Génesis 15:13 - Q'eqchi Bible

¹³ Toja' naq li Qaawa' kixye re laj Abrán: “Chanawaq naq eb' laawalal aak'ajol te'kanaaq sa' ab'l aj ch'och' jo'aqeb' aj b'eenihom rib'; te'mine'q ru chi xb'aanunkil li kawil k'anjel ut te'rahob'tesiiq chiru jun o'q'ob' (400) chihab'.

Li Santil hu

¹³ Ut li Dios quixye re: —Tento nak ta̱nau nak la̱ cualal a̱cꞌajol teꞌxic chi najt saꞌ jalan tenamit ma̱cuaꞌ xtenamiteb aꞌan. Ut kꞌaxal ra teꞌxcꞌul aran. Teꞌqꞌuehekꞌ chokꞌ rahobtesinbil mo̱s. Ut chiru ca̱hib ciento (400) chihab teꞌcua̱nk saꞌ raylal, chan li Dios.

Génesis 15:13 ပူးပေါင်းရင်းမြစ်များ

Éxodo 1:11

Toja' naq ke'xxaqab'eb' aj taqlanel re xrahob'tesinkileb' laj Israel rik'in kawil k'anjel, ut eb' laj Israel ke'xyiib' cho'q re laj Parahón eb' li tenamit-k'uuleb'aal, Pitón ut Ramsés xk'ab'a'.

Hechos 7:17

“Naq yo chaq chi nach'ok xq'ehil li xyeechi'om li Yos re laj Abrahán, ke'k'ihank li tenamit Israel ut ke'pukank aran Ejiipt,

Gálatas 3:17

A'in laa'in ninye: li testameent k'uub'k'u chi chaab'il xb'aan li Yos ink'a' naru taasache'q xwankil xb'aan li Chaq'rab' k'eeb'il lajeeb' xka'k'aal xkab' o'q'ob' (430) chihab' moqon; ut ink'a' naru taakanaaq chi maak'a' rajb'al li xyeechi'om li Yos.

Levítico 19:34

Laj ab'l tenamit li wank sa' eeyanq, cherilaq jo' junaq leerech tenamitul. Cheraheb' jo' naq nekera eerib' laa'ex, xb'aan naq laa'ex ajwi' kex'ab'lo'k chaq aran Ejiipt.

Génesis 17:8

Tink'e aawe ut reheb' laawalal aak'ajol li ch'och' a'in li wankat wi' jo' aj numel; chixjunil Kanahán tink'e chi reechaniheb' chi junajwa, ut laa'inaq xYoseb'”.

Deuteronomio 10:19

Jo'kan utan, cherahaq laj ab'l tenamit, xb'aan naq laa'ex ajwi' aj ab'lex naq kexwank chaq sa' li tenamit Ejiipt.

Éxodo 23:9

“Maarahob'tesi li jalan xtenamit: ak nekenaw chanru li wank sa' jalan tenamit, xb'aan naq ab'lex ajwi' laa'ex naq kexwank chaq sa' li tenamit Ejiipt.

Éxodo 22:21

“Maahob' li jalan xtenamit chi moko taarahob'tesi, xb'aan naq ab'lex ajwi' laa'ex naq kexwank chaq sa' li tenamit Ejiipt.

Génesis 15:16

Sa' li xka xteepal riyajileb' laawalal, eb' a'in te'sutq'iiq chaq arin xb'aan naq anaqwan toj maji' xtz'aqlok ru li xk'ihal xmaakeb' laj Amor”, chan li Qaawa'.

Génesis 47:4

Ke'xye ajwi' re laj Parahón: “Xoochalk chi wank sa' li ch'och' a'in, xb'aan naq k'ajo' li we'ej aran Kanahán ut maak'a' li raxpim cho'q reheb' li qaketomq. Chakuy qamaak, naqatz'aama chawu naq toohaakanab' chi wank sa' li na'ajej Gosen”, chankeb'.

Éxodo 1:13

Ke'numtaak sa' xb'eeneb' laj Israel ut ke'xtaqlaheb' chi k'anjelak cho'q aj mun,

Éxodo 2:24

Kirab'i li Yos li xyaab'eb' ut kinaqk sa' xch'ool li sumwank kixk'ojob' rik'in laj Abrahán, laj Isahak ut laj Jakob.

Éxodo 3:8

Jo'kan naq xinkub'e chaq chi xkolb'aleb' sa' ruq'eb' laj Ejiipt, chi risinkileb' sa' li na'ajej a'an ut chi xk'amb'aleb' sa' jun li ch'och' chaab'il ut yamyo, sa' jun li ch'och' k'ajo' xq'emal, sa' xna'ajeb' laj Kanahán, laj Hit, laj Amor, laj Perés, laj Jib ut laj Jebús.

Éxodo 3:10

Jo'kan b'i', ayu; laa'in tatintaqla rik'in laj Parahón re naq taawisiheb' chaq Ejiipt lintenamit Israel”.

Éxodo 3:17

Ninye li waatin naq texwisi sa' li rahilal yookex chi xk'ulb'al Ejiipt ut texink'am sa' xch'och'eb' laj Kanahán, laj Hit, laj Amor, laj Perés, laj Jib ut laj Jebús, sa' jun li ch'och' k'ajo' xq'emal».

Deuteronomio 5:15

Chijultiko'q aawe naq katwank chaq chi munil sa' li tenamit Ejiipt ut li Qaawa' laaYos katrisi chaq aran rik'in xkawilal li ruq' ut li xtel. Jo'kan naq li Qaawa' laaYos nakatxchaq'rab'i chi roxloq'inkil li kutan sábado.

Salmos 105:42

Li Yos junelik wank sa' xch'ool li xloq'laj aatin li kixye re laj Abrahán, laj k'anjel chiru.

Éxodo 1:14

ut ke'xrahob'tesiheb' rik'in kawil k'anjel chi b'eelank seb', yiib'ank xan ut rik'in yalaq k'a' chi k'anjelil na'uxmank sa' k'aleb'aal. Chixjunil li k'anjel a'in ke'xb'aanu eb' laj Israel chi q'axal rahob'tesinb'ileb' ut minb'ileb' ru.

Números 20:15

Eb' li qaxe' qatoonal ke'kub'eek Ejiipt ut najt koowank chaq aran. A'ut eb' laj Ejiipt jwal ra ke'xb'aanu chaq qe jo' ajwi' reheb' li qana' qayuwa'.