Génesis 10:5 - Q'eqchi Bible

⁵ Rik'ineb' a'in ke'xtikib' tenamito'k eb' li na'ajej sutsuukeb' xb'aan li palaw. A'aneb' a'in li ralal laj Jafet, ak xna'aj xna'aj, ak raatinob'aal raatinob'aal li junjunq, ak riyajil riyajil ut ak xtenamit xtenamit li junjunq.

Li Santil hu

⁵ Eb li ralal xcꞌajol laj Jafet queꞌtam chire li palau. Jalan jala̱nk lix tenamiteb joꞌ eb ajcuiꞌ li ra̱tinoba̱l jalan jala̱nk saꞌ li junju̱nk chi tenamit.

Génesis 10:5 ပူးပေါင်းရင်းမြစ်များ

Sofonías 2:11

Q'axal xiwajel tixb'aanu li Qaawa' reheb' naq chixjunileb' li jalanil yos sa' ruuchich'och' te'kanaaq chi maak'a'aq chik xwankileb', ut chiru chik li Qaawa' te'xwiq'ib' rib' chixjunileb' li na'ajej sutsuukeb' xb'aan li palaw, sa' xna'aj xna'aj li junjunq.

Jeremías 2:10

Ayuqex aran Kitim, sa' li tenamit wank sa' sutha', ut ilomaq chaq; taqlahomaq junaq aj tz'ilol rix aatin aran Kedar, re naq teenaw ma kik'ulmank jun sutaq jo' xeb'aanu laa'ex.

Jeremías 25:22

chixjunileb' li awab'ej re Tiro ut Sidón; eb' li awab'ej li wankatqeb' chaq chire li palaw;

Isaías 42:4

Ink'a' taahilanq chi moko taach'inanq xch'ool toj reetal tixk'ojob' li k'ulub'ej junsut junrub'el choxa. Ut rik'in a'an xaqxooq li royb'enihomeb' li tenamit sutsuukeb' chi ha'.

Génesis 10:20

A'aneb' a'in li ralal laj Kam, ak riyajil, ak raatinob'aal, ak xna'aj ut ak xtenamit li junjunq.

Isaías 60:9

A'aneb' li jukub' li xe'chalk wik'in, k'amolb'eheb' chaq li jukub' re Tarsis; toj najt xe'xk'ameb' chaq laawalal aak'ajol rochb'eeneb' chaq xplaat ut li x'oor, sa' xk'ab'a' li Qaawa' laaYos, li xSant laj Israel, li nak'ehok aaloq'al.

Isaías 59:18

Li Qaawa' tixq'ajkamu li junjunq jo' chanru li xk'ulub': tixrahob'tesiheb' laj rahob'tesinel ut taa'eeqajunq sa' xb'eeneb' li xik' neke'ilok re, sa' xb'eeneb' ajwi' li tenamit sutsuukeb' xb'aan li palaw.

Isaías 51:5

Ak xnach'ok chaq linraqb'a aatin, chi seeb' taachalq linkolb'a ib', ut rik'in linwankil tinjolomiheb' li tenamit. Wik'in neke'oyb'enink li tenamit wankeb' chaq chire li palaw, ut kaweb' xch'ool rik'in linwankilal.

Isaías 49:1

Ab'ihomaqin, ex tenamit li wankex chaq chire li palaw, k'ehomaq reetal, laa'ex li wankex chaq chi najt. Li Qaawa' kinxb'oq chaq naq toj wankin rik'in linna' ut kixye link'ab'a' naq toj maji' ninyo'laak.

Isaías 42:10

B'ichahomaq junaq ak' b'ich cho'q re li Qaawa'; k'ehomaq xloq'al laa'ex li wankatqex chaq sa' xmaril li ruuchich'och', laa'ex li nekexxik chiru li palaw jo'wi' chixjunil li wank chisa', eb' li na'ajej sutsuukeb' chi ha' ut eb' li xpoyanamil.

Isaías 41:5

Ex tenamit li wankatqex chire li palaw, ilomaq ut chexxiwaq; chesiksiki eerib', ex xnub'ajlil li ruuchich'och'. Jilonqex chaq ut chalqex.

Isaías 40:15

Chiru li Qaawa' eb' li tenamit chanchaneb' jun tz'uqul chi ha' sa' junaq sek', kama' wi' junaq ru li pojtz' sa' li peex; eb' li na'ajej sa' xyi li palaw jo' raalal li xk'aj li pek.

Isaías 24:15

Jo'kan ajwi' sa' xjayal releb'l saq'e ut sa'eb' li tenamit wankeb' sa' sutha', taaterq'usiiq xk'ab'a' li Qaawa', li xYos laj Israel.

Salmos 72:10

Eb' li awab'ej re Tarsis ut li wankeb' sa' xyi li palaw che'xk'ameb' chaq xsimaatan. Eb' li awab'ej re Sabá ut Sebá che'xk'e xtojeb'.

Génesis 10:25

Laj Eber kiwank wiib' li ralal: li xk'ab'a' li xb'een a'an laj Pélej, xb'aan naq sa'eb' li kutan a'an eb' li poyanam ke'xjach rib' sa' ruuchich'och'; ut li xk'ab'a' li riitz'in, a'an laj Joktán.

Génesis 10:4

A'aneb' a'in li ralal xk'ajol laj Jabán: laj Elisá, laj Tarsis, laj Kitim ut laj Rodanim.

Génesis 10:6

A'aneb' a'in li ralal xk'ajol laj Kam: laj Kus, laj Misrahim, laj Put ut laj Kanahán.

Ezequiel 26:15

“Laa'in, li Qaawa', ninye re li tenamit Tiro: Eb' li tenamit wankatqeb' sa' sutha' te'xiwaq naq te'rab'i laasachik. K'ajo'aq xyaab'eb' li poyanam li te'tiq'e'q ut te'kamsiiq chi ch'iich'.

Ezequiel 26:18

Anaqwan xsache'k aawu ut k'ajo' neke'siksotk eb' li tenamit sutsuukeb' chi ha'. Anaqwan xat-oso'k, ut eb' li tenamit li wankeb' chire li palaw yookeb' xxiw».

Daniel 11:18

Moqon chik taaxik chi yalok rik'ineb' li tenamit wankeb' sa' sutha' ut naab'aleb' li taareechani; ab'anan jun xjolomileb' laj puub' taaq'axoq ru ut tixram li xutaanal b'aanuhem a'in, chi ink'a' chik tixkuy xsumenkil.

Génesis 9:19

A'aneb' a'in li oxib' chi ralal laj Noé, ut rik'ineb' a'in kitenamito'k wi' chik li ruuchich'och'.

Génesis 10:32

A'aneb' a'in li tenamit li ke'yo'laak sa' riyajil li ralaleb' laj Noé, jo' chanru li xyo'lajikeb' ut li xteepaleb'. Rik'ineb' a'in ke'xtikib' pukank eb' li tenamit sa' xb'een li ruuchich'och', naq ak xnume'k li b'ut'iha'.

Deuteronomio 32:8

Naq li Nimajwal Yos kixjek'i xch'och'eb' li junjunq chi tenamit, naq kixjek'i xna'ajeb' li ralal xk'ajol laj Adán, kixxaqab' xnub'ajlil chixjunileb' li tenamit, a' yaal chanru xk'ihaleb' li ralal xk'ajol li Yos.

Ester 10:1

Laj Asuero li awab'ej kixtitz' xtoj chixjunileb' li tenamit li wankeb' rub'el xwankil, jo' chi ch'och'el ut chiru palaw.

Isaías 11:11

Chiru ajwi' li kutan a'an li Qaawa' tixk'ut li xnimal xwankil re xkolb'al li rela' li xtenamit: taarisiheb' chaq aran Asiria ut Ejiipt, Patros, Etiopía, Elam, Senahar, Jamat ut sa'eb' li na'ajej sutsuukeb' xb'aan li palaw.