Génesis 15:7 - Q'eqchi Bible

⁷ Ut li Yos kixye re: “Laa'in li Qaawa' li kin'isink chaq aawe sa' li tenamit Ur, sa' xteepal Kaldeha, re xk'eeb'al li ch'och' a'in cho'q aana'aj”.

Li Santil hu

⁷ Li Dios quixye re laj Abram; —La̱in li Ka̱cuaꞌ Dios. La̱in xin-isin chak a̱cue saꞌ li tenamit Ur ut xatincꞌam chak saꞌ li tenamit aꞌin. Ut li chꞌochꞌ aꞌin, la̱at tat-e̱chani̱nk re, chan.

Génesis 15:7 ပူးပေါင်းရင်းမြစ်များ

Génesis 12:1

Li Qaawa' kixye re laj Abrán: “Elen sa' laana'aj, sa' xyanqeb' laakomon, sa' rochoch laayuwa', ut ayu sa' li na'ajej tink'ut chawu.

Romanos 4:13

Naq li Yos kixyeechi'i chaq re laj Abrahán jo'wi' reheb' li ralal xk'ajol naq te'reechani li ruuchich'och', relik chi yaal naq moko sa' xk'ab'a' ta li Chaq'rab' naq ki'uxk li yeechi'om a'in, sa' xk'ab'a' b'an li tiikil ch'oolej kixk'ul rik'in naq kixpaab'.

Salmos 105:44

Ut kixk'e reheb' li xch'och'eb' li poyanam: ke'reechani li ru xk'anjeleb' li jalaneb' xtenamit,

Salmos 105:42

Li Yos junelik wank sa' xch'ool li xloq'laj aatin li kixye re laj Abrahán, laj k'anjel chiru.

Salmos 105:11

naq kixye: “Tink'e aawe li tenamit Kanahán, ut tinsi aawe cho'q aaweechanihom”, chan.

Génesis 12:7

Aran li Qaawa' kixk'ut rib' chiru laj Abrán ut kixye re: “A'eb' laawalal aak'ajol tink'eheb' wi' li ch'och' a'in”. Toja' naq laj Abrán kixyiib' jun li artal re li Qaawa', xb'aan naq aran kixk'ut rib' chiru.

Génesis 28:4

A'an chixk'e taxaq aawe li rosob'tesinkil laj Abrahán ut chixk'e ajwi' reheb' laawalal aak'ajol, re naq taaweechani li ch'och' b'arwi' wankat jo' aj numel, a' li kik'ehe'k re laj Abrahán xb'aan li Yos”.

Génesis 50:24

Sa' jun kutan laj José kixye reheb' li ras: “Kamk we, ab'anan ch'olch'o naq li Yos tulextenq'a ut texrisi sa' li tenamit a'in, re texxik sa' li ch'och' kixyeechi'i rik'in jurament re laj Abrahán, laj Isahak ut laj Jakob”.

Deuteronomio 9:5

Moko xb'aan ta naq aak'ulub', chi moko xb'aan xtiikilal laach'ool toxaaweechani li xch'och'eb'. Li Qaawa' taa'isinq reheb' chawu, xb'aan naq moko us ta li xb'aanuhomeb' li tenamit a'an. Chi jo'kan tixpaab' li aatin xyehom reheb' laaxe'toonil yuwa', a' laj Abrahán, laj Isahak ut laj Jakob.

Éxodo 32:13

Jultikaq aawe laj Abrahán, laj Isahak ut laj Israel, aj k'anjeleb' chawu, li kayeheb' wi' li jurament a'in: «Tink'e chi k'ihank leeralal eek'ajol jo' xk'ihaleb' li chahim sa' choxa. Chixjunil li ch'och' a'in li xinyeechi'i eere, tink'e reheb' leeralal eek'ajol, ut eb' a'an te'eechaninq re chi junajwa»”.

Números 33:53

Teereechani li ch'och' ut aran texwanq, xb'aan naq laa'in xink'e chereechani chixjunil li na'ajej a'an.

Deuteronomio 3:18

“Toja' naq laa'in kinye eere: «Li Qaawa' leeYos xk'ehok chereechani li ch'och' a'in. Chejunilex laa'ex li kawil winqex texnume'q chiruheb' leeras eeriitz'in aj Israel chi wanq eech'iich'.