Génesis 14:19 - Q'eqchi Bible

¹⁹ Kirosob'tesi laj Abrán ut kixye chi jo'ka'in: “Osob'tesinb'ilaq taxaq laj Abrán xb'aan li Nimajwal Yos, aj yoob'tesinel re li choxach'och'.

Li Santil hu

¹⁹ Laj Melquisedec quirosobtesi laj Abram riqꞌuin li a̱tin aꞌin: —Osobtesinbil taxak laj Abram xban li Ka̱cuaꞌ Dios, li kꞌaxal nim xcuanquil. Li Ka̱cuaꞌ Dios, aꞌan li quiyi̱ban re li choxa joꞌ ajcuiꞌ li ruchichꞌochꞌ.

Génesis 14:19 ပူးပေါင်းရင်းမြစ်များ

Génesis 14:22

Ab'anan laj Abrán kixye re li awab'ej re Sodoom: “Xinye li waatin chiru Nimajwal Yos, aj yoob'tesinel re li choxach'och',

Efesios 1:3

Usilaatinanb'il taxaq li Yos, xYuwa' li Qaawa' Jesukriist, li ki'osob'tesink qe sa' xk'ab'a' li Kriist rik'in chixjunil rosob'tesihom li Musiq'ej toj sa' choxa.

Efesios 1:6

re naq taanimaaq xloq'al li usilal koorusila wi' sa' xk'ab'a' li xraarookil Alal.

San Mateo 11:25

Sa'eb' li kutan a'an li Jesus ki'ok chi aatinak ut kixye: “Ninloq'on aawu, at inYuwa', laa'at aj eechal re li choxach'och', xb'aan naq xamuq a'in chiruheb' li wankeb' xna'leb' jo'wi' li seeb'eb' xch'ool, ut xak'ut chiruheb' li q'uneb' xch'ool.

Salmos 24:1

Xsaalm laj David. Li Qaawa' a'an laj eechal re li choxach'och' ut chixjunil li wank chisa'.

Li xHu LIX RUT 3:10

Ut a'an kixye: —Li Qaawa' chi'osob'tesinq aawe, at inrab'in, xb'aan naq q'axal naab'al wi' chik li usilal yookat chi xb'aanunkil anaqwan. Xru raj xasik' junaq winq toj saaj chiwu laa'in, b'ihom malaj neb'a'. Ab'anan ink'a' xab'aanu chi jo'kan.

Hechos 16:17

Li ixqa'al ki'ok chi xtaaqenkil laj Pablo jo'wi' laa'o, japjo re chi xyeeb'al: —Eb' li winq a'in xmooseb' li Nimajwal Yos: neke'xk'ut cheru xb'ehil li kolb'a ib'.

San Lucas 10:21

Sa' ajwi' li honal a'an, li Jesus kisaho'k sa' xch'ool xb'aan li Santil Musiq'ej ut kixye: “Ninloq'on aawu, at inYuwa', laa'at aj eechal re li choxach'och', xb'aan naq xamuq a'in chiruheb' li wankeb' xna'leb' jo'wi' li seeb'eb' xch'ool, ut xak'ut chiruheb' li q'uneb' xch'ool. Yaal, at inYuwa', xb'aan naq jo'kan xwulak chawu.

Miqueas 6:6

“K'aru tink'am re li Qaawa'? Chanru toxinwiq'ib' wib' chiru li xYos li choxa? Ma tinloq'oni tab'i' ru rik'in kok' wakax aj jun chihab' malaj rik'in k'atb'il mayej?

Salmos 115:16

Ka'ajwi' li Qaawa' laj eechal re li choxa, ab'an li ruuchich'och' q'axtesinb'il sa' ruq' li winq!

2 Samuel 2:5

kixtaqlaheb' aj esil re xyeeb'al reheb': “A' taxaq li Qaawa' chi'osob'tesinq eere xb'aan naq xe'ruxtaana ru laj Saúl, laj eechal eere, rik'in xmuqb'al.

Génesis 49:28

A'aneb' a'in li kab'laju xteepaleb' aj Israel, ut a'an a'in li yeeb'il reheb' xb'aan li xyuwa'eb' naq kirosob'tesiheb': ak re re li rosob'tesinkileb'.

Génesis 47:10

Laj Jakob kirosob'tesi wi' chik laj Parahón ut ki'elk rik'in.

Génesis 47:7

Chirix a'an laj José kiroksi laj Jakob li xyuwa' ut koxk'ut chiru laj Parahón, ut laj Jakob kirosob'tesi laj Parahón:

Génesis 27:4

Moqon taak'uub' chi chaab'il intzekemq jo' nawulak chiwu, ut taak'am chaq, re tinwa'aq, xb'aan naq twaj aawosob'tesinkil rub'elaj linkamik”.

San Marcos 10:16

Ut kixq'aluheb' li kok'al, kixk'e li ruq' sa' xb'eeneb' ut kirosob'tesiheb'.

Salmos 50:10

Xb'aan naq weheb' chixjunil li k'iche'il xul; wankeb' cho'q we li ninqi xul chi o'q'ob' sa'atqeb' li tzuul.

Génesis 24:3

Nawaj taaye rik'in jurament sa' xk'ab'a' li Qaawa', li xYos li choxa, naq ink'a' taasik' junaq ixq cho'q rixaqil li walal sa' xyanqeb' li xrab'in aj Kanahán, li tenamit wankin wi';

1 Samuel 15:13

Toja' naq laj Samuel koho wan wi' laj Saúl, ut a'in kixye re: “Li Qaawa' chi'osob'tesinq taxaq aawe. Ak xinb'aanu li xinxtaqla wi' li Qaawa'”.

Deuteronomio 10:14

K'e reetal: li Qaawa' laaYos a'an laj eechal re li choxach'och' ut chixjunil li wank chisa'.

1 Crónicas 29:11

Aawe, at Qaawa', li wankilal, li q'axok u, li loq'oniik, li loq'al ut li nimaak u, xb'aan naq aawe jo'nimal wank sa' choxach'och'. Aawe ajwi' li awab'ejink, xb'aan naq laa'at li jwal nim laawankil sa' xb'een chixjunil, at Qaawa'.

2 Crónicas 31:8

Ut naq ke'k'ulunk laj Esekías ut eb' li xjolomileb' li tenamit re rilb'al jo'k'ihal li mayej kitub'laak, ke'xloq'oni ru li Qaawa' ut ke'xyoxi chiruheb' laj Israel li xtenamit.

Salmos 115:15

Osob'tesinb'ilaqex taxaq laa'ex xb'aan li Qaawa': a'an laj winqob'resihom re choxach'och'!