Génesis 14:14 - Q'eqchi Bible

¹⁴ Naq kirab'i laj Abrán naq kichape'k li rikaq', kixch'utub'eb' waqxaqlaju xwaqlajuk'aal (318) aj k'anjel chiru, yo'lajenaqeb' sa' rochoch, ut kixtaaqeheb' li ke'chapok re laj Lot toj sa' li tenamit Dan.

Li Santil hu

¹⁴ Nak laj Abram quirabi nak quicꞌameꞌ laj Lot, ticto quixchꞌutubeb oxib ciento riqꞌuin cuakxaklaju (318) lix mo̱s. Eb aꞌan yoꞌlajenakeb saꞌ lix chꞌochꞌ laj Abram. Chixjunileb queꞌxta̱ke li queꞌcꞌamoc re laj Lot. Queꞌcuulac toj saꞌ li tenamit Dan.

Génesis 14:14 ပူးပေါင်းရင်းမြစ်များ

Jueces 18:29

Ke'xjal ajwi' xk'ab'a' li tenamit: ink'a' chik Lahis naxk'ab'a'in anaqwan, Dan b'an ke'xk'e cho'q xk'ab'a' re xjultikankil laj Dan li xyuwa'eb', ralal laj Israel.

Génesis 15:3

Kixye ajwi' laj Abrán: “Maajun li walal xak'e we ut yal jun inmoos taa'eechaninq re linjunkab'lal”.

Eclesiastés 2:7

Xe'wank naab'aleb' inmoos winq ut ixq. Xe'wank ajwi' inketomq: naab'aleb' linwakax ut linkarneer, numtajenaq tz'aqal chiru li xe'wank reheb' li xe'awab'ejink Jerusalén xb'enwa chiwu.

Deuteronomio 34:1

Laj Moisés ki'elk sa' xtaq'ahil Mohab ut kitaqe'k sa' xb'een li tzuul Nebo, sa' xb'een Piská, sa' xka'yab'aal Jerikó, ut li Qaawa' kixk'ut chiru chixjunil li ch'och': chalen wan wi' Galahad toj sa' li ch'och' reheb' laj Dan,

Génesis 17:27

Ut chixjunileb' li teelom li wankeb' sa' rochoch, li yo'lajenaqeb' aran ut li loq'b'ileb' rik'in xtumin sa' jalaneb' tenamit, ke'setje'k xtz'uumal xtz'ejwaleb' rochb'een a'an.

Génesis 17:12

Waqxaqib'aq kutan xyo'lajik, chixjunil li teelom sa' eeyanq tixk'ul li sirkunsisyon. Jo'ka'in taa'uxmanq chi junelik reheb' li yo'lajenaqeb' sa' laawochoch, jo'wi' reheb' li loq'b'ileb' rik'ineb' laj ab'l tenamit li maawa'eb' aawechkik'elil.

Génesis 12:5

Kixk'am lix Saray chirix jo' ajwi' laj Lot li rikaq'. Kixk'am ajwi' chixjunil li xjunkab'lal ut eb' laj k'anjel chiru li kireechani sa' li tenamit Harán. Ke'xchap xb'e re xik Kanahán ut ke'wulak sa' li na'ajej a'an.

1 Juan 2:18

Ex inkok'al, ak xtaw xhonal li roso'jikeb' li kutan. Eerab'ihom resil naq chalk re laj Tz'eqtaanahom re li Kriist. Relik chi yaal naq naab'aleb' laj tz'eqtaanahom re li Kriist xe'waklije'k chaq; jo'kan naq naqataw ru naq anaqwan li roso'jikeb' li kutan.

Salmos 68:12

Li Qaawa' xyehom li raatin; ut naab'aleb' li ixq xe'yehok resil:

Jueces 20:1

Toja' naq chixjunileb' laj Israel, chalen chaq Dan toj Berseba ut Galahad, koxe'xch'utub' rib' jo' jun chi winq, aran Mispá, wan wi' rochoch li Yos.

Génesis 23:6

“Wa', choohaawab'ihaq. Laa'at xnimal ru winq chalenaqat sa' qayanq sa' xk'ab'a' li Qaawa'. Chamuq laakamenaq sa' li muqleb'aal q'axal chaab'il li wank sa' qayanq. Maajun qe laa'o ink'a' ta tixk'e aawe li xmuqleb'aal re taamuq laakamenaq”, chankeb'.

Génesis 18:19

Sik'b'il chaq ru inb'aan re naq tixk'ut li b'eek jo' naraj li Qaawa' chiruheb' li ralal xk'ajol jo'wi' chiruheb' li te'wanq moqon, re naq te'wanq sa' tiikilal ut sa' chaab'ilal. Chi jo'kan tink'e re laj Abrahán li b'arwan xinyeechi'i re”.

Génesis 13:8

Jo'kan naq laj Abrán kixye re laj Lot: “Maak'a'aq taxaq raaxiik' sa' qayanq laa'o, sa' xyanqeb' laj ilol re linketomq rik'ineb' laawe, xb'aan naq laa'o qiitz'in qib'.

Génesis 12:16

Sa ki'ile'k laj Abrán sa' xk'ab'a' li ixq ut kik'ehe'k xkarneer, xwakax, xb'uur, winq ut ixq aj k'anjel chiru ut xkameey.

Proverbios 17:17

Li tz'aqal amiiw junelik narahok; sa' xq'ehil junaq rahilal tatxtenq'a jo' junaq tz'aqal asb'ej.

Génesis 14:12

Naq koheb', ke'xchap ajwi' laj Lot, li rikaq' laj Abrán, ut chixjunil li xjunkab'lal, xb'aan naq Sodoom wank.

Génesis 14:16

Kireechani wi' chik chixjunil li xjunkab'lal; kixkol ajwi' laj Lot li rikaq', li xjunkab'lal jo' ajwi' eb' li ixq ut eb' li poyanam.

Génesis 17:23

Toja' naq laj Abrahán kixb'oq chaq laj Ismael li ralal, jo' ajwi' chixjunileb' li yo'lajenaqeb' sa' rochoch ut li loq'b'ileb' rik'in li xtumin (chixjunileb' li teelom li wankeb' sa' rochoch laj Abrahán), ut sa' ajwi' li kutan a'an kixset xtz'uumal xtz'ejwaleb', jo' kiyehe'k re xb'aan li Yos.

1 Reyes 15:20

Laj Ben-Adad kixpaab' li kixye laj Asá li awab'ej ut kixtaqlaheb' li xjolomileb' laj puub' chi yalok rik'ineb' li tenamit sa' xteepal Israel. Chi jo'kan kixsach ruheb' li tenamit Iyón, Dan ut Abel-Bet-Mahaká, jo' ajwi' chixjunil xteepal Kinerot ut li xteepal Neftalí.

Jeremías 41:12

ke'xch'utub' chixjunileb' laj puub' ut koheb' chi yalok rik'in laj Ismael, ralal laj Natanías. Koxe'xtaw chire li ha' wank Gabahón.

1 Samuel 30:19

Maak'a' ke'majelo'k wi', tik maak'a' kisachk chiruheb'. Ke'kole'k ajwi' eb' li ralal xk'ajoleb'. Laj David kireechani wi' chik jo'ch'inal jo'nimal ki'elq'aak xb'aaneb' laj Amalek.