Génesis 18:9 - Q'eqchi Bible

⁹ Eb' a'an ke'xye re: “B'ar wank lix Sara laawixaqil?”. “Wank aran sa' kab'l”, chan reheb'.

Li Santil hu

⁹ Nak queꞌrakeꞌ chi cuaꞌac li rulaꞌ, queꞌxpatzꞌ re laj Abraham, —¿Bar cuan lix Sara la̱ cuixakil?— Laj Abraham quixye reheb, —Cuan saꞌ cab, chan.

Génesis 18:9 ပူးပေါင်းရင်းမြစ်များ

Tito 2:5

Yaalaq ru li raatineb', saqaq ru li xyu'ameb', che'xch'oolani xsa' li rochocheb' ut chaab'ilaqeb'; che'paab'anq chiru li xb'eelomeb' re naq li Raatin li Yos ink'a' sachb'ilaq xwankil.

Génesis 24:67

ut laj Isahak kiroksi lix Rebeka sa' xmuheb'aal lix Sara; kixk'am lix Rebeka cho'q rixaqil ut q'axal kixra. Ut rik'in a'an kik'ojlaak xch'ool laj Isahak chirix xkamik li xna'alq.

Génesis 31:33

Ki'ok laj Labán sa' xmuheb'aal laj Jakob ut lix Liiy, sa' xmuheb'aaleb' ajwi' li wiib' chi ixq aj k'anjel chiruheb', ut maak'a' kixtaw. Ki'elk sa' xmuheb'aal lix Liiy ut ki'ok sa' xmuheb'aal lix Rakel.

Génesis 4:9

Toja' naq li Qaawa' kixye re laj Kaín: “B'ar wank laj Abel laawiitz'in?”. Kichaq'ok laj Kaín: “Ink'a' ninnaw. Ma laa'in tab'i' aj ilol re li wiitz'in?”, chan.

Hebreos 11:9

Sa' xk'ab'a' li xpaab'aal kiq'axonk sa' li ch'och' yeechi'inb'il chaq ut kib'eek jo' aj numel sa' ab'l aj ch'och'; kiwank sa'atqeb' li muheb'aal, jo' ajwi' ke'wank laj Isahak ut laj Jakob, a'aneb' te'reechani ajwi' li xyeechi'om li Yos.

Génesis 3:9

Ab'an li Qaawa' Yos kixb'oq li winq ut kixye re: “B'ar wankat?”.

Génesis 18:8

Chirix chik a'an kixsi xrekesón, xya'al xtu' wakax ut li k'uub'anb'il tib', ut koxk'e reheb': xaqxo chiruheb' rub'el li che' naq yookeb' chi wa'ak.

Génesis 18:10

Kixye li rula': “Tolin'elq wi' chik aawik'in sa' jun chihab' chik, ut aran lix Sara laawixaqil taawanq jun xk'uula'al”. B'alb'o lix Sara chire li kab'l, yo chi rab'inkil.