Génesis 12:11 - Q'eqchi Bible

¹¹ Naq yo chi nach'ok Ejiipt, kixye re xSaray li rixaqil: “Ab'i, ninnaw naq laa'at ch'ina'usil ixq.

Li Santil hu

¹¹ Ut nak yo̱ chi nachꞌoc riqꞌuin li tenamit Egipto, laj Abram quixye re li rixakil: —At Sarai, ninnau nak la̱at kꞌaxal chꞌinaꞌusat.

Génesis 12:11 ပူးပေါင်းရင်းမြစ်များ

Génesis 26:7

Ut naq eb' li wankeb' aran ke'patz'ok chirix li rixaqil, laj Isahak kixye: “A'an li wanab'”, chan. Xb'aan naq naxiwak chi xyeeb'al naq lix Rebeka a'an rixaqil; mare anchal taakamsiiq xb'aaneb' li wankeb' aran, xb'aan naq ch'ina'usil ixq lix Rebeka.

Proverbios 21:30

Chiru li Qaawa' maak'a' na'ok wi' li chaab'il na'leb', li seeb'al k'a'uxej ut li na'leb'ak.

Génesis 29:17

Lix Liiy wara wara rix ru, ut lix Rakel chaq'al ru ut ch'ina'us na'ilok.

Génesis 12:14

Naq ki'ok laj Abrán Ejiipt, eb' laj Ejiipt ke'ril naq q'axal ch'ina'us li ixq.

Cantares 1:14

Linrahom chanchan sununkil b'an li nachalk sa' li awimq re En-gadi.

2 Samuel 11:2

Sa' jun ewu naq kiwakliik chaq laj David sa' xwarib'aal ut yo chi b'eek sa' li xtaqeq'il li rochoch, toj aran taqe'q kiril chaq jun li ixq yo chi atink. K'ajo' xch'ina'usal li ixq a'an.

Génesis 20:2

Aran laj Abrahán naxye naq lix Sara, li rixaqil, a'an ranab'. Jo'kan naq li awab'ej re Kerar, aj Abimélek xk'ab'a', kixtaqla xk'amb'al lix Sara.

Génesis 24:16

Li ixqa'al a'an q'axal ch'ina'us rilb'al, toj tuq'ixq, maji' wanjenaq rik'in winq. Kikub'eek sa' li ha', kixnujob'resi li xkuk ut kitaqe'k chaq.

Génesis 6:2

Eb' li ralal xk'ajol li Yos ke'ril naq q'axal ch'ina'useb' li xrab'ineb' li winq ut ke'xk'ameb' cho'q rixaqil, jo'k'ihaleb' ke'wulak chiruheb'.

Génesis 20:13

Ut chalen naq li Yos xinxk'e chi xb'eeninkil wib' chi najt rik'in linyuwa', ninye re: B'aanu usilal: yalaq b'ar toxoo'okaq, chayehaq naq laa'in aawas”.

1 Samuel 25:3

Li winq a'an aj Nabal xk'ab'a', ut li rixaqil x'Abigahil xk'ab'a'. Li ixq wank xna'leb' ut xchaq'al ru na'ilok, ab'an li xb'eelom josq' ut ink'a' us xna'leb', xkomoneb' laj Kaleb.

1 Reyes 1:4

K'ajo' xch'ina'usal li tuq'ixq. A'an na'ilok re ut nak'anjelak chiru, ab'anan li awab'ej ink'a' kiwank rik'in.

Proverbios 29:25

Li naxiwak chiruheb' li winq, a'an naxsach rib'; ab'an li k'ojk'o xch'ool rik'in li Qaawa', maak'a' rahilal tixk'ul.