Génesis 15:2 - Q'eqchi Bible

² Kichaq'ok laj Abrán ut kixye: “At inQaawa', k'a' aj e li taasi we, wi tinkamq chi maajun walal ink'ajol, ut laj Elieser aj Damaask taareechani li k'a'aq ru we?”.

Li Santil hu

² Laj Abram quixye re: —At Ka̱cuaꞌ Dios, ¿cꞌaꞌru aj e nak nabal lin ra̱bal ta̱qꞌue? La̱at nacanau nak ma̱ jun cualal incꞌajol cuan. Ut li ani ta̱e̱chani̱nk re li cꞌaꞌru cuan cue, aꞌan li xbe̱n inmo̱s laj Eliezer li chalenak chak saꞌ li tenamit Damasco, chan.

Génesis 15:2 ပူးပေါင်းရင်းမြစ်များ

Hechos 7:5

ab'an maak'a' kixk'e chireechani arin, chi moko jun k'utub'aq li ch'och', kixyeechi'i b'an xk'eeb'al li ch'och' a'an toj moqon chik cho'q xna'aj, ut chirix chik a'an cho'q xna'ajeb' li ralal xk'ajol, us ta toj maak'a'eb' xkok'al.

Génesis 25:21

Laj Isahak kitijok chiru li Qaawa' chirix li rixaqil xb'aan naq xma'al ixq; li Qaawa' kirab'i li xtij, ut lix Rebeka li rixaqil kikanaak sa' yu'am.

Isaías 56:5

laa'in wank k'aru jwal loq' tink'e reheb' jo' ruuchil li ralal xk'ajoleb': sa' li wochoch, chiruheb' lintz'ak, tink'e naq tz'iib'anb'ilaq li xk'ab'a'eb'; patz'b'ilaqeb' chi junelik ut maajoq'e chik te'sache'q xloq'al.

Proverbios 17:2

Laj k'anjel seeb' xk'a'uxl taakanaaq cho'q aj eechal re li alab'ej maak'a' xna'leb', ut taatz'aqonq chi eechanink sa' xyanqeb' li wankeb' sa' li junkab'al a'an.

Salmos 127:3

Li qakok'al a'aneb' li rosob'tesihom li Qaawa', eb' li qalal qak'ajol a'aneb' li qaq'ajkamunkil.

1 Samuel 1:11

ut kixye re li Qaawa': “At Nimajwal Yos, chawil taxaq xtoq'ob'aal ru laamoos ut chinjultiko'q taxaq we! Wi taak'e junaq ink'uula'al teelom, laa'in tinq'axtesi aawe chiru chixjunil li xyu'am ut ink'a' taab'esmanq li rismal”, chan.

Génesis 44:1

Toja' naq laj José kixye re laj tenq' re: “Nujob'resi li xsaakeb' li winq a'in, jo'ch'inal jo'nimal truuq te'xk'am, ut taak'e xtumin li junjunq sa' li xsaak.

Génesis 43:19

Ke'jilok chi xk'atq laj tenq' re laj José ut ke'xye re chire li kab'l:

Génesis 24:10

Laj k'anjel a'an kixchap lajeeb' xkameey jo' ajwi' li k'a'aq re ru chaab'il wank re laj eechal re, ut koho sa' xb'ehil Aram-Naharáhin, sa' li tenamit Najor.

Proverbios 13:12

Li ink'a' naxk'ul li k'aru naroyb'eni, naraho'k xch'ool. Ab'an k'ajo' li sahil ch'oolej naq naqak'ul li qoyb'enihom!

Génesis 39:9

Maajun nim xwankil chiwu sa' li kab'l a'in. Laj eechal we maak'a' k'a' re ru ink'a' ta xk'e we, ka'aj chik laa'at, xb'aan naq rixaqilat. Chan put ru naq tinb'aanu li nimla maa'usilal a'in ut tinmaakob'q chiru li Yos?”.

Génesis 24:2

Sa' jun kutan kixye re laj k'anjel chiru, li xb'een ki'ok chi k'anjelak sa' rochoch, a' li na'ilok re chixjunil li xjunkab'lal: “K'e laawuq' rub'el li wa'.

Génesis 14:15

Chiru q'oqyink laj Abrán rochb'eeneb' laj k'anjel chiru kiwulak b'arwi' wankeb' li junch'ol, chi maak'a' sa' xch'ooleb': kixq'ax ruheb' ut kiraanilasiheb' toj sa' li tenamit Jobá li wank junpak'al Damaask, sa' releb'l iq'.

Génesis 15:1

Naq ak xk'ulmank chixjunil a'in, ki'aatinaak laj Abrán xb'aan li Qaawa' sa' moy u chi jo'ka'in: “Matxiwak, Abrán: laa'in laj kolol aawe. Q'axal nimaq laaq'ajkamunkil”, chan li Yos.

Génesis 15:3

Kixye ajwi' laj Abrán: “Maajun li walal xak'e we ut yal jun inmoos taa'eechaninq re linjunkab'lal”.

Isaías 17:1

Xyehom li Qaawa' chirix Damaask: “Damaask moko tenamitaq ta chik, xb'aan naq tkanaaq chi tub'tuukil pek.

Jeremías 49:23

Jo'ka'in kixye li Qaawa' chirixeb' laj Damaask: “Yo xk'a'uxeb' laj Jamat ut eb' laj Arpad, xb'aan naq xe'rab'i resil li rahilal chalk re; nachiq'chotk li xch'ooleb' jo' li palaw naheetank ru, ut ink'a' chik wankeb' sa' tuqtuukilal.

Li xHu LIX RUT 2:6

Ut laj ilol reheb' laj k'anjel kixye: —A'an li saaj ixq aj Mohab li xchalk chirix lix Nohemí sa' li na'ajej Mohab.