Génesis 15:18 - Q'eqchi Bible

¹⁸ Sa' li kutan a'an li Qaawa' kixk'ojob' jun Sumwank rik'in laj Abrán: “Xink'e li ch'och' a'in reheb' laawalal aak'ajol chalen chaq sa' li nima' re Ejiipt toj sa' li nimla nima', a' li Éwfrates.

Li Santil hu

¹⁸ Aꞌan aꞌin li retalil nak saꞌ li cutan aꞌan li Ka̱cuaꞌ Dios quixba̱nu jun li contrato riqꞌuin laj Abram. Ut li Dios quixye re laj Abram: —Li naꞌajej aꞌin tinqꞌue chokꞌ a̱cue ut chokꞌ reheb ajcuiꞌ la̱ cualal a̱cꞌajol li teꞌcua̱nk. Li naꞌajej li tinqꞌue reheb naticla chak cuan cuiꞌ li nimaꞌ re Egipto ut nocoxrakekꞌ cuan cuiꞌ li nimla nimaꞌ Éufrates, chan.

Génesis 15:18 ပူးပေါင်းရင်းမြစ်များ

Génesis 12:7

Aran li Qaawa' kixk'ut rib' chiru laj Abrán ut kixye re: “A'eb' laawalal aak'ajol tink'eheb' wi' li ch'och' a'in”. Toja' naq laj Abrán kixyiib' jun li artal re li Qaawa', xb'aan naq aran kixk'ut rib' chiru.

Génesis 24:7

Li Qaawa', li xYos li choxa, li ki'isink chaq we sa' rochoch linyuwa' ut sa' lintenamit, kinraatina ut kixye we rik'in jurament: «A'eb' laawalal tink'e wi' li na'ajej a'in». Ut a'an tixtaqla li x'ánjel k'amolb'ehaq chawu re naq aran taak'am chaq rixaqil li walal.

Génesis 13:15

Chixjunil li ch'och' li yookat chi rilb'al tink'e aawe ut reheb' laawalal aak'ajol chi junajwa.

Isaías 27:12

Naq taawulaq li kutan a'an, li Qaawa' tixsik'eb' chaq li poyanam chalen chaq chire li nima' Éwfrates toj chire li nima' re Ejiipt, jo' naq na'isiik rix li triiw; a'ut laa'ex aj Israel texxoke'q chejunjunqalil.

Nehemías 9:8

Kawil naq q'axal tiik xch'ool chawu; jo'kan naq kak'ojob' jun li sumwank rik'in re xk'eeb'al reheb' li xch'och'eb' laj Kanahán, eb' laj Hit, eb' laj Amor, eb' laj Perés, eb' laj Jebús ut eb' laj Kirkás. Kayeechi'i li ch'och' a'an re laj Abrahán ut eb' li ralal xk'ajol, ut xaqxo xwankil laawaatin, xb'aan naq tiik aach'ool.

Deuteronomio 11:24

Chixjunil li na'ajej toxeek'e wi' leeroq, eerehaq laa'ex: chalen chaq sa' li chaqich'och' toj Líbano, chalen chaq li nima' Éwfrates toj wan wi' li palaw sa' rokeb'l saq'e, toj aran wanqeb' xnub'ajlil leena'aj.

Números 34:5

Tixq'ot chaq rix li xnub'ajlil Asmón toj chire xNima'il Ejiipt ut toxraqe'q sa' li palaw.

Hebreos 13:20

Li Yos aj k'ehol tuqtuukilal, li kiwaklesink re li Jesus sa' xyanqeb' li kamenaq, a' li Qaawa', li xnimal ru aj K'aak'alenel karneer sa' xk'ab'a' xkik'elil li junelik Sumwank,

Jeremías 32:40

Tink'ojob' jun Sumwank rik'ineb', li wanq xwankil chi junelik: laa'in ninye li waatin naq junelik twusila ruheb', ut tink'e sa' xch'ooleb' naq te'roxloq'i wu ut ink'a' chik te'xnajtob'resi rib' wik'in.

2 Crónicas 9:26

Kitaqlank sa' xb'een chixjunileb' li awab'ej, chalen chaq li nima' Éwfrates toj sa' li xna'ajeb' laj Filistea ut li xnub'ajlil Ejiipt.

Deuteronomio 34:4

Ut li Qaawa' kixye re laj Moisés: “A'an a'in li ch'och' li kinyeechi'i sa' jurament re laj Abrahán, laj Isahak ut laj Jakob, naq kinye: A'eb' laawalal aak'ajol tink'e wi'. Xink'e chawil rik'in aawu, ab'anan ink'a' tat-ok chisa'”, chan li Yos.

Éxodo 23:23

K'amolb'ehaq lin'ánjel chawu ut tatroksi sa' xch'och'eb' laj Amor, laj Hit, laj Perés, laj Kanahán, laj Jib ut laj Jebús, ut teb'insach chi junajwa.

Génesis 26:4

Tink'ihob'resi eb' laawalal aak'ajol, kama'aqeb' li chahim sa' choxa, ut tink'e chixjunil li ch'och' a'in reheb' laawi aamam, ut sa' xk'ab'a'eb' a'an osob'tesinb'ilaqeb' chixjunil li tenamit sa' ruuchich'och',

1 Reyes 4:21

Laj Salomón wank xwankil sa' xb'een chixjunileb' li awab'ejihom, chalen chaq chire li nima' Éwfrates toj sa' xtenamiteb' laj Filistea ut toj chi xnub'ajlil Ejiipt. Chixjunileb' a'an neke'xk'e xtoj ut neke'k'anjelak chiru laj Salomón jo' najtil kiyo'yook.

Salmos 105:11

naq kixye: “Tink'e aawe li tenamit Kanahán, ut tinsi aawe cho'q aaweechanihom”, chan.

Josué 15:4

nanume'k wan wi' Asmón, naxik sa' xjayal li nima' re Ejiipt toj sa' li palaw. A'anaq a'in leenub'ajl laa'ex sa' rokeb'l iq'.

Deuteronomio 7:1

“Naq akaq xatroksi li Qaawa' laaYos sa' li ch'och' toxaaweechani, ut naq akaq xrisiheb' chawu eb' li k'iila tenamit (a'eb' laj Hit, laj Kirkás, laj Amor, laj Kanahán, laj Perés, laj Jib ut laj Jebús: wuqub'eb' chi tenamit jwal naab'aleb' ut q'axal kaweb' rib' chawu laa'at),

Génesis 50:24

Sa' jun kutan laj José kixye reheb' li ras: “Kamk we, ab'anan ch'olch'o naq li Yos tulextenq'a ut texrisi sa' li tenamit a'in, re texxik sa' li ch'och' kixyeechi'i rik'in jurament re laj Abrahán, laj Isahak ut laj Jakob”.

Génesis 35:12

Li ch'och' li xink'e re laj Abrahán ut re laj Isahak tinq'axtesi aawe jo' ajwi' reheb' laawalal aak'ajol chirix laakamik”.

Génesis 28:4

A'an chixk'e taxaq aawe li rosob'tesinkil laj Abrahán ut chixk'e ajwi' reheb' laawalal aak'ajol, re naq taaweechani li ch'och' b'arwi' wankat jo' aj numel, a' li kik'ehe'k re laj Abrahán xb'aan li Yos”.

Éxodo 34:11

“K'e reetal li k'aru tatintaqla wi' anaqwan. Twisiheb' chawu laj Amor, laj Kanahán, laj Hit, laj Perés, laj Jib ut laj Jebús.

Éxodo 6:4

Xink'ojob' ajwi' jun Sumwank rik'ineb' ut xinye li waatin naq tink'e reheb' li tenamit Kanahán, a' li ch'och' ke'xb'eeni chaq jo' aj numeleb'.

Éxodo 3:8

Jo'kan naq xinkub'e chaq chi xkolb'aleb' sa' ruq'eb' laj Ejiipt, chi risinkileb' sa' li na'ajej a'an ut chi xk'amb'aleb' sa' jun li ch'och' chaab'il ut yamyo, sa' jun li ch'och' k'ajo' xq'emal, sa' xna'ajeb' laj Kanahán, laj Hit, laj Amor, laj Perés, laj Jib ut laj Jebús.

1 Crónicas 5:9

Ke'wank ajwi' sa' xjayal releb'l saq'e toj sa' xmaril li chaqich'och' li natiklaak wan wi' li nima' Éwfrates, xb'aan naq k'ajo' ke'k'ihank li xketomq sa' li na'ajej Galahad.

2 Samuel 23:5

Kaw xaqxo linjunkab'al chiru linYos, xb'aan naq li Qaawa' xb'aanu wik'in jun sumwank chi junelik, tustu ru ut xaqxo xwankil. A'an nak'ehok we chi q'axok u chi junelik, a'an naxk'e chi tz'aqlok ru chixjunil li wajom.

Génesis 2:14

Li rox nima' Tigris xk'ab'a': a'an li nanume'k sa' releb'l saq'e, junpak'al Asur. Ut li xka nima' a'an li Éwfrates.

Isaías 55:3

Chex'ab'inq ut kimqex wik'in; ab'ihomaqin ut taawanq eeyu'am. Xb'aan naq tink'ojob' eerik'in jun junelik sumwank, ut chi jo'kan tinb'aanu li kinyeechi'i re laj David sa' xk'ab'a' linrahom.

2 Samuel 8:3

Laj David kixq'ax ajwi' ru laj Hadadéser, ralal laj Rejob, awab'ej re Sobá, naq a'in ok raj re chi xxaqab'ankil xwankil sa' xb'een li na'ajej wank junqre li nima' Éwfrates.

Hechos 7:5

ab'an maak'a' kixk'e chireechani arin, chi moko jun k'utub'aq li ch'och', kixyeechi'i b'an xk'eeb'al li ch'och' a'an toj moqon chik cho'q xna'aj, ut chirix chik a'an cho'q xna'ajeb' li ralal xk'ajol, us ta toj maak'a'eb' xkok'al.

Apocalipsis 9:14

ut kixye re li xwaq ánjel li wank xtronpeet: “K'ixeb' li kaahib' chi ánjel li jit'jookeb' chire li nima' Éwfrates”.

Éxodo 6:8

Laa'in texwoksi sa' li ch'och' xinyeechi'i rik'in jurament re laj Abrahán, laj Isahak ut laj Jakob; a'an li tink'e chereechani. Laa'in li Qaawa' Yos»”.

Éxodo 13:11

“Akaq xatroksi li Qaawa' sa' xch'och'eb' laj Kanahán ut akaq xq'axtesi aawe li na'ajej, jo' naq kixyeechi'i aawe ut reheb' laana' laayuwa',

Éxodo 32:13

Jultikaq aawe laj Abrahán, laj Isahak ut laj Israel, aj k'anjeleb' chawu, li kayeheb' wi' li jurament a'in: «Tink'e chi k'ihank leeralal eek'ajol jo' xk'ihaleb' li chahim sa' choxa. Chixjunil li ch'och' a'in li xinyeechi'i eere, tink'e reheb' leeralal eek'ajol, ut eb' a'an te'eechaninq re chi junajwa»”.

Deuteronomio 12:20

“Naq li Qaawa' laaYos tixyu' ru laana'aj jo' kixye aawe, ut laa'at taawaj tzekank tib', truuq taatzeka, a' yaal jo'q'e taawaj.

Deuteronomio 19:8

Ut naq li Qaawa' laaYos tixyu' ru laana'aj, kama' kixye chaq reheb' laana' laayuwa', ut tixk'e aawe chixjunil li ch'och' li kixyeechi'i reheb' laaxe'toonil yuwa',

2 Crónicas 7:8

Chiru wuqub' kutan laj Salomón kixninq'ehi ajwi' li xNinq'eheb' li Muheb'aal, rochb'een chixjunileb' laj Israel, k'ajo' xk'ihaleb' li poyanam ke'ch'utlaak chalen chaq sa' li tenamit Jamat toj chire li ch'ina ha' re Ejiipt.

2 Crónicas 8:7

Chixjunileb' laj Hit, laj Amor, laj Perés, laj Jib ut laj Jebús, li maawa'eb' aj Israel li ke'kanaak,

Esdras 4:20

Aran Jerusalén wanjenaqeb' awab'ej q'axal ninqeb' xwankil: ke'taqlank sa'eb' li na'ajej junpak'al li nima' Éwfrates ut ki'uxk li tojok chiruheb', li kub'siil ut li xtojb'al li b'e.

Éxodo 2:24

Kirab'i li Yos li xyaab'eb' ut kinaqk sa' xch'ool li sumwank kixk'ojob' rik'in laj Abrahán, laj Isahak ut laj Jakob.

Éxodo 34:24

Naq twisiheb' li tenamit chawu ut tinnimob'resi laana'aj, wi tattaqe'q ox sut chiru li chihab' chi xk'utb'al aawib' chiru li Qaawa' laaYos, maajun tixrahi laach'och'.

Levítico 26:42

Laa'in taajultiko'q we li Sumwank kinb'aanu rik'in laj Jakob, laj Isahak ut laj Abrahán, ut taajultiko'q we li ch'och'.

Levítico 26:45

Taajultiko'q we li Sumwank kinb'aanu rik'ineb' li xxe'toonil yuwa'eb' naq ke'wisiheb' chaq Ejiipt chiruheb' li xninqal ru tenamit, re naq laa'inaq li xYoseb'. Laa'in li Qaawa'”.

Josué 13:3

chalen chaq Sijor li wank chi xk'atq Ejiipt toj sa' xnub'ajl Ekrón, sa' xjayal releb'l iq'. Li ch'och' a'in nayeemank naq reheb' laj Kanahán, ut eb' li neke'taqlank sa' xb'eeneb' laj Filistea, a'aneb' li wankeb' aran Gasa, Asdod, Askalón, Gat ut Ekrón.

1 Reyes 5:1

Naq laj Jirán, awab'ej re Tiro, kirab'i resil naq laj Salomón kixaqab'aak cho'q awab'ej sa' xna'aj laj David li xyuwa', kixtaqlaheb' li xtaql rik'in, xb'aan naq laj Jirán q'axal ramiiw laj David naq kiwank chi junelik.

1 Crónicas 16:16

naq kixk'e rib' sa' aatin rik'in laj Abrahán ut ki'aatinak sa' jurament rik'in laj Isahak.

Jeremías 32:22

Kak'e li ch'och' a'in li k'ajo' xq'emal reheb' laj Israel, jo' chanru kayeechi'i chaq reheb' li xna' xyuwa'eb'.