Génesis 18:23 - Q'eqchi Bible

²³ Kinach'ok laj Abrahán rik'in ut kixye re: “Ma taasach laa'at li tiikeb' xch'ool rochb'eeneb' laj maak?

Li Santil hu

²³ Laj Abraham quinachꞌoc riqꞌuin li Ka̱cuaꞌ Dios ut quixye re: —¿Ma ta̱sach ruheb li ti̱queb xchꞌo̱l saꞌ xya̱nkeb li incꞌaꞌ ti̱queb xchꞌo̱l?

Génesis 18:23 ပူးပေါင်းရင်းမြစ်များ

Números 16:22

A'ut eb' a'an ke'xhupub' rib' chiru ch'och' ut ke'tijok chi kama'in: “At Qaawa' Yos, laa'at nakatk'ehok xyu'am li junjunq. Jun ajwi' li xmaakob'k: k'a'ut naq laa'at nakatjosq'o'k rik'in chixjunil li komonil?”, chankeb'.

2 Samuel 24:17

Naq laj David kiril li ánjel yo chi xrahob'tesinkil li tenamit, kixye re li Qaawa': “Laa'in li xinmaakob'k, laa'in xinb'aanu li ink'a' us! A'ut li tenamit a'in, eb' li karneer a'in, maak'a'eb' xmaak. Nintz'aama chawu, at Qaawa', naq taataqla chaq li rahilal sa' inb'een ut sa' xb'een linjunkab'al”.

Génesis 20:4

Laj Abimélek toj maji' nawank rik'in li ixq, ut kixye: “Qaawa', ma taakamsi ajwi' eb' li tiikeb' xch'ool?

Hebreos 10:22

Jiloqo b'i' chi xk'atq chi anchal qach'ool, chi anchal qapaab'aal, ch'ajob'resinb'ilaq li qach'ool chiru li ink'a' us ut ch'ajb'ilaqo rik'in saq ru ha'.

Li xHu LAJ JOB 34:17

Wi ta li Yos xik' naril li tiikilal, maamin taaruhanq chi xjolominkil li ruuchich'och'. K'a'ut naq nakatraqok aatin sa' xb'een li q'axal tiik xch'ool?

Génesis 18:25

Ink'a' naru taab'aanu a'an; ink'a' naru xk'eeb'al chi kamk li tiik xch'ool rochb'een laj maak. Ma truuq tab'i' naq tixk'ul li jun li b'arwan xk'ulum li jun chik? Ink'a' naru taab'aanu. Laj raqol aatin sa' xb'een chixjunil li ruuchich'och' ma ink'a' tab'i' taaraqoq aatin sa' tiikilal?”, chan laj Abrahán.

Jeremías 30:21

Sa' xyanqeb' a'an taawakliiq li taajolominq reheb'; rik'ineb' a'an taa'elq li taa'awab'ejinq reheb'. Tinb'oq chink'atq ut a'an taachalq wik'in, xb'aan naq ani tixkawu xch'ool chi jilok chink'atq? Laa'exaq lintenamit ut laa'inaq leeYos”, chan li Qaawa'.

Salmos 73:28

A'ut li wank chi xk'atq li Yos a'an li us cho'q we: laa'in xinq'axtesi wib' rub'el roq rub'el ruq' li Qaawa', ut nawaj xpuktesinkil resil chixjunil li xb'aanuhom.

Li xHu LAJ JOB 8:3

Li Nimajwal Yos junelik naxb'aanu chixjunil sa' tiikil ch'oolej.

Santiago 5:17

Laj Elías a'an chaq qech winqilal; kitijok chi yo'oon re naq ink'a' tixk'e li hab', ut ink'a' kixk'e li hab' sa' xb'een li ruuchich'och' chiru oxib' chihab' rik'in waqib' po.

Santiago 5:16

Chech'olob'aq b'i' leemaak cherib'il eerib' ut chextijoq cherix cherib'il eerib' re naq texk'iraaq. Li xtij li tiik xch'ool q'axal na'ab'iik, wi na'uxmank chi anchalil ch'oolej.

Génesis 18:24

Mare anchal wanqeb' sa' li tenamit lajeeb'aq roxk'aal tiikeb' xch'ool. Ma taasacheb'? Ma ink'a' taakuyeb' xmaak li tenamit a'an sa' xk'ab'a' li lajeeb' roxk'aal tiikeb' xch'ool li wanqeb' aran?

Éxodo 23:7

“Maaye li tik'ti' sa' raqleb'aal aatin; maak'e chi kamsiik li ani maak'a' xmaak ut tiik xch'ool, chi moko taaye naq maak'a' xmaak li ink'a' us xch'ool.