Génesis 14:18 - Q'eqchi Bible

¹⁸ Toja' naq laj Melkisedek, awab'ej re Salem, kixyeechi'i xwa ut b'iin, xb'aan naq a'an aj tij chiru li Nimajwal Yos.

Li Santil hu

¹⁸ Laj Melquisedec, aꞌan lix reyeb laj Salem ut nacꞌanjelac ajcuiꞌ chokꞌ aj tij chiru li nimajcual Dios. Laj Melquisedec quixcꞌul laj Abram ut quixqꞌueheb xcua rucꞌa.

Génesis 14:18 ပူးပေါင်းရင်းမြစ်များ

Hebreos 6:20

b'arwi' kox'okaq xb'enwa li Jesus jo' aj k'amol b'e sa' qak'ab'a' laa'o, xb'aan naq kixaqab'aak cho'q xyuwa'il aj tij chi junajwa, jo' chanru xk'anjel laj Melkisedek.

Salmos 110:4

Kixye li Qaawa' sa' jurament, ut ink'a' tixjal li raatin: “Laa'ataq aj tij chi junelik, jo' chanru xk'anjel laj Melkisedek”.

Hebreos 5:6

Naxye ajwi' sa' jalan chik raqal: «Laa'at aj tij chi junelik, jo' chanru xk'anjel laj Melkisedek».

Hebreos 5:10

xb'aan naq kixaqab'aak xb'aan li Yos cho'q xyuwa'il aj tij jo' naq kiwank chaq laj Melkisedek.

Salmos 76:2

Nawno ru li Yos xb'aaneb' laj Judá, q'axal nim xk'ab'a' sa' xyanqeb' laj Israel.

Hechos 16:17

Li ixqa'al ki'ok chi xtaaqenkil laj Pablo jo'wi' laa'o, japjo re chi xyeeb'al: —Eb' li winq a'in xmooseb' li Nimajwal Yos: neke'xk'ut cheru xb'ehil li kolb'a ib'.

Salmos 57:2

Chawuxtaana wu, at inYos, chawuxtaana wu, xb'aan naq aawik'in namuhenk li waanm; ninkol wib' rub'el laakupuhom toj reetal taanume'q li rahilal.

Salmos 7:17

Jo'ch'inal jo'nimal kilajxb'aanu taasutq'iiq chaq sa' xb'een, ut a' chik li xmaa'usilal taat'ane'q sa' xb'een.

Li xHu LIX RUT 3:10

Ut a'an kixye: —Li Qaawa' chi'osob'tesinq aawe, at inrab'in, xb'aan naq q'axal naab'al wi' chik li usilal yookat chi xb'aanunkil anaqwan. Xru raj xasik' junaq winq toj saaj chiwu laa'in, b'ihom malaj neb'a'. Ab'anan ink'a' xab'aanu chi jo'kan.

Gálatas 6:10

Jo'kan utan, naq toj naxk'e rib' chiqu, qab'aanuhaq li usilal reheb' chixjunil, ab'anan q'axal chik tqab'aanu reheb' li qech aj paab'anelil.

Hechos 7:48

us ta li Nimajwal Yos ink'a' nahilank sa' junaq kab'l yiib'anb'il rik'in uq'ej, jo' naxye li propeet:

Miqueas 6:6

“K'aru tink'am re li Qaawa'? Chanru toxinwiq'ib' wib' chiru li xYos li choxa? Ma tinloq'oni tab'i' ru rik'in kok' wakax aj jun chihab' malaj rik'in k'atb'il mayej?

Salmos 50:14

Laa'in li Nimajwal Yos! Li mayej li taaq'axtesi we, a'an jun ch'oolej li naxnaw yoxink; chab'aanu chi tz'aqal li xayeechi'i we.

2 Samuel 2:5

kixtaqlaheb' aj esil re xyeeb'al reheb': “A' taxaq li Qaawa' chi'osob'tesinq eere xb'aan naq xe'ruxtaana ru laj Saúl, laj eechal eere, rik'in xmuqb'al.

Hebreos 7:1

Laj Melkisedek a'an awab'ej re Salem ut aj tij chiru li Nimajwal Yos. Ki'elk chi xk'ulb'al laj Abrahán, ut kirosob'tesi naq a'in yo chaq chi sutq'iik chi ak xsacheb' chaq eb' li awab'ej.

Salmos 104:15

li b'iin li nasaho'k wi' xch'ool, li aseeyt re naq taalemtz'unq li xnaq' ru ut li wa li nak'ehok kawilal.

Números 18:28

Jo'ka'in naq teek'e leemayej re li Qaawa', a' li xlajeetqil ru li awimq li nekek'ul laa'ex rik'ineb' laj Israel. Teeq'axtesi re laj Aharón jo' raarookil mayej cho'q re li Qaawa'.

Números 24:16

Raatin li ani narab'i li naxye li Qaawa', ut naxnaw li xnimal xk'a'uxl li Nimajwal. Raatin li ani naril li xk'utb'esihom li Nim Xwankil, nak'uluk choxahil na'leb', ut sa' moy u nateemank xsa'eb' li ru.

Salmos 76:3

Li xmuheb'aal li Qaawa' wank Jerusalén, li xloq'laj ochoch wank sa' li tzuul Sión.

Daniel 4:31

Toj yo ajwi' xyeeb'al eb' li aatin a'in li awab'ej, naq ki'ab'imank jun xyaab' kuxej kichalk chaq sa' choxa ut kixye: “Aawik'in nin'aatinak, a Nabukodonosor. Xmaq'mank chawu laa'awab'ejihom.