Génesis 17:10 - Q'eqchi Bible

¹⁰ A'an a'in linSumwank li tento taapaab' laa'at ut eb' laawalal aak'ajol li te'wanq moqon: li junjunq chi teelom sa' eeyanq tento tixk'ul li sirkunsisyon.

Li Santil hu

¹⁰ La̱at ta̱ba̱nu li cꞌaꞌru tinye a̱cue. Joꞌcan ajcuiꞌ teꞌxba̱nu chixjunileb la̱ cualal a̱cꞌajol. Ut aꞌan aꞌin li tinye e̱re. Li junju̱nk chi cui̱nk saꞌ e̱ya̱nk, tento nak teꞌxcꞌul li circuncisión.

Génesis 17:10 ပူးပေါင်းရင်းမြစ်များ

Hechos 7:8

Kixk'ojob' li Sumwank rik'in ut kixk'e li sirkunsisyon cho'q reetalil. Jo'kan naq, sa' xyo'lajik Isahak, laj Abrahán kixset xtz'uumal li xtz'ejwal sa' li xwaqxaq kutan; ut jo'kan ajwi' kixb'aanu laj Isahak re laj Jakob, ut laj Jakob reheb' li kab'laju chi qaxe' qatoon.

Filipenses 3:3

Eb' li tz'aqal xk'ulumeb' li sirkunsisyon a'ano laa'o, li naqaloq'oni ru li Yos jo' naraj li xMusiq', naqanima qib' sa' xk'ab'a' li Kristo Jesus ut ink'a' k'ojk'o li qach'ool ka'ajwi' rik'in li naqab'aanu qajunes.

Romanos 3:30

Xb'aan naq li Yos jun ajwi' chirib'il: a'an taatiikob'resinq re xch'ooleb' li xk'ulumeb' li sirkunsisyon, sa' xk'ab'a' li paab'aal; ut tixtiikob'resi xch'ooleb' li ink'a' xk'ulumeb' li sirkunsisyon, sa' xk'ab'a' ajwi' li paab'aal.

Josué 5:2

Toja' naq li Qaawa' kixye re laj Josué: “Taayiib' wiib' oxib'aq aach'iich' rik'in q'esnal pek ut taab'aanu wi' chik li sirkunsisyon reheb' laj Israel”, chan.

Génesis 17:11

Teeset b'ayaq xtz'uumal leetz'ejwal, ut a'anaq reetalil li Sumwank xqaxaqab' chiqib'il qib'.

Efesios 2:11

Jo'kan utan, chijultiko'q eere chanru naq xexwank chaq junxil. Laa'ex maawa'ex aj Judiiy. “Ink'a' xk'ulumeb' li sirkunsisyon”, chu'uxkex xb'aaneb' li neke'xk'ab'a'in “aj sirkunsisyon”, yal sa' xk'ab'a' li eetalil uxb'il chaq sa' li xtz'ejwaleb'.

Gálatas 6:12

Eb' li neke'minok eeru chi xk'ulb'al li sirkunsisyon, a'aneb' li neke'raj naq sa ilb'ilaqeb' xb'aaneb' li tenamit, yal re naq ink'a' te'rahob'tesiiq sa' xk'ab'a' li xkrus li Kriist.

Deuteronomio 30:6

Li Qaawa' laaYos tixk'e reetalil li Sumwank sa' laach'ool ut sa' xch'ooleb' laawalal aak'ajol, re naq taara li Qaawa' laaYos chi anchal aach'ool ut chi anchal aawaanm ut wanq aayu'am chi junelik.

Gálatas 3:28

Maak'a' chik aj judiiy chi moko aj griego; maak'a' chik aj loq'b'il k'anjel chi moko aj ach'ab'anb'il k'anjel; maak'a' chik winq chi moko ixq, xb'aan naq chejunilex laa'ex junex aj chik rik'in li Kristo Jesus.

Romanos 3:28

Xb'aan naq ch'olch'o chiqu naq li winq natiikob'resiik xch'ool xb'aan li paab'aal, chi maak'a' xb'aanuhom li xChaq'rab' laj Moisés.

Romanos 3:25

A'in kixaqab'aak xb'aan li Yos cho'q aj k'ehol uxtaan sa' xk'ab'a' li xkik'el, cho'q reheb' li wankeb' xpaab'aal. Chi jo'kan li Yos naxk'ut li xtiikilal xch'ool. Sa'eb' li kutan ke'numje'k, sa' xq'ehil li xnimal xkuyum, li Yos ink'a' kixk'e sa' ajl li xmaakeb' li tenamit,

Romanos 2:28

Li wank cho'q aj judiiy maawa' ka'ajwi' re xk'utb'al rib'; jo'kan ajwi' li tz'aqal sirkunsisyon maawa' li nak'utunk sa' li tz'ejwalej.

San Juan 7:22

Laj Moisés kixk'e eere li sirkunsisyon (moko xchalk ta a'in rik'in laj Moisés, rik'ineb' b'an leexe'toonil yuwa') ut laa'ex sa' sábado nekeb'aanu li sirkunsisyon.

Jeremías 4:4

Ex poyanam aj Judá ut aj Jerusalén, q'axtesihomaq eerib' re li Qaawa' Yos, ut k'ehomaq sa' leech'ool li reetalil linSumwank. Mare anchal taachalq injosq'il jo' li xam ut taa'ok chi sachok, chi maajun chik taaramoq re, xb'aan li k'iila maa'usilal nekeb'aanu.

Josué 5:4

Kixb'aanu chi jo'ka'in xb'aan naq chixjunileb' li winq li ke'elk chaq Ejiipt, a'eb' li kaweb' rib' chi yalok, maak'a'eb' chik: ke'kamk chaq sa' li chaqich'och' chiru li xb'eenikeb' chirix li relikeb' chaq Ejiipt.

Deuteronomio 10:16

“K'ehomaq sa' leech'ool li reetalil li Sumwank ut meekawub'resi chik leejolom.

Éxodo 12:48

Wi junaq jalan xtenamit nahilank sa' laawochoch ut taaraj xninq'ehinkil li xPaswa li Qaawa', tento xb'enwa naq te'xk'ul li sirkunsisyon chixjunileb' li xteelom; toja' naq taaruuq taanach'oq chaq chi xninq'ehinkil, xb'aan naq a'an eekomonaq chik. Ab'anan maajun li ink'a' setb'il li xtz'uumal xtz'ejwal taaruuq xtzekankil li Paswa.

Éxodo 4:25

Toja' naq lix Seforá kixchap jun q'esnal pek, kixset xtz'uumal xtz'ejwal li ralal ut rik'in a'an kixch'e' li roq laj Moisés, yo chi xyeeb'al: “Laa'at inb'eelomat re kik'”, chan.

Génesis 34:15

Laa'o naru tqak'e eere, wi teeb'aanu li naqab'aanu laa'o, naraj naxye wi taasetmanq xtz'uumal xtz'ejwal chixjunileb' li teelom sa' eeyanq.

Génesis 17:23

Toja' naq laj Abrahán kixb'oq chaq laj Ismael li ralal, jo' ajwi' chixjunileb' li yo'lajenaqeb' sa' rochoch ut li loq'b'ileb' rik'in li xtumin (chixjunileb' li teelom li wankeb' sa' rochoch laj Abrahán), ut sa' ajwi' li kutan a'an kixset xtz'uumal xtz'ejwaleb', jo' kiyehe'k re xb'aan li Yos.

Génesis 17:27

Ut chixjunileb' li teelom li wankeb' sa' rochoch, li yo'lajenaqeb' aran ut li loq'b'ileb' rik'in xtumin sa' jalaneb' tenamit, ke'setje'k xtz'uumal xtz'ejwaleb' rochb'een a'an.

Génesis 21:4

Waqxaqib' kutan chik xyo'lajik li k'uula'al, laj Abrahán kixset xtz'uumal li xtz'ejwal laj Isahak, jo' chanru chaq'rab'inb'il wi' xb'aan li Yos.

Génesis 34:22

Ab'anan eb' li winq a'in te'kanaaq sa' qayanq jo' junaq aj chik chi tenamit, ka'ajwi' wi tqab'aanu jo'eb' a'an: wi tqaset xtz'uumal li qatz'ejwal chiqajunilo li teelom.