Génesis 1:24 - Q'eqchi Bible

²⁴ Toja' naq kixye li Yos: “Che'wanq chixjunileb' li xul sa' ruuchich'och', a' yaal chanru li xpaayil: ketomq, eb' li xul li neke'xjukuki rib' chiru ch'och' ut eb' li wankeb' sa' k'iche', chixjunileb' a' yaal chanru riyajil li junjunq”. Ut jo'kan ki'uxk.

Li Santil hu

²⁴ Ut quixye ajcuiꞌ li Dios: —Cheꞌcua̱nk yalak cꞌaꞌru chi xulil saꞌ ruchichꞌochꞌ. Cheꞌcua̱nk chixjunileb li xul li nequeꞌcuaꞌac pim. Cheꞌcua̱nk eb li xul li nequeꞌxjucuqui rib chiru chꞌochꞌ. Joꞌ ajcuiꞌ li xul li nequeꞌcuan saꞌ qꞌuicheꞌ. Ut quicꞌulman joꞌ quixye li Dios.

Génesis 1:24 ပူးပေါင်းရင်းမြစ်များ

Li xHu LAJ JOB 40:15

“K'e reetal li Mama' Tixl. Laa'in xinyiib'ank re jo' naq xatinyiib' laa'at. Pim naxwa' jo' li wakax ut li b'ooyx.

Génesis 6:20

Jun sumalaq li junjunq chi xul li neke'rupupik, jun sumalaq li jar paay chi ketomq, jun sumalaq li junjunq chi xul neke'xjukuki rib' chiru ch'och' te'ok aawochb'een re naq te'kole'q.

Génesis 8:19

Ke'elk ajwi' chi ch'uutil sa' li jukub' kab'l chixjunileb' li xul, li ketomq, eb' li xik'anel xul ut li neke'xjukuki rib' chiru ch'och'.

Salmos 148:10

laa'ex josq' aj xul ut chejunilex li ketomq, laa'ex li nekejukuki eerib' chiru ch'och' jo'wi' li nekexrupupik chiru choxa,

Li xHu LAJ JOB 39:5

Ani x'ach'ab'ank re li k'iche'b'uur, ani xkanab'ank re chi xik xjunes?

Génesis 7:14

rochb'eenatqeb' li jar paay chi xulil, chixjunileb' li ketomq, li jar paay chi xul li neke'xjukuki rib' chiru ch'och' ut eb' li neke'rupupik chiru choxa, chixjunileb' li jar paay chi aj xik'anel xul.

Salmos 104:23

Toja' naq naxik li winq sa' li xk'anjel ut naxtawasi rib' toj na'ewuuk.

Salmos 104:18

Eb' li yuk neke'wank sa' xyanqeb' li ninqi tzuul ut eb' li imul neke'xtaw xsokeb' sa'eb' li pek.

Li xHu LAJ JOB 39:19

Ma laa'at tab'i' xatk'ehok xmetz'ew li kawaay, a Job? Ma laa'at tab'i' xawuutz'u'uji li rix xkux rik'in xch'ina'usal li rismal?

Li xHu LAJ JOB 39:9

Ma nakak'oxla laa'at naq li k'iche'wakax naraj k'anjelak chawu, ut tixnumsi li q'oqyink sa' xna'ajeb' li wakax?

Li xHu LAJ JOB 39:1

Mak nakanaw laa'at jo'q'e na'alank li yuk? Ma aawilom junsutaq naq neke'alank li ral li kej?

Génesis 1:23

Ki'ewuuk ut kisaqewk: a'an li ro' li kutan.

Génesis 2:19

Toja' naq li Qaawa' Yos kixyoob'tesi rik'in ch'och' chixjunileb' li xul li wankeb' sa' li pim ut chixjunileb' li neke'rupupik chiru choxa, ut kixk'ameb' rik'in li winq re rilb'al k'aru tixk'e cho'q xk'ab'a'eb': li k'ab'a'ej li tixk'ul li junjunq chi xul, a'an li taanawe'q wi' ru.