Génesis 14:15 - Q'eqchi Bible

¹⁵ Chiru q'oqyink laj Abrán rochb'eeneb' laj k'anjel chiru kiwulak b'arwi' wankeb' li junch'ol, chi maak'a' sa' xch'ooleb': kixq'ax ruheb' ut kiraanilasiheb' toj sa' li tenamit Jobá li wank junpak'al Damaask, sa' releb'l iq'.

Li Santil hu

¹⁵ Chiru kꞌojyi̱n laj Abram queꞌco̱eb chi ma̱cꞌaꞌ resileb chixcolbal laj Lot. Ma̱cꞌaꞌ saꞌ xchꞌo̱leb li queꞌelkꞌan re laj Lot nak queꞌcuulac laj Abram. Nak queꞌril, xaka̱mileb laj Abram chiruheb. Queꞌxtiquib pletic ut li queꞌcꞌamoc re laj Lot ticto queꞌe̱lelic. Laj Abram quira̱linaheb toj saꞌ li tenamit Hoba. Li tenamit aꞌan cuan jun pacꞌal li tenamit Damasco.

Génesis 14:15 ပူးပေါင်းရင်းမြစ်များ

Hechos 9:2

ut kixtz'aama xhu cho'q reheb' li ch'utleb'aal kab'l wankeb' Damaask, re naq, wi tixtaweb' winq malaj ixq li neke'taaqenk re li B'e, taak'ehe'q xwankil chi xk'amb'aleb' chaq chi b'ak'b'o Jerusalén.

Salmos 112:5

Us xaq re li natoq'ob'ank u ut nak'ehok chi to' li xtumin, ut naxjolomi chi chaab'il li xjunkab'al.

1 Reyes 15:18

Toja' naq laj Asá kixxok chixjunil li plaat ut oor li wank sa' rochoch li Yos ut li wank sa' rochoch li awab'ej, kixk'e reheb' laj k'anjel chiru ut kixtaqla re laj Ben-Adad, awab'ej re Aram. A'an ralal laj Tabrimón ut ri xmam laj Jesión, ut wank sa' li tenamit Damaask. Laj Asá kixtaqla ajwi' xyeeb'al re laj Ben-Adad:

Deuteronomio 15:2

“Kama'in li kuyuk maak. Chixjunil li xk'ehok xto' li ras riitz'in, tento tixkuy xmaak ut ink'a' tixtitz' li xk'as li xkomon malaj li ras riitz'in, xb'aan naq ak xpuktesimank resil li kuyuk maak sa' xk'ab'a' li Qaawa'.

Hechos 9:8

Toja' naq kiwakliik laj Sawlo chiru ch'och', ut naq kixte raj li ru, ink'a' chik na'ilok. Ke'xch'ilo chi ruq' ut ke'roksi Damaask;

Hechos 9:10

Sa' li tenamit Damaask wank jun aj paab'anel, aj Ananías xk'ab'a', ut li Qaawa' kixye re sa' moy u: “Ananías!”. Kichaq'ok a'an: “We'kin, at Qaawa'”, chan.

Génesis 15:2

Kichaq'ok laj Abrán ut kixye: “At inQaawa', k'a' aj e li taasi we, wi tinkamq chi maajun walal ink'ajol, ut laj Elieser aj Damaask taareechani li k'a'aq ru we?”.

Jueces 7:16

Tikto kixjek'eb' li o'lajuk'aal chi winq sa' oxib' ch'uut. Kixk'eheb' junjunq xxukub' sa' ruq'eb' chixjunileb' ut kixk'e ajwi' junjunq xkukeb' wank xam chisa'.

Isaías 7:8

Damaask a'an li xnimal ru tenamit aran Siria ut laj Rasín a'an li awab'ej re Damaask. Samaria a'an li xnimal ru tenamit sa' xteepal Efraín, ut li ralal laj Romelías a'an li awab'ej re Samaria. Ab'anan sa' oob' xkaak'aal chihab' eb' laj Efraín moko tenamitaq ta chik. Ut wi laa'ex ink'a' k'ojk'o leech'ool wik'in, jo'kan ajwi' teek'ul: ink'a' texkanaaq chi xaqxo»”.

Isaías 17:1

Xyehom li Qaawa' chirix Damaask: “Damaask moko tenamitaq ta chik, xb'aan naq tkanaaq chi tub'tuukil pek.

Jeremías 49:23

Jo'ka'in kixye li Qaawa' chirixeb' laj Damaask: “Yo xk'a'uxeb' laj Jamat ut eb' laj Arpad, xb'aan naq xe'rab'i resil li rahilal chalk re; nachiq'chotk li xch'ooleb' jo' li palaw naheetank ru, ut ink'a' chik wankeb' sa' tuqtuukilal.

Ezequiel 27:18

Eb' laj Damaask neke'loq'ok aawik'in chi yo'oon xb'aan xk'ihal li sahil eechej ut laab'ihomal, ut nakate'xtoj rik'in chaab'il b'iin re Helbón ut tuuxnoq' re Sahar.

Ezequiel 47:16

Berotay, Sibráhin, sa' xyanq Damaask rik'in Jamat, toj taawulaq sa' li tenamit Jaser-Jatikón, li wank sa' xnub'ajlil Jawrán.