Génesis 16:4 - Q'eqchi Bible

⁴ Laj Abrán kiwank rik'in lix Agar, ut a'an kikanaak sa' yu'am. Ab'anan, naq kixk'e reetal naq wank sa' yu'am, ki'ok chi xtz'eqtaanankil lix Saray.

Li Santil hu

⁴ Tojoꞌnak laj Abram quicuan riqꞌuin, ut lix Agar quicana chi yaj aj ixk. Nak quixnau nak ta̱cua̱nk junak lix cꞌulaꞌal, lix Agar incꞌaꞌ chic quixqꞌue saꞌ xnakꞌ ru lix Sarai. Ut lix Agar xicꞌ chic naril aꞌan.

Génesis 16:4 ပူးပေါင်းရင်းမြစ်များ

Proverbios 30:23

li kanab'anb'il ixq nasumlaak wi' chik, ut li moos ixq nakanaak cho'q reeqaj laj eechal re.

1 Corintios 4:6

Ex was wiitz'in, chixjunil li xinye, chirix laj Apolo ut chiwix re eetenq'ankil naq xinye, re naq teetzol eerib' qik'in chirix xyaalal li aatin a'in: “Meeq'ax ru li ak tz'iib'anb'il”. Maa'ani chixnimob'resi rib' chirix junaq ut tixtz'eqtaana li jun chik,

2 Samuel 6:16

Naq li xLoq'laj Kaax li Qaawa' ki'ok sa' xTenamit laj David, lix Mikal, xrab'in laj Saúl, yo chi ilok sa' b'entaan, ut naq kiril li awab'ej yo chi pisk'ok ut xajok chiru li Qaawa', kixtz'eqtaana sa' li xch'ool.

Génesis 16:3

Jo'kan naq, lajeeb'aq chihab' rokik laj Abrán sa' xteepal Kanahán, lix Saray, rixaqil laj Abrán, kixb'oq lix Agar laj Ejiipt, ut kixq'axtesi re laj Abrán li xb'eelom, cho'q rixaqil.

Génesis 16:5

Toja' naq lix Saray kixye re laj Abrán: “Aamaak laa'at naq yookin chi xk'ulb'al li rahilal a'in. Laa'in xinq'axtesi aawe lix Agar; ab'an, naq a'an xk'e reetal naq wank chik sa' yu'am, maak'a' chik nin'ok wi' re. Li Qaawa' chiraqoq aatin sa' qab'een chi qakab'ichal”.

Génesis 19:31

Sa' jun kutan kixye li chaq'na'b'ej re li riitz'in: “Li qayuwa' ak xtixk ut maajun winq wank sa' li na'ajej a'in li taak'amoq qe, jo' na'uxmank yalaq b'ar.

Génesis 21:9

Kiril lix Sara naq li ralal laj Abrahán li kiyo'laak rik'in lix Agar aj Ejiipt, yo chi b'atz'unk rik'in li xyum;

Génesis 30:4

Ut kixk'e lix Bilhá, laj k'anjel chiru, cho'q rixaqil, ut laj Jakob kiwank rik'in.