Génesis 15:17 - Q'eqchi Bible

¹⁷ Ut naq ak x'ok li saq'e, k'utaamil sa' li aak'ab' jun nimla xam nab'uquqnak xsib'el, ut jun raq'xam kinume'k sa' xyiheb' li jachb'il xul.

Li Santil hu

¹⁷ Nak kꞌojyi̱n chi us, laj Abram quiril nak cuta̱mil chiru jun xnaꞌaj li xam yo̱ chi e̱lc xsibel ut jun lochlo̱quil xam quinumeꞌ saꞌ xyiheb li xul li jachbileb.

Génesis 15:17 ပူးပေါင်းရင်းမြစ်များ

Jueces 6:21

Toja' naq li x'ánjel li Qaawa' kixch'e' li tib' ut li k'uluj rik'in ru'uj li xuq' li wank sa' ruq', ut sa' junpaat ki'elk chaq xam sa' li pek, kixk'at li tib' ut li k'uluj, ut li x'ánjel li Qaawa' sachaamil chiru.

Jeremías 11:4

A'an a'in li Sumwank li kink'ojob' rik'ineb' leena' leeyuwa' naq ke'wisi chaq Ejiipt, sa' li tenamit ke'wank wi' chaq kama' wi' wank sa' xam re ha'lesink ch'iich'. Kinye reheb': Paab'omaq li waatin ut b'aanuhomaq chixjunil li ninye eere; chi jo'kan laa'exaq lintenamit ut laa'inaq leeYos.

1 Crónicas 21:26

ut aran kixxaqab' jun x'artal li Qaawa' ut kixk'e li xk'atb'il mayej jo'wi' li xyeechi'om re li k'amok ib' sa' usilal rik'in li Yos. Chirix chik a'an kixyaab'a xk'ab'a' li Qaawa', ut a'an kixsume rik'in naq kixtaqla chaq xam sa' choxa sa' xb'een li artal re li k'atb'il mayej.

Isaías 62:1

Xb'aan xraab'al Sión ink'a' tinkanab' aatinak, sa' xk'ab'a' Jerusalén ink'a' tinkanaaq chi ch'anch'o, toj reetal taakutano'q li xloq'al li tiikilal ut taalemtz'uno'q laakolb'a ib' jo' junaq saqenk.

2 Samuel 22:9

X'elk chaq b'uquqnak sib' sa' ru'uj, x'elk chaq xam sa' re, k'ajo' xtiqwal, jo'wi' ru xam yo chi k'atok.

Jueces 13:20

Ut kik'ulmank a'in chiru laj Manóhaj ut li rixaqil: naq li raq'xam li na'elk sa' xb'een li artal kitaqe'k sa' choxa, li x'ánjel li Qaawa' yo chi xik sa' li raq'xam. Toja' naq laj Manóhaj ut li rixaqil ke'xhupub' rib' sa' ch'och' chi loq'onink.

Deuteronomio 4:20

“Naq kexchap li Qaawa' ut kexrisi chaq sa' li nimla rahilal aran Ejiipt, kixb'aanu chi jo'kan re naq laa'exaq tz'aqal li xtenamit jo' naq wankex anaqwan.

Génesis 15:10

Laj Abrán kixk'ameb' chaq li xul a'in, kixjacheb' sa' xyi ut kixk'e li junq jachal chiru li junq jachal chik; a'ut eb' li xik'anel xul ink'a' kixjacheb'.

Éxodo 19:18

Nab'uquqnak xsib'el li tzuul xb'aan naq li Qaawa' xkub'eek sa' xb'een a'an sa' xam. Nataqe'k xsib'el jo' xsib'el junaq oorn, ut chixjunil li tzuul nahich'lok chi q'axal kaw.

1 Reyes 18:38

Toja' naq kikub'e chaq li xxam li Qaawa', kixk'at li mayej ut li si'; kixchaqihob'resi ajwi' li ha' li wank sa' li roqha' kixb'ek chi xjunsutam li artal.

Éxodo 20:18

Chixjunileb' li tenamit ke'xk'e reetal li kaaq ut li raq'kaaq, li xyaab' tronpeet ut li xsib'el li tzuul; ke'siksotk xb'aan xxiweb' ut ke'kanaak chi najt: