Génesis 12:1 - Q'eqchi Bible

¹ Li Qaawa' kixye re laj Abrán: “Elen sa' laana'aj, sa' xyanqeb' laakomon, sa' rochoch laayuwa', ut ayu sa' li na'ajej tink'ut chawu.

Li Santil hu

¹ Li Ka̱cuaꞌ Dios quixye re laj Abram: —Tat-e̱lk saꞌ li naꞌajej aꞌin. Ta̱canabeb la̱ cuechꞌalal ut ta̱canab ajcuiꞌ rochoch la̱ yucuaꞌ. Ut tatxic saꞌ li naꞌajej li tincꞌut cha̱cuu la̱in, chan.

Génesis 12:1 ပူးပေါင်းရင်းမြစ်များ

Hebreos 11:8

Sa' xk'ab'a' li xpaab'aal laj Abrahán kixpaab' li Yos naq kib'oqe'k chi xik sa' li na'ajej li tixk'ul cho'q re, ut ki'elk chi ink'a' naxnaw b'ar ta yo chi xik.

Nehemías 9:7

“At Qaawa', laa'at li Yos li kasik' ru laj Abrán: kawisi aran Ur sa' xteepal Kaldeha, ut Abrahán chik kak'e cho'q xk'ab'a'.

Isaías 51:2

K'ehomaq reetal laj Abrahán, leeyuwa', ut lix Sara, li ki'alank eere. Naq laa'in kinb'oq chaq laj Abrahán, a'an jun chirib'il rib'; ab'anan kiwosob'tesi ut kink'ihob'resi.

Génesis 15:7

Ut li Yos kixye re: “Laa'in li Qaawa' li kin'isink chaq aawe sa' li tenamit Ur, sa' xteepal Kaldeha, re xk'eeb'al li ch'och' a'in cho'q aana'aj”.

Ezequiel 33:24

“At kaamel winq, eb' li wankeb' sa' xyanq li po'lem, sa' xteepal Israel, yookeb' chi xyeeb'al: «Laj Abrahán a'an jun ajwi' chi winq ut kireechani li na'ajej a'in. Ma toja' ta chik laa'o toxqeechani li na'ajej xb'aan naq naab'alo», chankeb'.

2 Corintios 6:17

Jo'kan utan, “elenqex sa' xyanqeb' ut jek'omaq eerib' rik'ineb', chan li Qaawa'. Meech'e' li k'a'aq re ru tz'ajn ru. Toja' naq laa'in texink'ul:

Isaías 41:9

Laa'in kin'isink chaq aawe toj sa' xmaril li ruuchich'och', katinb'oq chaq toj sa' li na'ajej jwal najt ut kinye aawe: “Laa'at aj k'anjel chiwu”. Laa'in insik'om chaq aawu ut ink'a' katintz'eqtaana.

Apocalipsis 18:4

Moqon kiwab'i jun chik xyaab' kuxej yo chi xyeeb'al sa' choxa: “Elenqex chaq Babilonia, ex intenamit: mare anchal tex'okenq sa' li xmaakeb' ut toxexxtaw li xrahilaleb'.

Génesis 20:13

Ut chalen naq li Yos xinxk'e chi xb'eeninkil wib' chi najt rik'in linyuwa', ninye re: B'aanu usilal: yalaq b'ar toxoo'okaq, chayehaq naq laa'in aawas”.

Génesis 24:4

tatxik b'an sa' lintenamit, chi xtz'aamankil rixaqil laj Isahak li walal, rik'ineb' linkomon”.

Génesis 26:2

Ab'an li Qaawa' kixk'ut rib' chiru ut kixye re: “Matkub'ek Ejiipt, ayu b'an Kerar, sa' xtenamit laj Abimélek, awab'ej re Filistea.

Isaías 37:12

Ma ke'kole'k tab'i' xb'aaneb' li xyos eb' li tenamit li ke'sache'k ru xb'aaneb' linxe'toonil yuwa': a' li tenamit Gosán, Harán, Résef ut eb' laj Eden li wankeb' sa' xteepal Telasar?

Génesis 24:7

Li Qaawa', li xYos li choxa, li ki'isink chaq we sa' rochoch linyuwa' ut sa' lintenamit, kinraatina ut kixye we rik'in jurament: «A'eb' laawalal tink'e wi' li na'ajej a'in». Ut a'an tixtaqla li x'ánjel k'amolb'ehaq chawu re naq aran taak'am chaq rixaqil li walal.

Génesis 24:38

tatxik b'an sa' rochoch linyuwa', rik'ineb' linkomon, chi xtz'aamankil rixaqil li walal».

Números 10:30

Kichaq'ok laj Jobab: “Ink'a' tinxik cherix, tinsutq'iiq b'an sa' lintenamit ut sa' xyanqeb' linkomon”, chan.