Génesis 12:7 - Q'eqchi Bible

⁷ Aran li Qaawa' kixk'ut rib' chiru laj Abrán ut kixye re: “A'eb' laawalal aak'ajol tink'eheb' wi' li ch'och' a'in”. Toja' naq laj Abrán kixyiib' jun li artal re li Qaawa', xb'aan naq aran kixk'ut rib' chiru.

Li Santil hu

⁷ Saꞌ li naꞌajej aꞌan quia̱tinac li Dios riqꞌuin laj Abram ut quixye re, —Saꞌ jun cutan tinqꞌue chixjunil li naꞌajej aꞌin reheb la̱ cualal a̱cꞌajol, chan li Dios. Joꞌcan nak laj Abram quixtus li pec ut quixyi̱b jun lix artal re xlokꞌoninquil li Ka̱cuaꞌ Dios.

Génesis 12:7 ပူးပေါင်းရင်းမြစ်များ

Gálatas 3:16

Jo'kan utan, a' laj Abrahán kiyehe'k wi' li yeechi'om a'in ut re ajwi' li riyajil. Ink'a' naxye: “ut reheb' laawalal aak'ajol” chanchan tawi' li naab'aleb', yo b'an chi aatinak chirix jun ajwi': “ut re laawiyajil”, naraj naxye, a' li Kriist.

Génesis 17:8

Tink'e aawe ut reheb' laawalal aak'ajol li ch'och' a'in li wankat wi' jo' aj numel; chixjunil Kanahán tink'e chi reechaniheb' chi junajwa, ut laa'inaq xYoseb'”.

Génesis 17:1

B'eleelaju ro'k'aal (99) chihab' wank re laj Abrán naq li Qaawa' kixk'ut rib' chiru ut kixye re: “Laa'in li Nimajwal Yos. Wanqat chi sum'aatin wik'in ut tiikaq laach'ool.

Génesis 18:1

Li Qaawa' kixkut rib' chiru laj Abrahán wan wi' li ji re Mambré, naq k'ojk'o chire li xmuheb'aal xb'aan xtiqwal ru li kutan.

Génesis 13:15

Chixjunil li ch'och' li yookat chi rilb'al tink'e aawe ut reheb' laawalal aak'ajol chi junajwa.

Génesis 13:4

a' li na'ajej kixyiib' wi' li artal xb'enwa ut kixyaab'a xk'ab'a' li Qaawa'.

Génesis 13:18

Toja' naq laj Abrán kixjal xna'aj li xmuheb'aal ut koxkanaaq wan wi' li ji re Mambré, aran Hebrón; ut aran kixyiib' jun li artal re li Qaawa'.

Éxodo 33:1

Kixye li Qaawa' re laj Moisés: “Ayu, elen arin aawochb'eeneb' li tenamit li kawisiheb' chaq Ejiipt, ut ayuqex sa' li ch'och' kinyeechi'i rik'in jurament re laj Abrahán, laj Isahak ut laj Jakob, naq kinye: Eb' aawalal aak'ajol tink'e wi' li na'ajej a'in.

Génesis 32:30

Laj Jakob kixk'e cho'q xk'ab'a' li na'ajej a'an Penuel, xb'aan naq kixye: “Xwil ru li Yos ut xkole'k linyu'am”.

Génesis 26:25

Toja' naq laj Isahak kixyiib' aran jun li artal ut kixyaab'a xk'ab'a' li Qaawa'. Sa' li na'ajej a'an kixyiib' li xmuheb'aal, ut eb' laj k'anjel ke'xb'ek jun xjulel li ha'.

Números 32:11

Eb' li winq li ke'elk chaq Ejiipt, chalen aj junqmay chihab', maajoq'e te'ok sa' li na'ajej inyeechi'om chi anchal linch'ool re laj Abrahán, laj Isahak ut laj Jakob, xb'aan naq ink'a' k'ojk'ookeb' xch'ool chiwix.

Génesis 12:8

Moqon ki'elk aran ut kiq'axonk sa' li tzuul chi xk'atq Betel, sa' xjayal releb'l li saq'e, ut kixk'ojob' li xmuheb'aal sa' xyanq Betel, li wank sa' rokeb'l saq'e, rik'in Ay sa' xjayal releb'l saq'e. Aran kixyiib' jun li artal re li Qaawa' ut kixyaab'a xk'ab'a'.

Hebreos 11:13

Sa' li paab'aal ke'kamk chixjunileb' a'an, chi ink'a' koxe'xtaw li yeechi'inb'il chaq reheb': ka'ajwi' ke'ril toj chi najt, ke'saho'k sa' xch'ool ut ke'xye naq li ruuchich'och' a'in maawa' tz'aqal li xna'ajeb', yal aj numeleb' b'an arin.

Romanos 9:8

Naraj naxye: maawa'eb' ralal xk'ajol li Yos eb' li yal tz'ejwalej ke'yo'laak wi'; ka'ajwi' li yo'lajenaqeb' sa' xk'ab'a' li xyeechi'om li Yos, a'aneb' tz'aqal li k'eeb'ileb' sa' ajl cho'q ralal xk'ajol laj Abrahán.

Génesis 22:9

Naq ke'wulak sa' li na'ajej kixye li Yos, laj Abrahán kixyiib' jun li artal ut kixtus li si' sa' xb'een; chirix a'an kixb'ak' laj Isahak li ralal ut kixk'e sa' xb'een li artal, sa' xb'een li si'.

Génesis 17:3

Toja' naq laj Abrán kixhupub' rib' ut ki'aatinaak xb'aan li Qaawa' chi jo'ka'in:

Génesis 15:18

Sa' li kutan a'an li Qaawa' kixk'ojob' jun Sumwank rik'in laj Abrán: “Xink'e li ch'och' a'in reheb' laawalal aak'ajol chalen chaq sa' li nima' re Ejiipt toj sa' li nimla nima', a' li Éwfrates.

Gálatas 4:28

Ex was wiitz'in, laa'ex ralal xk'ajolex li xyeechi'om li Yos kama' laj Isahak.

Deuteronomio 30:20

Chara li Qaawa' laaYos, chawab'i li xyaab' xkux ut chapchooqat rik'in, xb'aan naq aran wank laayu'am. Chi jo'kan taanajto'q roq laayu'am sa' li ch'och' kixyeechi'i li Qaawa' reheb' laaxe'toonil yuwa', laj Abrahán, laj Isahak ut laj Jakob”, chan laj Moisés.

Deuteronomio 6:10

“Naq akaq xatroksi li Qaawa' laaYos sa' li ch'och' kixyeechi'i reheb' laaxe'toonil yuwa', a' laj Abrahán, laj Isahak ut laj Jakob, misachk sa' aach'ool li Qaawa'. A'an tixk'e aawe xninqal ut xsahilal ru tenamit ink'a' k'ojob'anb'ileb' aab'aan;

Deuteronomio 1:8

Ilomaq: laa'in xinq'axtesi li ch'och' a'an sa' eeruq'. Ayuqex ut eechaniiq li na'ajej li kixyeechi'i li Qaawa' sa' jurament reheb' leexe'toonil yuwa' laj Abrahán, laj Isahak ut laj Jakob, jo'wi' reheb' li ralal xk'ajoleb'», chan li Qaawa'.

Éxodo 6:3

Xink'ut wib' jo' Nimajwal Yos chiru laj Abrahán, laj Isahak ut laj Jakob, ab'anan ink'a' xink'eheb' chixnaw lintz'aqal k'ab'a': a' li Qaawa'.

Génesis 33:20

Chirix chik a'an kixwaklesi jun li artal, ut “El, xYos laj Israel” kixk'e cho'q xk'ab'a'.

Génesis 28:13

Kiril ajwi' li Qaawa' wan chaq sa' xb'een li taqleb'aal ut kirab'i li aatin a'in: “Laa'in li Qaawa', xYos laj Abrahán laayuwa' ut xYos laj Isahak. Li ch'och' sotsookat wi' tink'e aawe ut reheb' laawalal aak'ajol.

Génesis 26:3

Wanqat jo' aj numel sa' li ch'och' a'in ut laa'in tatintenq'a ut tatwosob'tesi, xb'aan naq aawe ut reheb' laawalal aak'ajol tink'e chixjunil li na'ajej a'in, ut wank sa' inch'ool li jurament li kinb'aanu rik'in laj Abrahán laayuwa'.

Génesis 8:20

Chirix a'an laj Noé kixyiib' jun li artal re li Qaawa', kixchapeb' li chaab'ileb' xul li neke'b'eek jo' ajwi' li neke'rupupik, ut kixyeechi'i jo' k'atb'il mayej sa' xb'een li artal.

Hechos 7:5

ab'an maak'a' kixk'e chireechani arin, chi moko jun k'utub'aq li ch'och', kixyeechi'i b'an xk'eeb'al li ch'och' a'an toj moqon chik cho'q xna'aj, ut chirix chik a'an cho'q xna'ajeb' li ralal xk'ajol, us ta toj maak'a'eb' xkok'al.

Hebreos 11:8

Sa' xk'ab'a' li xpaab'aal laj Abrahán kixpaab' li Yos naq kib'oqe'k chi xik sa' li na'ajej li tixk'ul cho'q re, ut ki'elk chi ink'a' naxnaw b'ar ta yo chi xik.

Génesis 24:7

Li Qaawa', li xYos li choxa, li ki'isink chaq we sa' rochoch linyuwa' ut sa' lintenamit, kinraatina ut kixye we rik'in jurament: «A'eb' laawalal tink'e wi' li na'ajej a'in». Ut a'an tixtaqla li x'ánjel k'amolb'ehaq chawu re naq aran taak'am chaq rixaqil li walal.

Éxodo 6:4

Xink'ojob' ajwi' jun Sumwank rik'ineb' ut xinye li waatin naq tink'e reheb' li tenamit Kanahán, a' li ch'och' ke'xb'eeni chaq jo' aj numeleb'.

Éxodo 32:13

Jultikaq aawe laj Abrahán, laj Isahak ut laj Israel, aj k'anjeleb' chawu, li kayeheb' wi' li jurament a'in: «Tink'e chi k'ihank leeralal eek'ajol jo' xk'ihaleb' li chahim sa' choxa. Chixjunil li ch'och' a'in li xinyeechi'i eere, tink'e reheb' leeralal eek'ajol, ut eb' a'an te'eechaninq re chi junajwa»”.

Deuteronomio 9:5

Moko xb'aan ta naq aak'ulub', chi moko xb'aan xtiikilal laach'ool toxaaweechani li xch'och'eb'. Li Qaawa' taa'isinq reheb' chawu, xb'aan naq moko us ta li xb'aanuhomeb' li tenamit a'an. Chi jo'kan tixpaab' li aatin xyehom reheb' laaxe'toonil yuwa', a' laj Abrahán, laj Isahak ut laj Jakob.

Deuteronomio 34:4

Ut li Qaawa' kixye re laj Moisés: “A'an a'in li ch'och' li kinyeechi'i sa' jurament re laj Abrahán, laj Isahak ut laj Jakob, naq kinye: A'eb' laawalal aak'ajol tink'e wi'. Xink'e chawil rik'in aawu, ab'anan ink'a' tat-ok chisa'”, chan li Yos.

1 Crónicas 16:16

naq kixk'e rib' sa' aatin rik'in laj Abrahán ut ki'aatinak sa' jurament rik'in laj Isahak.

Génesis 13:17

Xaqlin, suti li ch'och' jo' najtil li roq ut jo' xnimal li ru, xb'aan naq aawe tink'e”, chan li Qaawa'.

Génesis 28:4

A'an chixk'e taxaq aawe li rosob'tesinkil laj Abrahán ut chixk'e ajwi' reheb' laawalal aak'ajol, re naq taaweechani li ch'och' b'arwi' wankat jo' aj numel, a' li kik'ehe'k re laj Abrahán xb'aan li Yos”.

Génesis 35:7

Aran kixyiib' jun li artal ut “Yos re Betel” kixk'e cho'q xk'ab'a' li na'ajej a'an, xb'aan naq aran li Yos kixk'utb'esi rib' chiru naq yo chi elelik chiru li ras.

Génesis 35:12

Li ch'och' li xink'e re laj Abrahán ut re laj Isahak tinq'axtesi aawe jo' ajwi' reheb' laawalal aak'ajol chirix laakamik”.

Génesis 50:24

Sa' jun kutan laj José kixye reheb' li ras: “Kamk we, ab'anan ch'olch'o naq li Yos tulextenq'a ut texrisi sa' li tenamit a'in, re texxik sa' li ch'och' kixyeechi'i rik'in jurament re laj Abrahán, laj Isahak ut laj Jakob”.

Éxodo 17:15

Moqon laj Moisés kixyiib' jun li artal, ut “Qaawa' Nisí” kixk'e cho'q xk'ab'a';

Éxodo 24:4

Toja' naq laj Moisés kixtz'iib'a chixjunil li raatin li Qaawa' ut, naq kiwakliik eq'la, kixyiib' jun li artal sa' xtoon li tzuul ut kixxaqab' kab'laju chi ninqi pek sa' xk'ab'a' li kab'laju xteepaleb' aj Israel.

Números 26:53

“Sa' xyanqeb' a'an taajachi li ch'och' re te'reechani, jo' chanru xe'ajlamank.

Josué 1:6

Kaw xaqxooqat sa' laak'anjel ut matxiwak, xb'aan naq laa'at tatjek'oq re li ch'och' cho'q re li tenamit a'in, a' li ch'och' kinyeechi'i sa' jurament reheb' li xxe'toonil yuwa'eb'.

Josué 8:30

Toja' naq laj Josué kixyiib' jun li artal cho'q re li Qaawa', xYos laj Israel, sa' xb'een li tzuul Ebal,

Josué 22:10

Ut naq eb' laj Rubén, eb' laj Gad ut li xyiijachil xteepal laj Manasés ke'wulak sa' li xnub'ajl Kanahán, nach' rik'in li nima' Jordán, ke'xxaqab' jun nimla artal, k'ajo' xchaq'al ru na'ilok.

Jueces 6:24

Toja' naq laj Jedehón kixyiib' sa' li na'ajej a'an jun li artal cho'q re li Qaawa', ut li Qaawa'-Tuqtuukilal kixk'e cho'q xk'ab'a'. Li artal a'an toj wank anaqwan aran Ofrá, xtenamiteb' laj Abiéser.

1 Samuel 7:17

Chirix chik a'an nasutq'iik chaq Ramá, b'arwi' wank li rochoch ut naxb'eresiheb' laj Israel. Laj Samuel kixxaqab' ajwi' jun li artal cho'q re li Qaawa' aran Ramá.

2 Samuel 24:25

ut aran kixxaqab' jun x'artal li Qaawa' ut kixk'e li xk'atb'il mayej jo'wi' li xyeechi'om re xk'amb'aleb' rib' sa' usilal rik'in li Yos. Toja' naq li Qaawa' kirab'i li elajink chirix li na'ajej ut kirisi li raxkamk sa' xb'eeneb' laj Israel.

1 Reyes 18:32

Chiruheb' li pek a'an kixyiib' jun li artal sa' xk'ab'a' li Qaawa', ut chi xsutam kixb'ek jun roqha' li b'arwi' taa'ok raj tana wiib'aq kuk chi riyajil li triiw.

1 Crónicas 16:18

naq kixye: «Tink'e aawe li tenamit Kanahán, ut tinsi aawe cho'q aaweechanihom», chan.

2 Crónicas 20:7

At qaYos, laa'at kat-isink reheb' li wankeb' sa' li na'ajej a'in naq ke'ok arin eb' laj Israel laatenamit, ut kak'e chireechani chi junajwa re laj Abrahán laawamiiw.

2 Crónicas 20:11

K'e reetal chanru nokoohe'xq'ajkamu: xe'chalk chi qisinkil sa' li qana'aj aak'ehom qe!

Esdras 3:2

Toja' naq laj Josué, ralal laj Josadak, rochb'eeneb' laj tij jo'wi' laj Sorobabel, ralal laj Sehaltiel, ut eb' li rech'alal, ke'ok chi xyiib'ankil li x'artal li xYos laj Israel, re te'xmayeja li k'atb'il yeechi'om, jo' tz'iib'anb'il sa' li xChaq'rab' laj Moisés, li xtaql li Yos.

Jeremías 3:18

“Chiruheb' li kutan a'an eb' laj Israel ut eb' laj Judá te'wanq chik sa' junajil, ut sa' wiib'al chik te'chalq sa'eb' li na'ajej wankeb' chaq sa' xjayal releb'l iq' ut tole'okaq sa' li ch'och' ink'ehom chi reechani eb' leexe'toonil yuwa'.