos 34:12

Ex walal ink'ajol, kimqex ut chineerab'ihaq: twaj xk'utb'al cheru roxloq'inkil li Qaawa'.

1 Crónicas 16:34

“Chexyoxinq chiru li Qaawa' xb'aan naq chaab'il, li xrahom wank chi junelik!

Deuteronomio 4:31

ink'a' texxkanab' eejunes chi moko texxsach chi junajwa, xb'aan naq li Qaawa' leeYos a'an jun Yos aj uxtaan, ut ink'a' taasachq sa' xch'ool li Sumwank kixk'ojob' rik'ineb' leena' leeyuwa'.

Números 14:18

Li Qaawa' jwal timil najosq'o'k ut q'axal nim xchaab'ilal li xch'ool. Naxkuy li maa'usilal ut li q'etq'etil, us ta ink'a' naxkanab'eb' yal chi jo'kan li wankeb' xmaak, naxk'e b'an chi xtojb'al rix xmaak li yuwa'b'ej sa' xb'eeneb' li alal k'ajolb'ej toj sa' li rox ut xka xteepal riyajil li tenamit.

Éxodo 34:6

Li Qaawa' kinume'k chiru, yo chi xyeeb'al: “Laa'in li Qaawa', li Qaawa', Yos aj uxtaan ut tuulan, li nab'ayk chi josq'o'k ut makach'in li xrahom ut li xtiikilal xch'ool!

Romanos 9:18

Jo'kan utan, li Yos naruxtaana ru li ani naraj ruxtaanankil ru, ut naxjipob'resi xch'ool li ani naraj xjipob'resinkil.

Josué 6:22

Laj Josué ak xyehom reheb' li wiib' chi winq li ke'k'ehok reetal li tenamit Jerikó: “Okanqex sa' rochoch laj yumb'eet ut isihomaq chaq li ixq a'an rochb'een chixjunileb' li xkomon, jo' eeyehom re sa' jurament”, chan.

2 Pedro 2:7

Ab'an kixkol laj Lot, li tiik ru xyu'am rahob'tesinb'il xch'ool xb'aan xmaa'usilaleb' laj maak,

Génesis 19:15

Naq kihik'e'k, eb' li ánjel ke'xseeb'a laj Lot: “Waklin, k'am laawixaqil ut chi xkab'ichaleb' laarab'in li wankeb' arin: mare anchal tatkamsiiq xmaak li tenamit a'in”, chankeb' re laj Lot.

Éxodo 34:7

Xaqxo linrahom chiru k'iila o'q'ob' chihab' ut ninkuy li maa'usilal, li q'etq'etil ut li maak; ab'an ink'a' ninkanab'eb' laj maak chi maak'a' ta xtojb'aleb' rix li xb'aanuhom, ut ninteneb' li xmaak li na'b'ej yuwa'b'ej sa' xb'eeneb' li ralal xk'ajol, sa' xb'eeneb' li ri xmam ut li xxikin i”.

Deuteronomio 5:15

Chijultiko'q aawe naq katwank chaq chi munil sa' li tenamit Ejiipt ut li Qaawa' laaYos katrisi chaq aran rik'in xkawilal li ruq' ut li xtel. Jo'kan naq li Qaawa' laaYos nakatxchaq'rab'i chi roxloq'inkil li kutan sábado.

Deuteronomio 6:21

Ut laa'at taaye re laawalal: «Laa'o koowank chaq rub'el xwankil laj Parahón aran Ejiipt, ut li Qaawa' koorisi chaq aran rik'in xkawilal li ruq'.

Deuteronomio 7:8

kixsik' b'an eeru xb'aan naq nekexra ut sa' xk'ab'a' li jurament kixxaqab' rik'ineb' leena' leeyuwa'. Jo'kan naq li Qaawa' kexrisi chaq rik'in xwankil li ruq' ut kexrach'ab' chaq sa' rochochil li munil, rub'el xwankil laj Parahón, awab'ej re Ejiipt.

Salmos 32:10

K'ajo' li rahilal wank sa' xb'een li ink'a' us xna'leb'; a'ut li kaw xch'ool rik'in li Qaawa' a' li xrahom li Yos nasutuk re.

Salmos 33:18

Ab'an li Qaawa' naxk'aak'aleheb' li neke'xiwank ru, eb' li wankeb' royb'enihom rik'in li xrahom,

Salmos 33:19

re naq te'kole'q chiru li kamk ut te'ch'oolaniiq sa' xkutankil li we'ej.

Génesis 43:10

K'oxla chi us: wi ink'a' ta xqab'ay qib', ak yooko raj chaq chi sutq'iik sa' li honal a'in”, chan.