Génesis 15:9 - Q'eqchi Bible

⁹ Kixye li Qaawa': “K'am chaq jun li ixqiwakax aj oxib' chihab', jun li ixqichib'aat aj oxib' chihab', jun karneer aj oxib' chihab', jun mukuy ut jun ch'ina uut”.

Li Santil hu

⁹ Ut li Dios quixye re laj Abram: —La̱in tinba̱nu jun li contrato a̱cuiqꞌuin. Ta̱cꞌameb chak li xul li tinye a̱cue. Ta̱cꞌam chak jun li chꞌina ba̱c oxib chihab cuan re, ut jun li ixki chiba̱t oxib chihab cuan re, ut jun li te̱lom carner oxib chihab cuan re. Ut ta̱cꞌam ajcuiꞌ chak junak li chꞌina mucuy joꞌ ajcuiꞌ junak chꞌina paloma, chan li Dios.

Génesis 15:9 ပူးပေါင်းရင်းမြစ်များ

San Lucas 2:24

Naxye ajwi' li xChaq'rab' li Qaawa' naq “mayejanb'ilaq wiib' mukuy malaj wiib'aq k'ook'ob'”.

Levítico 14:30

Toja' naq laj tij tixyeechi'i junaq mukuy malaj junaq k'ook'ob', a' yaal naxye li xyeechi'om li taach'ajob'resiiq:

Levítico 14:22

wiib'aq mukuy malaj wiib'aq k'ook'ob' (a' yaal naxye ma wank chiru ut malaj ink'a'): jun taamayejamanq chirix li maak ut li jun chik a'anaq k'atb'il mayej.

Levítico 9:2

Ut kixye re laj Aharón: “Chap junaq saaj wakax cho'q mayej chirix li maak, ut junaq karneer li maak'a'aq reek', re naq taayeechi'imanq cho'q k'atb'il mayej, ut q'axtesiheb' chiru li Qaawa'.

Levítico 3:6

“Wi ani tixyeechi'i re li Qaawa' junaq xkarneer, jo' mayej re k'amok ib' sa' usilal rik'in li Yos, tento tixyeechi'i junaq teelom malaj ixqi karneer li maak'a'aq reek'.

Levítico 3:1

“Wi ani tixchap chaq sa' xyanqeb' li xketomq junaq ixqi wakax malaj ut teelom wakax re xyeechi'inkil chiru li Qaawa' jun li mayej re k'amok ib' sa' usilal rik'in li Yos, li xul taayeechi'imanq tento naq maak'a'aq reek'.

Levítico 1:14

“Wi li xul tixyeechi'i cho'q xk'atb'il mayej chiru li Qaawa', a'an jun li xul narupupik, tento naq a'anaq jun mukuy malaj jun k'ook'ob'.

Isaías 15:5

Naraho'k linch'ool chirix Mohab; eb' li wankeb' aran xkoheb' eelel toj Sohar, Eklat-Selisiyá. Naq yookeb' chi taqsink Luhit, k'ajo'eb' li xyaab', neke'ruk' wi' li xya'al ruheb' naq yookeb' chi xik Joronáhin.

Salmos 50:5

“Ch'utub'aqeb' chiwu li neke'paab'ank we, a'eb' li xe'xk'ul xch'ooleb' linloq'laj sumwank rik'in mayej”, chan.

Levítico 12:8

Ut wi li na'b'ej ink'a' taaruuq chi xk'eeb'al junaq karneer, naru tixk'e wiib'aq mukuy malaj wiib'aq k'ook'ob': jun taayeechi'imanq cho'q k'atb'il mayej ut li jun chik cho'q mayej chirix li maak. Toja' naq laj tij tixtoj rix li xmaak li ixq a'an, ut a'in ch'ajob'resinb'il chik taakanaaq.

Levítico 9:4

Te'xchap ajwi' junaq teelom wakax ut junaq karneer re xkamsinkil chiru li Qaawa' cho'q mayej re k'amok ib' sa' usilal. Xk'amaqeb' ajwi' chaq mayej k'aj puq'b'ilaq rik'in aseeyt, xb'aan naq li Qaawa' tixk'ut rib' chiruheb' sa' li kutan a'in”.

Levítico 1:10

“Wi li xul li tixyeechi'i cho'q xk'atb'il mayej, a'an isinb'il chaq sa' xyanqeb' li xkarneer malaj ut xchib'aat, tento naq teelomaq chi maak'a' reek'.

Levítico 1:3

“Wi li xul li tixyeechi'i cho'q xk'atb'il mayej, a'an isinb'il chaq sa' xyanqeb' li xwakax, tento naq a'anaq jun teelom wakax li maak'a' reek'. Ut tento tixyeechi'i sa' rokeb'aal li Loq'laj Muheb'aal, re naq k'ulb'ilaq xb'aan li Qaawa',

Génesis 22:13

Toja' naq laj Abrahán kixtaqsi li rilob'aal ut kiril jun karneer t'ilt'o chaq li xxukub' sa' li k'ix. Koho, kixchap chaq li karneer ut kixkamsi cho'q xmayej, reeqaj li ralal.

Génesis 15:8

Kichaq'ok laj Abrán: “At inQaawa', k'aru tinnaw wi' naq tweechani a'an?”, chan.

Génesis 15:10

Laj Abrán kixk'ameb' chaq li xul a'in, kixjacheb' sa' xyi ut kixk'e li junq jachal chiru li junq jachal chik; a'ut eb' li xik'anel xul ink'a' kixjacheb'.

Levítico 12:6

“Naq akaq xe'nume'k chixjunileb' li kutan re xch'ajob'resinkil rib' chirix xyo'lajik li k'uula'al, us ta teelom malaj ch'ina ixqa'al, li na'b'ej tento tixk'am sa' rokeb'aal li Loq'laj Muheb'aal jun karneer aj jun chihab', re taayeechi'imanq cho'q k'atb'il mayej, ut jun mukuy malaj jun k'ook'ob' cho'q mayej chirix li maak. Tixq'axtesiheb' re laj tij,

Cantares 2:12

“Ak wankeb' li uutz'u'uj sa'eb' li tzuultaq'a, xwulak xq'ehil li b'ichank ut li xyaab' li mukuy na'ab'imank sa' li qana'aj.