Génesis 1:22 - Q'eqchi Bible

²² Li Yos kirosob'tesiheb' ut kixye reheb': “Chex'alanq, chexk'ihanq ut chenujob'resi li ha' sa' palaw. Che'k'ihanq eb' li xik'anel xul sa' ruuchich'och'”.

Li Santil hu

²² Li Dios quirosobtesiheb li xul aꞌan ut quixye reheb: —Chexnabalokꞌ ut chexqꞌuia̱nk. Ut chexcua̱nk saꞌ chixjunil li haꞌ yalak bar. Joꞌ ajcuiꞌ li cocꞌ xul chiru choxa cheꞌqꞌuia̱nk saꞌ ruchichꞌochꞌ.

Génesis 1:22 ပူးပေါင်းရင်းမြစ်များ

Génesis 8:17

Chawisi ajwi' chixjunileb' li jar paay chi xul li wankeb' aawik'in: eb' li neke'rupupik, eb' li ketomq ut eb' li neke'xjukuki rib' chiru ch'och', re naq te'xcha'cha'i rib' yalaq b'ar, te'alanq ut te'k'ihanq sa' ruuchich'och'”.

Salmos 107:38

Li Qaawa' kirosob'tesiheb' ut q'axal ke'k'ihank; ink'a' kixk'e chi lajk eb' li xketomq.

Li xHu LAJ JOB 40:15

“K'e reetal li Mama' Tixl. Laa'in xinyiib'ank re jo' naq xatinyiib' laa'at. Pim naxwa' jo' li wakax ut li b'ooyx.

Génesis 1:28

Li Yos kirosob'tesiheb' ut kixye reheb': “Chiwanq eeralal eek'ajol, chexk'ihanq, chenujob'resi li ruuchich'och' ut chereechanihaq. Chextaqlanq sa' xb'eeneb' li kar sa' palaw, sa' xb'eeneb' li xul li neke'rupupik chiru choxa ut sa' xb'eeneb' chixjunil li xul li neke'xjukuki rib' chiru ch'och'”.

Li xHu LAJ JOB 42:12

Ut li Yos k'ajo' naq kirosob'tesi laj Job; q'axal wi' chik naab'al kixk'e re chiru li kik'ehe'k re junxil: kaalaju mil xkarneer, waqib' mil xkameey, wiib' mil xb'ooyx ut jun mil xb'uur.

Génesis 9:1

Li Yos kirosob'tesi laj Noé ut eb' li ralal xk'ajol, ut kixye reheb': “Chiwanq eeralal eek'ajol, chexk'ihanq ut chenujob'resi li ruuchich'och'.

Proverbios 10:22

Li rosob'tesihom li Qaawa' nab'ihomob'resink ut ink'a' naxk'am chaq rahil ch'oolej.

Salmos 128:3

Laawixaqil chanchanaq jun toon chi uub' li q'axal na'uuchink chi xmu laawochoch. Eb' laawalal aak'ajol chanchanaqeb' xtux li oliiw chi xsutam laameex.

Salmos 107:31

Chexyoxinq chiru li Qaawa' xb'aan naq aj rahonel, rik'inatq li sachb'ach'oolej kixb'aanu cho'q reheb' chixjunil.

Levítico 26:9

Laa'in tinb'aanu usilal eere ut texink'e chi k'ihank; junelik xaqxooq xwankil linSumwank eerik'in.

Génesis 35:11

Chirix chik a'an kixye: “Laa'in li Nimajwal Yos. Chiwanq aawalal aak'ajol ut chatk'ihanq. Jun tenamit ut xk'ihaleb' li poyanam te'yo'laaq aawik'in, ut wankeb' awab'ej te'elje'q aawik'in.

Génesis 30:30

Q'axal b'a'b'ay wank aawe naq maji' nink'ulunk; ab'an anaqwan xk'ihank chik chi yo'oon laajunkab'lal ut li Qaawa' xatrosob'tesi rik'in link'ulunik. Us b'i', jo'q'e tintikib' k'anjelak ajwi' cho'q re linjunkab'al?”, chan.

Génesis 30:27

Laj Labán kixye: “Usilal xintaw aawik'in. Kanaaqat. Q'axal xtoq'ob'aal wu naq xinwank; ab'anan, b'anyox aawe laa'at, li Qaawa' xinxrosob'tesi”.

Génesis 1:21

Li Yos kixyoob'tesiheb' li ninqi kar li wankeb' sa' palaw ut chixjunileb' li xul li neke'xjukuki rib' chiru ch'och', li neke'xjuyuyi rib' sa' ha', a' yaal chanru li xpaayil, ut chixjunileb' li xul li neke'rupupik, a' yaal chanru li xpaayil. Ut li Yos kiril naq us a'an.

Génesis 1:23

Ki'ewuuk ut kisaqewk: a'an li ro' li kutan.