Génesis 1:14 - Q'eqchi Bible

¹⁴ Toja' naq kixye li Yos: “Che'wanq xsaqenkil li choxa re te'xjach li kutan rik'in li q'oqyink. Te'k'anjelaq cho'q reetalil li ninq'e, li kutan ut li chihab',

Li Santil hu

¹⁴ Ut li Dios quixye: —Cheꞌcua̱nk xcutanquil ru li choxa re nak tixjach rib li cutan riqꞌuin li kꞌojyi̱n; ut eb aꞌan teꞌcꞌanjelak chokꞌ retalil li sakꞌehil ut li habalkꞌe, joꞌ ajcuiꞌ retalil li cutan ut li chihab.

Génesis 1:14 ပူးပေါင်းရင်းမြစ်များ

Deuteronomio 4:19

Naq taawil li choxa, li saq'e, li po, eb' li chahim ut chixjunil li wank chiru choxa, maak'e aawib' chi b'alaq'iik chi moko taawiq'ib' aawib' chiruheb' chi xloq'oninkileb' ru, xb'aan naq li Qaawa' laaYos kixyiib' eb' a'an re naq te'k'anjelaq chiruheb' chixjunil li tenamit wankatqeb' junsut junrub'el choxa.

Jeremías 31:35

Jo'ka'in kixye li Qaawa', li kixk'e li saq'e cho'q xsaqenk li kutan, li po ut eb' li chahim cho'q xsaqenkil li q'oqyink, ut na'eek'asink re li palaw re naq kaw taa'ab'imanq li xkaw oq; li Qaawa', li Nimajwal Yos, a'an li xk'ab'a':

Salmos 148:3

Saq'e ut po, chenima ru li Qaawa'; ex chahim li nekexlemtz'unk taqe'q, chenima ru li Qaawa'.

Salmos 148:6

kexxk'ojob' sa' leena'aj chi junajwa, kixxaqab' li xchaq'rab', ut maajoq'e taa'oso'q xwankil.

Amós 5:8

Li Qaawa', a'an li kiyiib'ank reheb' li k'iila chahim, Pléyades ut Oryón li xk'ab'a'eb', ut aak'ab' naxkanab' wi' li kutan. A'an naxjunaji li xha'el li palaw ut naxpaji chaq sa' xb'een li ruuchich'och'. A'an li nasachok xwankil eb' li kaweb' rib' ut naxjuk' li kawub'resinb'il tenamit. Li xk'ab'a' a'an Qaawa'.

Joel 3:15

Li saq'e ut li po taaq'oqyino'q ru ut taa'aak'ab'o'q ruheb' li chahim.

Jeremías 10:2

Li Qaawa' naxye chi jo'ka'in: “Meetzol eerib' rik'ineb' li jalanil tenamit chi moko chexiwa li k'aru nekeril chiru choxa, jo' neke'xb'aanu eb' li junch'ol chik.

Salmos 81:3

Chexb'ichanq, chetoch' leekok' tun, ch'e'omaq li loq'laj aarp ut li kitaar!

Génesis 8:22

Jo' najtil chik taawanq li ruuchich'och', junelik taawanq awk ut q'olok, ke ut tiq, hab'alq'e ut saq'ehil, kutan ut q'oqyink”.

Isaías 40:26

Taqsihomaq leerilob'aal sa' choxa ut ilomaq: ani xk'uub'ank re chixjunil a'an? A' li najek'ink reheb' li chahim chi tzol sa' xna'aj ut naxb'oqeb' li junjunq rik'in xk'ab'a'. Q'axal nim xwankil ut k'ajo' li xkawilal, ut maajun reheb' naxmuq rib' chiru.

San Mateo 24:29

“Akaq xk'ulmank li nimla rahilal a'an, li saq'e taaq'oqyino'q ru chi junpaat, li po ink'a' chik taasaqeno'q ru, eb' li chahim sa' choxa te't'anje'q chaq ut li xwankilal li choxa taachiq'chiq'iiq sa' xna'aj.

Amós 8:9

“Sa' li kutan a'an -chan li Qaawa' Yos- tink'e chi aak'ab'o'k ru li kutan ut taachalq li q'oqyink sa' wa'leb'.

Joel 2:10

Hich'lotq li ch'och' sa' xna'aj naq yooqeb' chi chalk eb' laj saak'; li choxa taachiq'chiq'iiq, li saq'e ut li po taaq'oqyino'q ru, ut taa'aak'ab'o'q ruheb' li chahim.

Jeremías 33:20

“Laa'in, li Qaawa', ninye chi jo'ka'in: Wi ta laa'ex texruuq xsachb'al linchaq'rab' chirix xjek'b'al li kutan rik'in li q'oqyink, re raj naq maak'a'aq chik kutan malaj li q'oqyink sa' li xhonalil,

Apocalipsis 6:12

Naq li Karneer kixte li xwaq tz'apleb', kiwil, ut kiwank jun nimla hiik; li saq'e kiq'eqo'k jo' jun li t'ikr mutzuk ru, li po kikanaak chixjunil chanchan kik'

San Mateo 2:2

ut ke'xpatz': —B'ar wank li x'awab'ejeb' laj Judiiy xyo'laak? Xb'aan naq xqil chaq li xchahimal toj sa' releb'l saq'e ut xoochalk chi xloq'oninkil.

Ezequiel 46:1

“Jo'ka'in naxye li Qaawa': Li rokeb'aal li neb'aal li wank chisa', sa' xjayal releb'l saq'e, tz'aptz'ooq chiru li waqib' kutan na'uxk wi' k'anjelak; ka'ajwi' sa' xwuq li kutan ut sa' xninq'ehinkil li xyo'lajik po taateemanq.

Jeremías 33:25

A'ut laa'in, li Qaawa', ninye chi jo'ka'in: Wi ta laa'in ink'a' kink'ojob' li sumwank rik'in li kutan ut li q'oqyink ut ink'a' kink'e raj xchaq'rab'il li choxa ut li ruuchich'och',

Li xHu LAJ JOB 25:5

Chi moko li po lemtz' ru chiru A'an, chi moko eb' li chahim saqeb' ru cho'q re.

Génesis 9:13

Tink'e linkaqlaaq' sa'eb' li choql, ut a'anaq reetalil linSumwank rik'in li ruuchich'och'.

Apocalipsis 8:12

Toja' naq li xka ánjel kixyaab'asi li xtronpeet, ut kikete'k li rox jachal li saq'e, li rox jachal li po ut li rox jachal chixjunileb' li chahim: ki'aak'ab'o'k li rox jachal chixjunil a'an, ut li rox jachal li kutan ink'a' kisaqeno'k ru; jo'kan ajwi' li q'oqyink.

San Lucas 23:45

Li xt'ikrul li rochoch li Yos kiq'iche'k sa' xyi

San Marcos 13:24

“Ab'an sa'eb' li kutan a'an, naq akaq xk'ulmank li nimla rahilal a'an, li saq'e taaq'oqyino'q ru, li po ink'a' chik taasaqeno'q ru;

Ezequiel 46:6

Sa' xyo'lajik li po tixmayeja jun saaj wakax, waqib' kok' karneer ut jun teelom karneer, li maak'a'aq reek'eb'.

Salmos 119:91

Sa' xk'ab'a' laachaq'rab' chixjunil toj wank anaqwan, xb'aan naq li choxach'och' a'an aj k'anjel chawu.

Li xHu LAJ JOB 25:3

Ani taaruhanq rajlankileb' laj puub' li wankeb' re? Li xsaqenk nalemtz'unk sa' xb'eeneb' chixjunil li poyanam.

Li xHu LAJ JOB 3:9

Aak'ab'aq taxaq li kutan a'an ut milemtz'unk li kaq chahim; ink'a' taxaq chi'ilmanq li hik'e'k sa' li kutan a'an,

Apocalipsis 9:2

ut kixte li xchamal li Siwan. K'ajo' li sib' kitaqe'k chaq sa' li jul, kama' xsib'el junaq nimla xam, ut kiq'oqyino'k ru li saq'e jo'wi' li iq' xb'aan xsib'el li jul.

Génesis 1:13

Ki'ewuuk ut kisaqewk: a'an li rox li kutan.

Génesis 1:15

ut te'lemtz'unq chiru li choxa re xkutanob'resinkil li ruuchich'och'”. Ut jo'kan ki'uxk.

Salmos 150:1

Aleluya! Chenima ru li Qaawa' sa' li xloq'laj ochoch, chek'ehaq xloq'al li Qaawa' sa' li choxa, li reetalil li xwankil.