Génesis 1:9 - Q'eqchi Bible

⁹ Toja' naq li Yos kixye: “Chixjunaji rib' li ha' li wank rub'el li choxa sa' junaj chi na'ajej ut chik'utunq li chaqi ru”. Ut jo'kan ki'uxk.

Li Santil hu

⁹ Ut li Dios quixye: —Chichꞌutla̱k chixjunil li haꞌ li cuan takꞌa ut chicana̱k chi chaki li chꞌochꞌ, chan. Ut quicꞌulman joꞌ quixye li Dios.

Génesis 1:9 ပူးပေါင်းရင်းမြစ်များ

2 Pedro 3:5

Ink'a' neke'raj xtawb'al ru naq ak junxil chaq kiwank li choxa jo'wi' li ch'och' li ki'elk chaq sa' ha', a' li k'ojob'anb'il sa' xyanqeb' li ha' xb'aan Raatin li Yos.

Jonás 1:9

Kichaq'ok laj Jonás ut kixye: “Laa'in aj Hebreo, ut ninloq'oni ru li Qaawa', li xYos li choxa, laj Yoob'tesihom re li palaw ut li ruuchich'och'”, chan.

Jeremías 5:22

Ma ink'a' nekexiwa wu laa'in? -chan li Qaawa'-. Ma ink'a' teesiksiki eerib' xb'aan eexiw chiwu? Laa'in kink'e li samahib' cho'q xramleb' li palaw, a'an jun nub'ajl li ink'a' naru xq'axb'al. Us ta te'wakliiq li xkawil oq li ha' ut kaw te'eek'anq, ab'an ink'a' te'nume'q sa' xb'een.

Salmos 95:5

Re a'an li palaw, xb'aan naq a'an kiyiib'ank re, a'an kipak'ok re chixjunil li ruuchich'och'.

Eclesiastés 1:7

Chixjunileb' li nima' neke'xik sa' palaw, ut neke'sutq'iik wi' chik sa' li xyo'leb'aaleb' re xik wi' chik sa' li palaw; ab'an li palaw maajaruj nanujak.

Salmos 33:7

Naxch'utub' xha'el li palaw kama' sa' junaq kuk, ut naxk'eheb' sa' xna'aj xk'ihaleb' xchamal li ha'.

Li xHu LAJ JOB 26:10

Sa' xb'een li palaw kixraq xnub'ajlil li kutan ut li q'oqyink.

Apocalipsis 10:6

ut kixye jurament sa' xk'ab'a' li Yos, li yo'yo chi junelik q'e kutan, a' li kiyoob'tesink re li choxa ut chixjunil li wank chisa', li ruuchich'och' rochb'een chixjunil li wank chisa', li palaw rochb'een chixjunil li wank chisa'. Kixye chi jo'ka'in: “Maak'a' chik b'ayk!

Salmos 104:3

ut kayiib' laamuheb'aal sa' xb'eeneb' li ha'. Kak'eheb' li choql cho'q aab'eleb'aal ch'iich', ut nakatb'eek sa' xb'een xxik'eb' li iq'.

Li xHu LAJ JOB 26:7

Li Qaawa' kixhel li choxa sa' xb'een li yamyo ut kixk'ojob' li ruuchich'och' sa' xna'aj chi maak'a' nakuutunk re.

Génesis 1:8

Li Yos “choxa” kixk'e cho'q xk'ab'a' li kupku. Ki'ewuuk ut kisaqewk: a'an li xkab' li kutan.

Nehemías 9:6

Toja' naq laj Esdras kixye: “At Qaawa', ka'jat wi' li Yos! Laa'at katyiib'ank re li xnimal li choxa ut chixjunileb' li chahim. Laa'at aj Winqob'resihom re li choxach'och' ut chixjunil li wank chisa'; laa'at katyiib'ank re li palaw ut jo'ch'inal jo'nimal yo'yo sa' xchamal. Laa'at xyo'leb'aal li yu'am; jo'kan naq nakate'xloq'on eb' li chahim sa' choxa.