Génesis 1:26 - Q'eqchi Bible

²⁶ Toja' naq kixye li Yos: “Qayoob'tesihaq li poyanam jo' qajalam u, jo' qilob'aal laa'o, re taataqlanq sa' xb'eeneb' li kar sa' palaw, sa' xb'eeneb' li xul neke'rupupik chiru choxa ut li wankeb' sa' k'iche', sa' xb'eeneb' li ketomq ut sa' xb'eeneb' chixjunileb' li xul neke'xjukuki rib' chiru ch'och'”.

Li Santil hu

²⁶ Ut quixye ajcuiꞌ li Dios: —Kayoꞌobtesihak li cui̱nk joꞌ li kiloba̱l la̱o. Ut aꞌan ta̱cua̱nk xcuanquil saꞌ xbe̱neb chixjunileb li xul li cuanqueb saꞌ ruchichꞌochꞌ, joꞌ li car saꞌ li palau ut li xul li nequeꞌrupupic chiru choxa. Ut ta̱cua̱nk xcuanquil saꞌ xbe̱neb li queto̱mk ut li xul li cuanqueb saꞌ pim, joꞌ ajcuiꞌ saꞌ xbe̱n chixjunileb li xul li nequeꞌxjucuqui rib saꞌ chꞌochꞌ, chan li Dios.

Génesis 1:26 ပူးပေါင်းရင်းမြစ်များ

Colosenses 3:10

ut xetiqib' eerib' rik'in li ak' yu'am: ak' winqex chik, ut li Yos junelik na'ak'ob'resink eere toj reetal toxeetaw eena'leb' chi tz'aqal re ru, jo' xjalam u Li kiyoob'tesink eere.

Efesios 4:24

ut tiqtooqex rik'in li Ak' Winq yoob'tesinb'il jo' xjalam u li Yos, sa' li tiikilal ut santilal li nachalk sa' xk'ab'a' li yaal.

Génesis 3:22

Chirix a'an kixye chi jo'ka'in: “Waye' li winq! Qech yosil chik: naxnaw chik li us ut li ink'a' us! Anaqwan mare anchal tixye' li ruq', tixch'oq ru li che' re li yu'am, tixlow ut taawanq xyu'am chi junelik”.

Génesis 5:1

A'aneb' a'in li xk'ab'a'eb' li ralal xk'ajol laj Adán. Sa' li kutan kiyoob'tesiik wi' xb'aan li Yos, laj Adán kik'ehe'k jo' xjalam u li Yos.

Salmos 100:3

Chenawaq naq li Qaawa' a'an Yos, a'an kiyoob'tesink qe ut reho ajwi', laa'o li xtenamit, laa'o xkarneer k'aak'alenb'ilo xb'aan.

2 Corintios 3:18

Chiqajunilo laa'o li naqajalam'uuchi xloq'al li Qaawa' jo' sa' junaq lem chi maak'a' xtz'apb'al li xnaq' qu, yooko chi jalano'k jo' tz'aqal A'an: rajlal yo chi k'ihank li qaloq'al; ut a'in naxb'aanu li Qaawa' xb'aan naq a'an Musiq'ej.

Isaías 64:8

At Qaawa', laa'at li qana' qayuwa', laa'o chanchano li seb' ut laa'at laj pak'ol qe; chiqajunilo laa'o xyiib'ahomo laawuq'.

Colosenses 1:15

Li Kriist a'an li xjalam u li Yos li ink'a' na'ilmank ru. A'an li yo'lajenaq xb'enwa chiru chixjunil li yoob'tesinb'il,

Santiago 3:9

Chiru a'an naqa'usilaatina li Qaawa', li Yuwa'b'ej Yos, ut chiru ajwi' a'an naqamajewaheb' li qas qiitz'in li yoob'tesinb'ileb' cho'q xjalam u li Yos.

2 Corintios 4:4

cho'q reheb' li maak'a' neke'xpaab', xb'aan naq li xyos li ruuchich'och' a'in xmutz'o'b'resi li xk'a'uxeb' re naq ink'a' taalemtz'unq chiruheb' li xsaqenkil li xChaab'il Esil li Kriist nim xloq'al, a'an a'in li xjalam u li Yos.

1 Corintios 11:7

Ink'a' us naq li winq tixlan li xjolom, xb'aan naq a'an xjalam u ut xrepom xloq'al li Yos; ab'an li ixq a'an xloq'al li winq.

Génesis 9:6

“Li tixkamsi junaq winq, taakamsiiq ajwi' a'an xb'aan jalan chik, xb'aan naq jo' xjalam u li Yos naq kiyoob'tesiik li winq.

Eclesiastés 7:29

Ka'ajwi' li na'leb' a'in xintaw ru: naq li Yos xk'e qayu'am chi tz'aqal re ru, ab'an laa'o wank qe naq naqara'le chixjunil.

Hechos 17:26

“Rik'in jun chi winq kixyoob'tesi chixjunileb' li tenamit re naq te'wanq junsut junrub'el choxa. Kixxaqab' li saq'ehil ut li hab'alq'e, jo'wi' li xnub'ajlil li xna'ajeb' li tenamit b'arwi' te'hilanq,

San Juan 14:23

Kichaq'ok li Jesus ut kixye: —Ani narahok we, tixk'e xch'ool chirix li waatin; linYuwa' taarahoq re, toochalq rik'in ut tqak'ojob' qana'aj rik'in.

1 Juan 5:7

Xb'aan naq oxib'eb' li testiiw:

Santiago 3:7

Chixjunil li jar paay chi josq' aj xul, jo' ajwi' eb' li neke'rupupik sa' choxa, eb' li k'anti' ut li wankeb' sa' palaw, naru xtuulanob'resinkileb', ut neke'tuulanob'resiik ajwi' xb'aan li winq.

Isaías 6:8

Ut kiwab'i li Qaawa' yo chaq chi xyeeb'al: “Ani tintaqla? Ani taaxik sa' qak'ab'a' laa'o?”. Laa'in kinye: “Waaye'in arin, at Qaawa'. Taqlahin laa'in”.

Salmos 149:2

Chisaho'q sa' eech'ool chejunilex aj Israel: a'an laj yoob'tesihom eere. Sahoqex laa'ex ralal xk'ajol Sión, xb'aan naq a'an leeRey!

Génesis 11:7

Tinkub'eeq b'i' ut toxinpo' li raatinob'aaleb', re naq ink'a' chik te'xtaw ru li te'xye chirib'ileb' rib'”.

Jeremías 27:6

Ut anaqwan xinq'axtesi chixjunileb' li na'ajej a'in sa' ruq' laj Nabukodonosor, aj k'anjel chiwu, awab'ej re Babilonia, ut xink'eheb' ajwi' eb' li k'iche'il xul re te'k'anjelaq chiru a'an.

Li xHu LAJ JOB 35:10

Ab'an ink'a' neke'xsik' laj Yoob'tesihom reheb'; ink'a' neke'xpatz' li nak'ehok sahilal sa' q'oqyinkil ru honal,

San Juan 5:17

Ab'an li Jesus kixsumeheb' ut kixye: —LinYuwa' toj yo chi k'anjelak anaqwan; jo'kan ajwi' laa'in nink'anjelak.

Hechos 17:20

Xb'aan naq nakatqab'i chi xyeeb'al ak' na'leb' ut tqaj xnawb'al k'aru xyaalal a'in.

Li xHu LAJ JOB 5:23

Eb' li pek sa' li awimq ut li josq' aj xul te'wanq sa' amiiwil aawik'in.

Génesis 2:19

Toja' naq li Qaawa' Yos kixyoob'tesi rik'in ch'och' chixjunileb' li xul li wankeb' sa' li pim ut chixjunileb' li neke'rupupik chiru choxa, ut kixk'ameb' rik'in li winq re rilb'al k'aru tixk'e cho'q xk'ab'a'eb': li k'ab'a'ej li tixk'ul li junjunq chi xul, a'an li taanawe'q wi' ru.

Isaías 45:18

Xb'aan naq jo'ka'in naxye li Qaawa', laj yoob'tesihom re li choxa, A'an tz'aqal Yos, li kik'uub'ank ut kiyiib'ank re li ruuchich'och', ut kixk'ojob' sa' xna'aj; moko kixyiib' ta chi maak'a' xyaalal, re b'an naq taatenamito'q: “Laa'in li Qaawa' ut maak'a' chik junaq chiwu laa'in.

Li xHu LAJ JOB 39:11

Ma taak'ojob' aach'ool rik'in naq jwal kaw xmetz'ew ut yo'oon tatxtenq'a?

Cantares 1:11

Tqayiib' ka'xik oor cho'q aawe, wanq xsahob' ru yiib'anb'il rik'in plaat.