Génesis 17:12 - Q'eqchi Bible

¹² Waqxaqib'aq kutan xyo'lajik, chixjunil li teelom sa' eeyanq tixk'ul li sirkunsisyon. Jo'ka'in taa'uxmanq chi junelik reheb' li yo'lajenaqeb' sa' laawochoch, jo'wi' reheb' li loq'b'ileb' rik'ineb' laj ab'l tenamit li maawa'eb' aawechkik'elil.

Li Santil hu

¹² Li junju̱nk chi cꞌulaꞌal te̱lom tixcꞌul li circuncisión nak cua̱nk cuakxakib cutan xyoꞌlajic. Aꞌin lin chakꞌrab li ta̱ticla̱k anakcuan ut ta̱uxma̱nk chalen. Joꞌcan ta̱uxma̱nk reheb chixjunileb li cocꞌ te̱lom saꞌ xya̱nkeb la̱ cualal a̱cꞌajol joꞌ eb ajcuiꞌ la̱ lokꞌbil mo̱s usta jalan xtenamiteb.

Génesis 17:12 ပူးပေါင်းရင်းမြစ်များ

Levítico 12:3

Waqxaqib' kutan chik xyo'lajik, naq li k'uula'al tixk'ul li sirkunsisyon.

San Lucas 2:21

Naq kitz'aqlok waqxaqib' kutan li k'uula'al, kixk'ul li sirkunsisyon ut Jesus ke'xk'e cho'q xk'ab'a', a' ajwi' li kixye li ánjel naq toj maji' nasiyaak chaq rik'in li xna'.

Filipenses 3:5

Kink'ul li sirkunsisyon sa' xwaqxaq li kutan; laa'in aj Israel sa' xtepaal laj Benjamín, laa'in aj Hebreo kama'eb' ajwi' linna' linyuwa'; rik'in xpaab'ankil li Chaq'rab', laa'in aj Pariseey.

San Lucas 1:59

Sa' xwaqxaq li kutan ke'wulak chi xb'aanunkil li sirkunsisyon re li k'uula'al, ut ke'raj raj xk'eeb'al Sakarías cho'q xk'ab'a', reeqaj li xyuwa'.

Romanos 2:28

Li wank cho'q aj judiiy maawa' ka'ajwi' re xk'utb'al rib'; jo'kan ajwi' li tz'aqal sirkunsisyon maawa' li nak'utunk sa' li tz'ejwalej.

Hechos 7:8

Kixk'ojob' li Sumwank rik'in ut kixk'e li sirkunsisyon cho'q reetalil. Jo'kan naq, sa' xyo'lajik Isahak, laj Abrahán kixset xtz'uumal li xtz'ejwal sa' li xwaqxaq kutan; ut jo'kan ajwi' kixb'aanu laj Isahak re laj Jakob, ut laj Jakob reheb' li kab'laju chi qaxe' qatoon.

Génesis 21:4

Waqxaqib' kutan chik xyo'lajik li k'uula'al, laj Abrahán kixset xtz'uumal li xtz'ejwal laj Isahak, jo' chanru chaq'rab'inb'il wi' xb'aan li Yos.

Génesis 17:23

Toja' naq laj Abrahán kixb'oq chaq laj Ismael li ralal, jo' ajwi' chixjunileb' li yo'lajenaqeb' sa' rochoch ut li loq'b'ileb' rik'in li xtumin (chixjunileb' li teelom li wankeb' sa' rochoch laj Abrahán), ut sa' ajwi' li kutan a'an kixset xtz'uumal xtz'ejwaleb', jo' kiyehe'k re xb'aan li Yos.

Éxodo 12:44

Ab'anan chixjunileb' li loq'b'ileb' aj mun li xk'ulumeb' li sirkunsisyon taaruuq te'xtzeka.

Éxodo 22:30

Jo'ka'in ajwi' naq taab'aanu rik'in li xb'een ral laawakax ut laakarneer. Wuqub' kutan te'wanq rik'ineb' li xna', ut sa' li xwaqxaq li kutan chaq'axtesi we.