Gálatas 6:3 - Q'eqchi Bible

³ Wi wank junaq li naxk'oxla rib' naq nim xwankil, chi maak'a' xwankil, a'an yo chi xb'alaq'inkil rib' xjunes.

Li Santil hu

³ Li ani naxcꞌoxla nak nim xcuanquil xjunes rib, li jun aꞌan yo̱ chixbalakꞌinquil rib xjunes.

Gálatas 6:3 ပူးပေါင်းရင်းမြစ်များ

Proverbios 26:12

Toj naru xk'eeb'al xna'eleb'eb' li maak'a'eb' xna'leb'; ab'an jwal ch'a'aj xtenq'ankil junaq li naxk'oxla naq naxnaw chixjunil.

1 Corintios 3:18

Maa'ani chixb'alaq'i rib'! Wi wan junaq sa' eeyanq nareek'a naq wank xna'leb' sa' li ruuchich'och' a'in, chixb'aanuhaq rib' jo' li maak'a' naxnaw re naq tixtaw xna'leb'.

1 Corintios 8:2

Wi wank junaq nak'oxlank re naq wank xna'leb' chirix junaq k'a'aq re ru, a'an toj maji' xtikib' xnawb'al jo' chanru tento xnawb'al.

Romanos 12:3

Sa' xk'ab'a' li maatan k'eeb'il we ninye eere chejunilex ut chejunjunqal: meek'oxla eerib' naq numtajenaq eena'leb', chek'oxla b'an yal tz'aqalaj, a' yaal chanru li maatan k'eeb'il re li junjunq xb'aan li Yos sa' xk'ab'a' li xpaab'aal.

2 Corintios 3:5

Maajun k'anjel naru naqayoob' qajunes, rik'in ta qawankil. Li Yos b'an nak'ehok qawankil chi xb'aanunkil li naqab'aanu:

1 Corintios 13:2

Wi wank ta inmaatan re aatinak jo' propeet, wi ninnaw ta chixjunileb' li xmuqmuukil na'leb' li Yos ut chixjunil li k'a'uxl, wi ta tz'aqlojenaq ru linpaab'aal re xjalb'al xna'aj eb' li tzuul, ab'anan wi ink'a' ninrahok, maak'a' nin'ok wi'.

1 Juan 1:8

Wi naqaye naq maak'a' qamaak, yooko chi xb'alaq'inkil qib' ut moko wank ta li yaal qik'in.

Romanos 12:16

Wanqex sa' aatin cherib'il eerib', mexq'etq'eto'k, cherahaq b'an li k'aru kub'enaq xwankil; meek'oxla eerib' chi numtajenaq eena'leb'.

San Lucas 18:11

Laj pariseey, xaqxo naq kitijok sa' xch'ool chi jo'ka'in: «At inYos, ninyoxink chawu xb'aan naq ink'a' jo'kineb' li winq junch'ol, aj elq'eb', ink'a' tiikeb' xch'ool, aj muxuleb' sumlaak, chi moko jo'kin laj titz'ol toj a'in.

Santiago 1:22

B'aanuhomaq li naxye li Aatin, ut ink'a' chik'ojlaaq eech'ool ka'ajwi' rik'in rab'inkil: yal xb'alaq'inkil eerib' nekeb'aanu chi jo'kan.

Proverbios 25:14

Jo' li choql ut li iq' chi maak'a' hab' chiru, jo'kaneb' li neke'xye naq te'sihinq, ab'an maak'a' neke'xk'e.

Santiago 1:26

Wi ani naxk'oxla rib' naq tz'aqal aj paab'anel ut ink'a' naxq'us li ru'uj raq', a'an naxb'alaq'i rib' xjunes, ut li xpaab'aal maak'a' rajb'al.

2 Timoteo 3:13

A'ut eb' laj maak ut eb' laj b'alaq' taanumtaaq li xmaa'usilaleb', yooqeb' chi b'alaq'ink ut yooqeb' ajwi' chi b'alaq'iik.

2 Corintios 12:11

Xkaano' wu, ab'an laa'ex xexminok wu. Laa'ex raj li xexnimank inloq'al, xb'aan naq tik moko kub'enaq ta inwankil chiruheb' li “xninqaleb' ru apóstol” a'an, us ta laa'in maak'a' inwankil.

Gálatas 2:6

Eb' li oxloq'inb'ileb' cho'q aj jolominel maak'a' chik ke'xteneb' sa' inb'een. Ut wi eb' a'an ke'wank junxil cho'q aj jolominel, maak'a' nawaj re laa'in, xb'aan naq li Yos juntaq'eet narileb' chixjunil.

Hechos 5:36

Xb'aan naq rub'elaj eb' li kutan a'in kixaqliik laj Tewdas li nim xwankil naq naxye rib', ut ke'okenk chirix jun o'q'ob' tana chi winq. Ab'an kikamsiik, ut chixjunileb' li ke'taaqenk re ke'xcha'cha'i rib'eb' ut ke'oso'k yal chi jo'kan.

Gálatas 2:9

Naq laj Santiago, laj Sefas ut laj Jwan, eb' li oxloq'inb'ileb' cho'q roqechal li Iklees, ke'xk'e reetal li simaatan k'eeb'il we, ke'xk'e li ruq'eb' we jo'wi' re laj Bernabé, reetalil naq wanko sa' sum'aatin; ut xqak'uub' naq eb' a'an te'xik rik'ineb' li xk'ulumeb' li sirkunsisyon ut laa'in wochb'een laj Bernabé tooxik rik'ineb' li junch'ol chik.