Génesis 18:25 - Q'eqchi Bible

²⁵ Ink'a' naru taab'aanu a'an; ink'a' naru xk'eeb'al chi kamk li tiik xch'ool rochb'een laj maak. Ma truuq tab'i' naq tixk'ul li jun li b'arwan xk'ulum li jun chik? Ink'a' naru taab'aanu. Laj raqol aatin sa' xb'een chixjunil li ruuchich'och' ma ink'a' tab'i' taaraqoq aatin sa' tiikilal?”, chan laj Abrahán.

Li Santil hu

²⁵ Incꞌaꞌ naru ta̱sacheb ru li ti̱queb xchꞌo̱l joꞌ ta̱ba̱nu riqꞌuineb li incꞌaꞌ ti̱queb xchꞌo̱l. Ninnau nak la̱at incꞌaꞌ ta̱ba̱nu aꞌan xban nak la̱at nacatrakoc a̱tin saꞌ xya̱lal saꞌ xbe̱neb chixjunileb li cuanqueb saꞌ ruchichꞌochꞌ, chan laj Abraham.

Génesis 18:25 ပူးပေါင်းရင်းမြစ်များ

Li xHu LAJ JOB 8:3

Li Nimajwal Yos junelik naxb'aanu chixjunil sa' tiikil ch'oolej.

Li xHu LAJ JOB 8:20

Li Yos ink'a' naxkanab' xjunes li tiik xch'ool, chi moko naxtenq'a li yib'ru xna'leb'.

Salmos 58:11

K'ajo' naq taasaho'q li tiik xch'ool chi rilb'al li eeqajunk, naq tixch'aj li roq sa' xkik'el li ink'a' us xna'leb'!

Deuteronomio 32:4

A'an li qaSaqoonak; tz'aqal re ru jo'nimal naxb'aanu; chixjunil li xk'uub'ahom a'an tiikilal. A'an jun Yos tiik xch'ool, li ink'a' nab'alaq'ik; a'an paab'ajel ut jwal chaab'il.

Salmos 94:2

Chak'ut chaq laawankil, laa'at aj raqol aatin sa' xb'een li ruuchich'och', ut chak'e chi xtojb'aleb' xmaak eb' li q'etq'et!

2 Corintios 5:10

Xb'aan naq chiqajunilo tento toxqak'ut qib' sa' xraqleb'aal aatin li Kriist re naq li junjunq tixk'ul xq'ajkamunkil, a' yaal chanru li xb'aanuhom, ma us malaj ink'a' us xb'aanu naq xwank sa' ruuchich'och'.

Malaquías 3:18

Toja' naq laa'ex teenaw wi' chik b'ar wank li tiik xch'ool ut li ink'a' us xna'leb', li nak'anjelak chiru li Yos ut li ink'a' napaab'ank chiru”.

Salmos 98:9

chiru li Qaawa' xb'aan naq chalk re: chalk re chi raqok aatin sa' xb'een li ruuchich'och'! Tixjolomi li choxach'och' sa' tiikilal ut tixb'eresi chixjunileb' li tenamit jo' chanru xchaab'ilal li xch'ool.

Jeremías 12:1

At Qaawa', naq ninwech'ok aawik'in, laa'at junelik tiik aach'ool; ab'anan nawaj xpatz'b'al aawe li na'leb' a'in: K'a'ut naq jwal us neke'elk li ink'a' useb' xch'ool ut sa wankeb' li neke'b'alaq'ink?

Eclesiastés 7:15

Yal numelin arin sa' ruuchich'och', ut xink'e reetal chixjunil a'in: wankeb' chaab'ileb' xch'ool li neke'kamk, us ta chaab'il li xna'leb'eb'; ut wankeb' li ink'a' useb' xch'ool najt neke'wank sa' ruuchich'och', us ta k'ajo' xmaa'usilaleb'.

Hebreos 12:23

a' li xch'utameb' li xb'een alalb'ej tz'iib'anb'ileb' xk'ab'a' sa' choxa, rik'in li Yos laj raqol aatin sa' xb'eeneb' chixjunil, jo'wi' rik'in li xmusiq'eb' li tiikeb' xch'ool li ak tz'aqob'resinb'ileb' chik ru.

Génesis 18:24

Mare anchal wanqeb' sa' li tenamit lajeeb'aq roxk'aal tiikeb' xch'ool. Ma taasacheb'? Ma ink'a' taakuyeb' xmaak li tenamit a'an sa' xk'ab'a' li lajeeb' roxk'aal tiikeb' xch'ool li wanqeb' aran?

Deuteronomio 1:16

Jo'kan ajwi' kinye li aatin a'in reheb' laj raqol aatin: «Teerab'i li k'aru neke'xk'ul leeras eeriitz'in ut texraqoq aatin sa' tiikilal sa' xyanq junaq winq ut li ras riitz'in malaj junaq jalan xtenamit.

Deuteronomio 1:17

Sa' li raqok aatin, maajun teeti ruheb', juntaq'eet b'an teerab'iheb': li maak'a'eb' xwankil ut li wankeb' xwankil, chi maak'a'aq eexiw, xb'aan naq li raqok aatin a'an re li Yos. Ut wi teetaw junaq nimla ch'a'ajkilal, chenumsi we ut laa'in tink'uub'anq re», chankin.

Jueces 11:27

Laa'in ink'a' xinmaakob'k chawu. Ab'anan laa'at ink'a' us yookat naq xatchalk chi yalok wik'in. Li Qaawa', laj Raqol aatin, chiraqoq aatin sa' xyanqeb' laj Israel ut eb' laj Amón”, chan laj Jefté.

2 Crónicas 19:7

Jo'kan utan, chexiwaaq ru li Qaawa' ut chek'ehaq reetal li k'aru teeb'aanu, xb'aan naq li Qaawa' li qaYos a'an tiik xch'ool, ink'a' naxti ruheb' li poyanam, chi moko naraj naq taatuminaaq eeru”.

Nehemías 9:33

Laa'at tiik laach'ool ut paab'ajelat sa' chixjunil li kichalk sa' qab'een, a'ut laa'o koomaakob'k.

Li xHu LAJ JOB 34:10

Ab'ihomaqin laa'ex li chaab'il eech'ool. Meek'oxla naq li Nimajwal Yos naxb'aanu li maa'usilal ut li ink'a' us.

Eclesiastés 3:17

Jo'kan naq xinye sa' inch'ool: “Li Yos taaraqoq aatin sa' xb'een li tiik xch'ool ut laj maak, xb'aan naq wank xq'ehil chixjunil li nak'ulmank ut li nab'aanumank”.

Jeremías 11:20

A'ut laa'at, at Qaawa', at Nimajwal Yos, q'axal tiik laach'ool chi raqok aatin; nakatz'il rix li xch'ool ut li xk'a'uxl li winq. K'ut chiwu li rahilal taataqla chaq sa' xb'eeneb' a'an, xb'aan naq sa' laawuq' xinq'axtesi linyu'am.

Ezequiel 18:25

Ut wi laa'ex teeye: «Moko us ta naxb'aanu li Qaawa'», ab'ihomaq, ex aj Israel: Ma ink'a' us li ninb'aanu? Ma ink'a' tab'i' laa'ex li ink'a' us yookex xb'aanunkil?

Números 16:22

A'ut eb' a'an ke'xhupub' rib' chiru ch'och' ut ke'tijok chi kama'in: “At Qaawa' Yos, laa'at nakatk'ehok xyu'am li junjunq. Jun ajwi' li xmaakob'k: k'a'ut naq laa'at nakatjosq'o'k rik'in chixjunil li komonil?”, chankeb'.

1 Crónicas 16:33

Che'xajoq xb'aan xsahilaleb' xch'ool chixjunileb' li che' sa' k'iche'b'aal, chiru li Qaawa' xb'aan naq chalk re: chalk re chi raqok aatin sa' xb'een li ruuchich'och'!

Li xHu LAJ JOB 34:12

Ch'olch'o naq li Yos ink'a' naxb'aanu li maa'usilal ut li Nimajwal ink'a' naxjal ru li raatin.

Salmos 7:12

Li Yos naraqok aatin sa' tiikilal, ab'an junelik naxk'e sa' tojb'amaak eb' li yib'ru xna'leb'.

Salmos 50:6

Ut li choxa naxye naq li Yos a'an laj raqol aatin, ut a'an junelik tiik xch'ool.

Salmos 75:3

Xyehom li Qaawa': “Sa' li honal xaqxo inb'aan a' ajwi' laa'in tinraqoq aatin sa' tiikilal.