Génesis 1:6 - Q'eqchi Bible

⁶ Kixye li Yos: “Chiwanq taqe'q jun li kupku sa' xyanqeb' li ha' re tixjacheb' chirib'il rib'”.

Li Santil hu

⁶ Ut li Dios quixye: —Chicua̱nk li choxa re tixjach li haꞌ li cuan takꞌa riqꞌuin li cuan takecꞌ.— Ut quicꞌulman joꞌ quixye li Dios.

Génesis 1:6 ပူးပေါင်းရင်းမြစ်များ

Li xHu LAJ JOB 37:18

Ma xatenq'a tab'i' li Yos chi xyiib'ankil li choxa, chi xhelb'al li choxa sa' xna'aj, jo' jun perel chi ch'iich' li nalemtz'unk?

Jeremías 51:15

Li Qaawa' kixk'uub' li ruuchich'och' rik'in li xwankil; kixk'ojob' sa' xna'aj li choxach'och' rik'in li xseeb'al xk'a'uxl ut kixhel ru li choxa rik'in li xnimal xnawom.

Salmos 33:6

Xb'aan raatin li Qaawa' ki'uxk li choxa; rik'in li xmusiq' kiyoob'tesiik chixjunil li wank chisa'.

Salmos 104:2

ut sutsuukat xb'aan li kutan saqenk. Kahel li choxa kama' nahelmank junaq t'ikr,

Salmos 33:9

Xb'aan naq ki'aatinak, ut jo'kan ki'uxk; ki'ok chi taqlank, ut kiyaalo'k chixjunil.

Salmos 148:4

At choxa li jwal nim aateram, jo'wi' at ha' li wankat sa' xb'een li choxa, chenima ru li Qaawa'.

Zacarías 12:1

A'an a'in li raatin li Yos chirix li tenamit Israel. Li Qaawa', li kihelok re li choxa ut kik'ojob'ank re li ruuchich'och' sa' xna'aj, li kik'ehok xyu'am li winq ut li ixq, a'an kixye chi jo'ka'in:

Salmos 19:1

Re li xjolomileb' laj b'ichanel. Xsaalm laj David.

Génesis 1:20

Kixye li Yos: “Chib'ulb'utq li ha' xb'aaneb' li xul, ut che'rupupiq li xik'anel xul sa' xb'een li ruuchich'och' ut chiru choxa”.

Li xHu LAJ JOB 26:13

Kixyamtesi li choxa yal rik'in li xmusiq'; rik'in ruq' kixkamsi li xiwajel xk'anti' li palaw.

Salmos 150:1

Aleluya! Chenima ru li Qaawa' sa' li xloq'laj ochoch, chek'ehaq xloq'al li Qaawa' sa' li choxa, li reetalil li xwankil.

Li xHu LAJ JOB 37:11

Rik'in raatin li Yos eb' li choql neke'nujak chi hab' ut neke'xik yalaq b'ar rochb'een li raq'kaaq.

Eclesiastés 11:3

Wi q'eqmoyink ru li choql, nachalk li hab' sa' xb'een li ch'och'. Naq nat'ane'k junaq che', juntaq'eet wi nat'ane'k sa' xjayal releb'l iq' malaj junpak'al: li na'ajej taat'ane'q wi', aran tkanaaq.

Génesis 1:14

Toja' naq kixye li Yos: “Che'wanq xsaqenkil li choxa re te'xjach li kutan rik'in li q'oqyink. Te'k'anjelaq cho'q reetalil li ninq'e, li kutan ut li chihab',

Jeremías 10:10

A'ut li Qaawa' a'an li tz'aqal Yos: A'an li yo'yookil Yos ut li Rey wank chi junelik. Naq najosq'o'k li Qaawa', nahich'hotk li ruuchich'och'; ut eb' li tenamit ink'a' neke'xkuy li xjosq'il li Yos.

2 Pedro 3:5

Ink'a' neke'raj xtawb'al ru naq ak junxil chaq kiwank li choxa jo'wi' li ch'och' li ki'elk chaq sa' ha', a' li k'ojob'anb'il sa' xyanqeb' li ha' xb'aan Raatin li Yos.

Isaías 40:22

K'ojk'o chaq li Yos sa' xb'een li ruuchich'och', ut eb' li poyanam li wankatqeb' chisa' kama'eb' laj saak'. A'an xhelok re li choxa jo' junaq t'ilkem, ut xkupu ru jo' junaq muheb'aal re hilank chisa'.

Salmos 19:2

Li choxa naxye resil xloq'al li Qaawa', chixjunil li wank taqe'q naxpuktesi li xninqal ru xb'aanuhom.